ಸಮ್ಮರ್‌ಗೆ ನ್ಯೂ ಐಸ್‌ಕ್ರೀಮ್‌ ಫ್ಲೇವರ್‌

ಈ ಬೇಸಿಗೆಗೆ ಟ್ರಡಿಷನಲ್‌ ಫ್ಲೇವರ್‌ನ ಐಸ್‌ಕ್ರೀಮ್‌ಗಳನ್ನು ಮರೆತು ಬಿಡಿ. ಅದರ ಬದಲು ಅತ್ಯಂತ ಹೊಸ ಫ್ಲೇವರ್‌ಗಳ ಐಸ್‌ಕ್ರೀಮ್‌ಗಳನ್ನು ಸವಿಯಿರಿ.

ಲವಲವಿಕೆ ಸುದ್ದಿಲೋಕ

ಐಸ್‌ಕ್ರೀಮ್‌ ಅಂದ ತಕ್ಷ ಣ ವೆನಿಲ್ಲಾ, ಸ್ಟ್ರಾಬೆರ್ರಿ, ಚಾಕ್ಲೇಟ್‌, ಬ್ಲ್ಯಾಕ್‌ ಕರೆಂಟ್‌, ಮ್ಯಾಂಗೊ, ಕಾಫಿ, ಬಟರ್‌ಸ್ಕಾಚ್‌ ಮುಂತಾದ ಟ್ರಡಿಷನಲ್‌ ವೆರೈಟಿಗಳೇ ನೆನಪಾಗುತ್ತವೆ. ಇದಕ್ಕಿಂತ ಭಿನ್ನವಾದ ಹೊಸ ರುಚಿ ಕೊಡುವ ಇತರ ಐಸ್‌ಕ್ರೀಮ್‌ ಫ್ಲೇವರ್‌ಗಳೂ ಇವೆ. ಈ ಬಾರಿಯ ಸಮ್ಮರ್‌ಗೆ ಹೊಸ ಫ್ಲೇವರ್‌ನ ಐಸ್‌ಕ್ರೀಮ್‌ ಸವಿದು ಚಿಲ್‌ ಆಗಿ.

ಬ್ಲ್ಯಾಕ್‌ ಪೆಪ್ಪರ್‌

ಈ ಫ್ಲೇವರ್‌ನ ಐಸ್‌ಕ್ರೀಮ್‌ ತಿಂದ ಬಳಿಕ ನಾಲಿಗೆಗೆ ಕೊಂಚ ಖಾರವೆನಿಸುತ್ತದೆ. ಐಸ್‌ಕ್ರೀಮ್‌ ತಯಾರಿಕೆಯ ವೇಳೆ ಕೆನೆ ಮತ್ತು ಹಾಲಿನ ಜೊತೆಗೆ ಕುಟ್ಟಿದ ತಾಜಾ ಕಾಳುಮೆಣಸುಗಳ ಬಳಕೆಯೇ ಇದಕ್ಕೆ ಕಾರಣ.

ರಸ್ಕ್‌

ಹಾಲು ಅಥವಾ ಚಹಾದ ಜೊತೆಗೆ ಮಾತ್ರ ರಸ್ಕ್‌ ತಿನ್ನುವ ಅಭ್ಯಾಸವಿರುವವರು ಈ ಬಾರಿ ಅದನ್ನು ಐಸ್‌ಕ್ರೀಮ್‌ ಜೊತೆಗೆ ತಿನ್ನಿ. ರಸ್ಕ್‌ ಫ್ಲೇವರ್‌ನ ಐಸ್‌ಕ್ರೀಮ್‌ ರಸ್ಕ್‌ನಂತೆ ಸ್ವಲ್ಪ ಕ್ರಂಚಿಯಾಗಿರುತ್ತದೆ.

