ಆರೋಗ್ಯ ವರ್ಧನೆಗೆ ಸಲಾಡ್‌ ಸೇವಿಸಿ

ಸಲಾಡ್‌ ಅಂದಾಕ್ಷಣ ಎಲ್ಲರಿಗೂ ನೆನಪಾಗುವುದು ಐಸ್‌ಕ್ರೀಮ್‌ ಪಾರ್ಲರ್‌ನಲ್ಲಿನ ಬಗೆಬಗೆಯ ಫ್ರೂಟ್ಸ್‌ ಸಲಾಡ್ಸ್‌. ಬೇಸಿಗೆ ಕಾಲದಲ್ಲಿ ಇವು ದೇಹವನ್ನು ತಂಪಾಗಿರಿಸುತ್ತವೆ.

ಕೇವಲ ಹಣ್ಣುಗಳಿಂದ ಮಾತ್ರವಲ್ಲ , ತರಕಾರಿ-ಕಾಳುಗಳಿಂದಲೂ ರುಚಿ ರುಚಿಯಾದ ಸಲಾಡ್ಸ್‌ ಗಳನ್ನು ಮನೆಯಲ್ಲೆ ತಯಾರಿಸಿ ಸವಿಯಬಹುದು. ಇವು ನಾಲಗೆಯ ರುಚಿ ಹೆಚ್ಚಿಸುತ್ತವಲ್ಲದೆ, ಭರಪೂರ್‌ ಪ್ರೋಟಿನ್‌ ಹಾಗೂ ವಿಟಮಿನ್‌ ಪೂರೈಸುತ್ತವೆ. ನಿಶ್ಯಕ್ತಿಯನ್ನು ದೂರ ಮಾಡುತ್ತವೆ. ಅಂದ ಹಾಗೆ, ಸಲಾಡ್ಸ್‌ ಮಾಡೋದು ಕೂಡ ತೀರಾ ಸುಲಭ. ಕೆಲವು ಟ್ರಿಕ್ಸ್‌ ಬಳಸಿದಲ್ಲಿ ಇದರ ರುಚಿಯನ್ನು ಮತ್ತಷ್ಟು ಹೆಚ್ಚಿಸಬಹುದು. ಪ್ರತಿನಿತ್ಯ ನಿಮ್ಮ ಹಾಗೂ ಮನೆಯವರ ಡಯಟಿಂಗ್‌ ಆಹಾರದಲ್ಲಿ ಹಣ್ಣು-ತರಕಾರಿಯ ಸಲಾಡ್ಸ್‌ಗೆ ಪ್ರಾಮುಖ್ಯತೆ ನೀಡಿ. ಇದು ಆರೋಗ್ಯ ವೃದ್ದಿಸುವುದಲ್ಲದೆ ನಿಮ್ಮ ಸೌಂದರ್ಯವನ್ನು ಇಮ್ಮಡಿಗೊಳಿಸಲು ಸಾಥ್‌ ನೀಡುತ್ತದೆ.

ಮೊಸರು ಸಹಿತ ಸಲಾಡ್‌

ತರಕಾರಿ ಸಲಾಡ್‌ಗೆ ಹುಳಿಯಿಲ್ಲದ ಮೊಸರು ಬೆರೆಸಿದಲ್ಲಿ ಮೊಸರು ಸಹಿತ ಸಲಾಡ್‌ ಸಿದ್ಧ. ಇದನ್ನು ಊಟದೊಂದಿಗೆ ತಿನ್ನಲು ರುಚಿಯಾಗಿರುತ್ತದೆ.

ಮೊಸರು ರಹಿತ ಸಲಾಡ್‌

ಯಾವುದೇ ಹಣ್ಣು-ತರಕಾರಿ ಸಲಾಡ್‌ ಸಿದ್ಧಪಡಿಸಿದಾಗ ಮೊಸರು ಮಿಶ್ರ ಮಾಡುವ ಬದಲು ಪ್ರತ್ಯೇಕವಾಗಿ ಮೊಸರನ್ನು ಬಳಸಬಹುದು.