ಖಾರ ಪ್ರಿಯರಿಗೆ ಇಷ್ಟವಾಗುವ ನೇಪಾಳಿ ಆಹಾರ

ನೆರೆ ರಾಷ್ಟ್ರವಾದ ನೇಪಾಳದ ನೇಪಾಳದ ಸವಿಯಲು ಪ್ರವಾಸಿಗರು ಅಲ್ಲಿಗೆ ಹೋಗ್ತಿರುತ್ತಾರೆ. ನೇಪಾಳಕ್ಕೆ ಹೋದ್ರೆ ಅಲ್ಲಿನ ರುಚಿ ರುಚಿ ಆಹಾರ ತಿನ್ನದೆ ವಾಪಸ್ ಆಗಬೇಡಿ. ಮಾಂಸಹಾರದ ಜೊತೆ ಸಸ್ಯಹಾರಿಗಳಿಗೂ ಬಗೆ ಬಗೆಯ ರುಚಿ ರುಚಿ ಆಹಾರ ಬಾಯಲ್ಲಿ ನೀರೂರಿಸುತ್ತದೆ.

ರುಚಿ ರುಚಿಯಾದ ಸ್ಪೈಸಿ ಆಹಾರಗಳನ್ನು ಇಷ್ಟಪಡುವವರಿಗೆ ನೇಪಾಳಿ ಶೈಲಿಯ ಕೆಲವು ಆಹಾರಗಳು ತುಂಬಾ ಬೆಸ್ಟ್‌. ಪ್ರಕೃತಿ ಸೌಂದರ್ಯ, ದೇವಸ್ಥಾನಗಳಿಗೆ ಹೆಸರಾಗಿರುವ ಈ ದೇಶ ವೈವಿಧ್ಯಮಯ ಖಾದ್ಯಗಳಿಗೂ ಹೆಸರಾಗಿದೆ. ಬೆಟ್ಟ ಪ್ರದೇಶಗಳಿಂದ ಕೂಡಿದ ಈ ದೇಶದಲ್ಲಿ ಮೊಮೊಸ್‌ ಮತ್ತು ನೂಡಲ್ಸ್‌ ಮಾತ್ರ ಸಿಗುತ್ತವೆ ಎಂದು ನೀವು ಅಂದುಕೊಂಡಿದ್ದರೆ ಖಂಡಿತಾ ತಪ್ಪು.

ಯಾಕೆಂದರೆ ಇಲ್ಲಿ ಖಾರ ರುಚಿಯ ದಾಲ್‌ ಭಾತ್‌ ತರ್ಕಾರಿ, ತುಪ್ಕಾ, ಬಟರ್‌ ಟೀ ಮುಂತಾದ ಖಾದ್ಯಗಳೂ ಬಾಯಿ ನೀರೂರಿಸುವಂತಿವೆ. ಟಿಬೆಟಿಯನ್‌, ಏಷ್ಯನ್‌ ಮತ್ತು
ಇಂಡಿಯನ್‌ ಆಹಾರಗಳ ಸಂಗಮವಾಗಿರುವ ನೇಪಾಳಿ ಫುಡ್‌ ಭಾರತೀಯರಿಗೂ ಇಷ್ಟವಾಗುತ್ತದೆ. ಆ ದೇಶದಲ್ಲಿ ಸದಾ ತಂಪು ವಾತಾವರಣ ಇರುವುದರಿಂದ ಅಲ್ಲಿನ ಜನರು ಸೂಪ್‌, ಬಿಸಿ ಮೊಮೊಸ್‌, ಯಾಕ್‌, ಮೇಕೆ ಮತ್ತು ಮಾಂಸ, ಆಲೂಗೆಡ್ಡೆ, ಸಿರಿಧಾನ್ಯ ಮುಂತಾದ ಬೆಚ್ಚನೆಯ ಆಹಾರ ಸೇವನೆಗೆ ಆದ್ಯತೆ ನೀಡುತ್ತಾರೆ.