ಮೂಲವ್ಯಾಧಿ ನಿವಾರಣೆಗೆ ಬೆಸ್ಟ್‌ ಈ ಚಪಾತಿ

ಮೂಲವ್ಯಾಧಿ ಕಾಯಿಲೆಗೆ ರಾಮಬಾಣ ಮೂಲಂಗಿ, ಮೂಲಂಗಿ ರಕ್ತ ಶುದ್ಧೀಕರಿಸಲು ಸಹಾಯ ಮಾಡುತ್ತದೆ. ಆದರೆ ಕೆಲವರಿಗೆ ಅದರ ವಾಸನೆ ಇಷ್ಟವಾಗುವುದಿಲ್ಲ. ಅಂಥವರು ಮೂಲಂಗಿ ಚಪಾತಿ ಮಾಡಿ ತಿಂದರೆ ಮೂಲಂಗಿ ವಾಸನೆಯೂ ಇರುವುದಿಲ್ಲ, ಅದರ ಗುಣವನ್ನೂ ಪಡೆಯಬಹುದು.

ಬೇಕಾಗುವ ಸಾಮಾಗ್ರಿಗಳು
ಗೋಧಿ ಹಿಟ್ಟು
2-3 ಸಾಧಾರಣ ಗಾತ್ರದ ಮೂಲಂಗಿ(ತುರಿಯಿರಿ)
3 ಚಮಚ ತುಪ್ಪ
ಚಿಟಿಕೆಯಷ್ಟು ಕಾಳು ಮೆಣಸಿನ ಪುಡಿ
1/4 ಚಮಚ ಅರಿಶಿಣ
ಸ್ವಲ್ಪ ಕರಿಬೇವು (ಚಿಕ್ಕದಾಗಿ ಕತ್ತರಿಸಿದ್ದು)
ಸ್ವಲ್ಪ ಕೊತ್ತಂಬರಿ ಸೊಪ್ಪು (ಚಿಕ್ಕದಾಗಿ ಕತ್ತರಿಸಿದ್ದು)
1 ಈರುಳ್ಳಿ(ಚಿಕ್ಕದಾಗಿ ಕತ್ತರಿಸಿದ್ದು)
ರುಚಿಗೆ ತಕ್ಕ ಉಪ್ಪು
ನೀರು

ಮಾಡುವ ವಿಧಾನ:
* ಗೋಧಿ ಹಿಟ್ಟನ್ನು ಸ್ವಲ್ಪ ದೊಡ್ಡ ಬೌಲ್‌ಗೆ ಹಾಕಿ ಅದರಲ್ಲಿ ಉಳಿದ ಸಾಮಾಗ್ರಿಗಳನ್ನು ಹಾಕಿ ಚಪಾತಿ ಹದಕ್ಕೆ ಕಲಿಸಿ.
* ನಂತರ ಚಪಾತಿಗೆ ಲಟ್ಟಿಸಿ.
*ತವಾ ಬಿಸಿ ಮಾಡಿ ಅದಕ್ಕೆ ಎಣ್ಣೆ ಸವರಿ ಚಪಾತಿ ಮಾಡುವಂತೆಯೇ ಎರಡೂ ಬದಿ ಬೇಯಿಸಿ. ಹೀಗೆ ಬೇಯಿಸುವಾಗ ಚಪಾತಿ ಮೇಲೆ ಎಣ್ಣೆ ಸವರಿ.
ರೆಡಿಯಾದ ಚಪಾತಿ ಬಿಸಿ-ಬಿಸಿ ಇರುವಾಗಲೇ ಮೊಸರು ಬಜ್ಜಿ/ಖಾರ ಚಟ್ನಿ/ಉಪ್ಪಿನಕಾಯಿ ಜತೆ ಸವಿಯಿರಿ.

Delicious and mouth-watering, you can enjoy this paratha recipe with curd, pickle or even ghee in breakfast and lunches.