ಪಂಪ್ಕಿನ್‌ ಸ್ಪೈಸ್‌

ಕುಂಬಳಕಾಯಿಯ ಸವಿಯನ್ನು ಸಿಹಿ ತಿನಿಸುಗಳಿಗೆ ಮಾತ್ರವಲ್ಲದೆ, ಐಸ್‌ಕ್ರೀಮ್‌ಗೂ ಬಳಸುವ ಟ್ರೆಂಡ್‌ ಆರಂಭವಾಗಿದೆ. ಈ ಪರಿಣಾಮ ಈ ಬೇಸಿಗೆಗೆ ಪಂಪ್ಕಿನ್‌ ಸ್ಪೈಸ್‌ ಐಸ್‌ಕ್ರೀಮ್‌ ಎಂಟ್ರಿ ನೀಡಿದೆ.

ಮಾಚಾ ಗ್ರೀನ್‌ ಟೀ-ಮೊಸರು

ಅತ್ಯಂತ ಆರೋಗ್ಯಕರ ಐಸ್‌ಕ್ರೀಮ್‌ ಫ್ಲೇವರ್‌ ಆಗಿರುವ ಇದಕ್ಕೆ ಗ್ರೀನ್‌ ಟೀ ಮತ್ತು ಮೊಸರು ಬಳಸುತ್ತಾರೆ.

ಗ್ರೀನ್‌ ಟೀ

ಹಸಿರು ಚಹಾ ಸೇವನೆಯ ಟ್ರೆಂಡ್‌ ಐಸ್‌ಕ್ರೀಮ್‌ಗೂ ಕಾಲಿಟ್ಟಿದೆ. ಈಗ ಗ್ರೀನ್‌ ಟೀ ಫ್ಲೇವರ್‌ನ ಐಸ್‌ಕ್ರೀಮ್‌ಗೆ ಬೇಡಿಕೆ ಹೆಚ್ಚಿದೆ.

ಕೊಕೊನಟ್‌ ಐಸ್‌

ಕೊಬ್ಬರಿ ಉಂಡೆ ಮತ್ತು ಬರ್ಫಿಯಂತೆ ಕೊಬ್ಬರಿ ಫ್ಲೇವರ್‌ನ ಐಸ್‌ಕ್ರೀಮ್‌ ಕೂಡಾ ರುಚಿಯಾಗಿರುತ್ತದೆ.

ಸಿನ್ನಮನ್‌

ಹಲವಾರು ಆರೋಗ್ಯ ಪ್ರಯೋಜನ ಹೊಂದಿರುವ ಚಕ್ಕೆ ಅಥವಾ ಸಿನ್ನಮನ್‌ ಫ್ಲೇವರ್‌ನ ಐಸ್‌ಕ್ರೀಮ್‌ ಕೂಡಾ ಐಸ್‌ಕ್ರೀಮ್‌ ಪ್ರಿಯರಿಗೆ ಇಷ್ಟವಾಗುವುದರಲ್ಲಿ ಅನುಮಾನವಿಲ್ಲ.

ಚಾಕ್ಲೇಟ್‌ ಚಿಪ್‌-ಮಿಂಟ್‌

ತಾಜಾ ಪುದೀನ ಎಲೆಗಳ ಪರಿಮಳ ಮತ್ತು ಚಾಕ್ಲೇಟ್‌ ಚಿಪ್‌ನ ರುಚಿಯಿರುವ ಚಾಕ್ಲೇಟ್‌ ಚಿಪ್‌ ಮಿಂಟ್‌ ಫ್ಲೇವರ್‌ನ ಐಸ್‌ಕ್ರಮ್‌ ಕೂಡಾ ಈ ಸೀಸನ್‌ನ ನ್ಯೂ ಎಂಟ್ರಿ.

ಬ್ರೆಡ್‌

ತುಂಬಾ ಮೃದುವಾಗಿರುವ ಬ್ರೆಡ್‌ ಫ್ಲೇವರ್‌ನ ಐಸ್‌ಕ್ರೀಮ್‌ನಲ್ಲಿ ಸೇಬು, ಬಾಳೆಹಣ್ಣು ಮುಂತಾದ ತಾಜಾ ಹಣ್ಣುಗಳನ್ನು ಬಳಸಲಾಗುತ್ತದೆ.