ಆಹಾ! ಮಾವಿನ ಹಣ್ಣಿನ ಸಾರು

ಆಹಾ! ಮಾವಿನ ಹಣ್ಣಿನ ಸಾರಿನ ರುಚಿಗೆ ಮನ ಸೋಲದವರು ಯಾರು? ಸೂಪರ್ ಟೇಸ್ಟ್‌ನ ಮಾವಿನಹಣ್ಣು ಸಾರನ್ನು ಮಾಡುವ ವಿಧಾನ ಇತರ ಸಾರಿಗಿಂತ ಭಿನ್ನವಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಗ್ರಿ
2 ಮಾವಿನಹಣ್ಣು
6 ಚಮಚ ರೋಸ್ಟ್‌ ಮಾಡಿದ ಸಾಸಿವೆ
ರುಚಿಗೆ ತಕ್ಕ ಉಪ್ಪು
ಚಿಟಿಕೆಯಷ್ಟು ಇಂಗು
5 ಚಮಚ ಕಾಶ್ಮೀರಿ ಖಾರದ ಪುಡಿ
4 ಚಮಚ ರೋಸ್ಟ್ ಮಾಡಿದ ಜೀರಿಗೆ
ಅರ್ಧ ಕಪ್‌ ಬೆಲ್ಲ
ಸ್ವಲ್ಪ ಕರಿಬೇವು
ಚಿಟಿಕೆಯಷ್ಟು ಅರಿಶಿಣ ಪುಡಿ
3 ಚಮಚ ಸಾಸಿವೆ ಎಣ್ಣೆ

ಮಾಡುವ ವಿಧಾನ:

ಸ್ಟೆಪ್‌ 1
ಮಾವಿನ ಹಣ್ಣನ್ನು ಚಿಕ್ಕ -ಚಿಕ್ಕ ತುಂಡುಗಳಾಗಿ ಕತ್ತರಿಸಿ (ಸಿಪ್ಪೆ ಸಹಿತ ಸಾರಿಗೆ ಹಾಕಿದರೆ ರುಚಿ ಹೆಚ್ಚು).

ಸ್ಟೆಪ್‌ 2
ಈಗ ರೋಸ್ಟ್‌ ಮಾಡಿದ ಸಾಸಿವೆಯನ್ನು ಪೌಡರ್ ಮಾಡಿ. ನಂತರ ಪ್ಯಾನ್‌ಗೆ ಸಾಸಿವೆ ಎಣ್ಣೆ ಹಾಕಿ ಎಣ್ಣೆ ಬಿಸಿಯಾದಾಗ ಸ್ವಲ್ಪ ಸಾಸಿವೆ ಹಾಕಿ, ಸಾಸಿವೆ ಚಟಾಪಟ ಶಬ್ದ ಬರುವಾಗ ಕರಿಬೇವು ಹಾಕಿ. ಈಗ ಚಿಟಿಕೆಯಷ್ಟು ಇಂಗು ಹಾಕಿ ಅರಿಶಿಣ ಪುಡಿ ಸೇರಿಸಿ 2-3 ನಿಮಿಷ ಸೌಟ್‌ನಿಂದ ಆಡಿಸುತ್ತಾ ಇರಿ.

ಸ್ಟೆಪ್‌ 3
ಈಗ ನೀರು, ಮಾವಿನ ಹಣ್ಣು, ರುಚಿಗೆ ತಕ್ಕ ಉಪ್ಪು ಹಾಕಿ ಮಿಕ್ಸ್ ಮಾಡಿ 5 ನಿಮಿಷ ಬೇಯಿಸಿ. ಮಾವಿನ ಹಣ್ಣು ಬೆಂದಾಗ ಕಾಶ್ಮೀರಿ ಖಾರದ ಪುಡಿ, ಸಾಸಿವೆ ಪುಡಿ, ಜೀರಿಗೆ ಹಾಕಿ ಮಿಕ್ಸ್‌ ಮಾಡಿ ನಂತರ ಬೆಲ್ಲ ಸೇರಿಸಿ, 10 ನಿಮಿಷ ಬೇಯಿಸಿ. ಮಿಶ್ರಣದ ಮೇಲ್ಭಾಗದಲ್ಲಿ ಎಣ್ಣೆ ತೇಲುವಾಗ ಗ್ಯಾಸ್ ಆಫ್‌ ಮಾಡಿ, ಸಾರನ್ನು ಒಂದು ಬೌಲ್‌ಗೆ ಸುರಿದು ತಣ್ಣಗಾಗಲು ಇಡಿ. ನಂತರ ಅನ್ನದ ಜತೆ ಸವಿಯಿರಿ.