ನವರಾತ್ರಿ ಸ್ಪೆಷಲ್‌: ಸಾಬುದಾನ ಪಾಯಸ

ನವರಾತ್ರಿ ಹಬ್ಬದಲ್ಲಿ ಪ್ರತಿದಿನ ವಿಶೇಷ ತಿನಿಸು ಮಾಡಲಾಗುವುದು. ಇಲ್ಲಿ ನಾವು ಅತ್ಯಂತ ಸರಳ ರೆಸಿಪಿಯಾದ ಸಾಬುದಾನ ಪಾಯಸ ಮಾಡುವ ವಿಧಾನ ಹೇಳಿದ್ದೇವೆ, ಟ್ರೈ ಮಾಡಿ ರುಚಿ ಖಂಡಿತ ಇಷ್ಟವಾಗುವುದು.

ಬೇಕಾಗುವ ಸಾಮಗ್ರಿ
50 ಗ್ರಾಂ ಸಾಬುದಾನ
ಅರ್ಧ ಲೀಟರ್ ಹಾಲು
10 ಗ್ರಾಂ ಒಣದ್ರಾಕ್ಷಿ
50 ಗ್ರಾಂ ಸಕ್ಕರೆ
3 ಏಲಕ್ಕಿ
20 ml ಮಿಲ್ಕ್‌ ಮೇಡ್‌ (ಹಾಕದಿದ್ದರೂ ಆಗುತ್ತೆ, ಮಿಲ್ಕ್‌ಮೇಡ್‌ ಬಳಸುವುದಾದರೆ ಸಕ್ಕರೆ ಸ್ವಲ್ಪ ಕಡಿಮೆ ಹಾಕಿ)
ಅಲಂಕಾರಕ್ಕೆ ಕೇಸರಿ

ಮಾಡುವ ವಿಧಾನ:
* ಸಾಬುದಾನವನ್ನು 6-7 ಗಂಟೆ ನೀರಿನಲ್ಲಿ ನೆನೆಹಾಕಿ. ನಂತರ ನೀರು ಸೋಸಿ ಹಾಲಿನಲ್ಲಿ ಹಾಕಿ, ಸಕ್ಕರೆ ಸೇರಿಸಿ ಸಾಬುದಾನ ಮೆತ್ತಗಾಗುವವರೆಗೆ ಬೇಯಿಸಿ. ಹಾಲು ಸ್ವಲ್ಪ ಮಂದವಾಗುವವರೆಗೆ ಬೇಯಿಸಿ.

*ಈಗ ತವಾ ಬಿಸಿ ಮಾಡಿ 1 ಚಮಚ ತುಪ್ಪ ಹಾಕಿ ಅದರಲ್ಲಿ ಒಣದ್ರಾಕ್ಷಿ ಹಾಕಿ 1 ನಿಮಿಷ ಫ್ರೈ ಮಾಡಿ, ಪಾಯಸಕ್ಕೆ ಹಾಕಿ, ಏಲಕ್ಕಿ ಪುಡಿ ಮಾಡಿ, ಮಿಲ್ಕ್‌ ಮೇಡ್‌ ಸೇರಿ ಒಮ್ಮೆ ತಿರುಗಿಸಿದರೆ ಸಾಬುದಾಬ ಪಾಯಸ ರೆಡಿ. ರೆಡಿಯಾದ ಪಾಯಸವನ್ನು ಕೇಸರಿಯಿಂದ ಅಲಂಕರಿಸಿ ಸರ್ವ್‌ ಮಾಡಿ.