ಶಾಂಘೈ ನಗರದಲ್ಲಿ ನಗುವ ಕಲ್ಲಂಗಡಿ

ಚೀನಾದ ಶಾಂಘೈ ನಗರದಲ್ಲಿರುವ ಹಣ್ಣಿನ ಮಾರುಕಟ್ಟೆಗೆ ಹೋದರೆ ಅಲ್ಲಿ ನಗು ಬೀರುವ ಕಲ್ಲಂಗಡಿ ಹಣ್ಣು, ಕರ್ಬೂಜ ಹಣ್ಣುಗಳು ನಿಮ್ಮನ್ನು ಸ್ವಾಗತಿಸುತ್ತವೆ. ಅದನ್ನು ನೋಡಿದ ತಕ್ಷ ಣ ಕೊಂಡು ತಿನ್ನಬೇಕು ಎಂದು ಅನಿಸುತ್ತದೆ. ಕಲ್ಲಂಗಡಿ ಹಣ್ಣನ್ನು ಗ್ರಾಹಕರಿಗೆ ಇನ್ನಷ್ಟು ಹತ್ತಿರವನ್ನಾಗಿಸಲು ಮತ್ತು ಅದು ಆಕರ್ಷಕವಾಗಿ ಕಾಣುವಂತೆ ಮಾಡಲು ಅಲ್ಲಿನ ಹಣ್ಣಿನ ವ್ಯಾಪಾರಿಗಳು ಕಂಡುಕೊಂಡಿರುವ ಹೊಸ ವಿಧಾನವಿದು. ಅವರು ಕಲ್ಲಂಗಡಿ, ಕರ್ಬೂಜ ಮುಂತಾದ ಹಣ್ಣುಗಳನ್ನು ಅರ್ಧಕ್ಕೆ ಕತ್ತರಿಸಿ ಅದಕ್ಕೆ ಸ್ಮೈಲಿ ಮತ್ತು ಕಣ್ಣುಗಳ ಸ್ಟಿಕ್ಕರ್‌ಗಳಿರುವ ತೆಳು ಪಾರದರ್ಶಕ ಹಾಳೆಯನ್ನು ಮುಚ್ಚಿ ಹಣ್ಣಿನ ಸ್ಟಾಲ್‌ಗಳಲ್ಲಿ ಇಡುತ್ತಾರೆ. ತಕ್ಷ ಣ ನೋಡುವಾಗ ಇದು ನಗುವ ಹಣ್ಣುಗಳಂತೆ ಭಾಸವಾಗುತ್ತದೆ. ಈ ಸ್ಮೈಲಿಂಗ್‌ ಫೇಸ್‌ ಕಲ್ಲಂಗಡಿ ಹಣ್ಣುಗಳು ಶಾಂಘೈ ನಗರದಲ್ಲಿ ತುಂಬಾ ಪ್ರಸಿದ್ಧವಾಗಿವೆ. ಇದರ ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿವೆ.