ಮಕ್ಕಳಿಗೆ ಪ್ರಿಯವಾದ ಮ್ಯಾಂಗೊ ಜಾಮ್ ರೆಸಿಪಿ

ಈ ಮಾವಿನಹಣ್ಣಿನ ಸೀಸನ್‌ನಲ್ಲಿ ಮಕ್ಕಳು ತುಂಬಾ ಇಷ್ಟಪಡುವ ಮ್ಯಾಂಗೊ ಜಾಮ್‌ ಮಾಡಿ ಸವಿಯಲು ನೀಡಿ. ಇದರ ರೆಸಿಪಿ ತುಂಬಾ ಸರಳವಾಗಿದ್ದು, ಮಾಡುವ ವಿಧಾನ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಗ್ರಿ
4 ಮಾವಿನ ಹಣ್ಣಿನ ತಿರುಳು
100 ಗ್ರಾಂ ಸಕ್ಕರೆ
1 ಚಮಚ ನಿಂಬೆರಸ

ಮಾಡುವ ವಿಧಾನ:

1. ಮಾವಿನಹಣ್ಣಿನ ತಿರುಳನ್ನು ನೀರು ಸೇರಿಸದೆ ಬ್ಲೆಂಡರ್‌ನಲ್ಲಿ ಹಾಕಿ ಎರಡು ರೌಂಡ್‌ ತಿರುಗಿಸಿ.
2. ಈಗ ಪ್ಯಾನ್‌ ಬಿಸಿ ಮಾಡಿ, ಪೇಸ್ಟ್ ಮಾಡಿದ ಮಾವಿನಹಣ್ಣಿನ ತಿರುಳು ಹಾಕಿ ಕುದಿಸಿ.
3. ಈಗ ಉರಿ ಕಡಿಮೆ ಮಾಡಿ, ಸಕ್ಕರೆ ಮತ್ತು ನಿಂಬೆರಸ ಹಾಕಿ ತಿರುಗಿಸಿ.
4. ಸಕ್ಕರೆ ಸಂಪೂರ್ಣವಾಗಿ ಕರಗಿದ ಮೇಲೆ ಕಡಿಮೆ ಉರಿಯಲ್ಲಿ 5-6 ನಿಮಿಷ ತಿರುಗಿಸಿ.
5. ನಂತರ ಗ್ಯಾಸ್‌ ಆಫ್‌ ಮಾಡಿ ತಣ್ಣಗಾಗಲು ಬಿಡಿ. ರೆಡಿಯಾದ ಜಾಮ್‌ ತಣ್ಣಗಾದ ಮೇಲೆ ಸ್ವಚ್ಛವಾದ, ನೀರಿನಂಶವಿಲ್ಲದ, ಗಾಳಿಯಾಡದ ಗಾಜಿನ ಡಬ್ಬಿಯಲ್ಲಿ ಹಾಕಿಟ್ಟು, ಫ್ರಿಜ್‌ನಲ್ಲಿಟ್ಟು ಬಳಸಿ.

ಸೂಚನೆ: ರೆಡಿಯಾದ ಜಾಮ್‌ ಅನ್ನು ಒಂದು ವಾರದೊಳಗೆ ಖಾಲಿ ಮಾಡಿ.