ವಾವ್‌! ಮಾವಿನಹಣ್ಣಿನ ಮಾಲ್ಪುವಾ

ಮಾವಿನ ಹಣ್ಣಿನಿಂದ ವಿವಿಧ ಬಗೆಯ ತಿನಿಸು ಮಾಡ ಬಯಸುವುದಾದರೆ ಇಲ್ಲಿದೆ ನೋಡಿ ರುಚಿ-ರುಚಿಯಾದ ಮಾಲ್ಪುವಾ ರೆಸಿಪಿ.

ಬೇಕಾಗುವ ಸಾಮಗ್ರಿ
2 ಚಮಚ ಮಾವಿನಹಣ್ಣಿನ ತಿರುಳು
2 ಮಾವಿನಹಣ್ಣು(ಕ್ಯೂಬ್‌ ರೀತಿಯಲ್ಲಿ ಕತ್ತರಿಸಿದ್ದು)
ಅರ್ಧ ಚಮಚ ಮೊಸರು
1 ಚಮಚ ತುಪ್ಪ
ನೀರು
1 ಕಪ್‌ ಗೋಧಿ ಹಿಟ್ಟು
ಸ್ವಲ್ಪ ಪಿಸ್ತಾ
2 ಚಮಚ ಜೇನು
2 ಚಮಚ ತೆಂಗಿನಕಾಯಿ (ಚಿಕ್ಕ-ಚಿಕ್ಕ ತುಂಡು)

ಮಾಡುವ ವಿಧಾನ:

ಸ್ಟೆಪ್ 1
ಒಂದು ದೊಡ್ಡ ಬೌಲ್‌ ತೆಗೆದುಕೊಂಡು ಅದರಲ್ಲಿ ಗೋಧಿ ಹಿಟ್ಟು ಹಾಗೂ ಮೊಸರು ಹಾಕಿ, ನೀರು ಹಾಕಿ ಮಿಕ್ಸ್‌ ಮಾಡಿ 6-7 ಗಂಟೆ ಬಿಡಿ. (ಮಿಶ್ರಣ ದೋಸೆ ಹಿಟ್ಟಿನ ರೀತಿಯಲ್ಲಿ ಇರಲಿ).

ಸ್ಟೆಪ್ 2
ನಂತರ ಮಾವಿನಹಣ್ಣಿನ ತಿರುಳು ಜೇನು ಹಾಕಿ ಮಿಕ್ಸ್ ಮಾಡಿ.

ಸ್ಟೆಪ್‌ 3
ಈಗ ಪ್ಯಾನ್‌ ಬಿಸಿ ಮಾಡಿ ಅದರ ಮೇಲೆ ಗೋಧಿ ಮಿಶ್ರಣವನ್ನು ವೃತ್ತಾಕಾರವಾಗಿ ಸುರಿಯಿರಿ, ಅದರ ಸುತ್ತಲು ತುಪ್ಪ ಹಾಕಿ. ಅದರ ಎರಡೂ ಬದಿ ಬೆಂದ ಮೇಲೆ ಅದರ ಮೇಲೆ ಮೆಲ್ಲಗೆ ಪಿಸ್ತಾ, ಕತ್ತರಿಸಿದ ಮಾವಿನಹಣ್ಣು, ತೆಂಗಿನಕಾಯಿ ತುಂಡು ಅದರ ಮೇಲೆ ಜೇನು ಹಾಕಿ ಮೆಲ್ಲನೆ ಮಡಚಿ. ಮಾಲ್ಪುವಾ ಬೆಂದ ಮೇಲೆ ಉರಿಯಿಂದ ಇಳಿಸಿ ಸವಿಯಿರಿ.