ಬಂದಿದೆ ಶುಗರ್‌ಲೆಸ್‌ ಸ್ವೀಟ್‌ ವೆರೈಟಿ

ಬರ್ಫಿ ಅಥವಾ ಲಡ್ಡುಗೆ ಸೀಮಿತವಾಗಿದ್ದ ಶುಗರ್‌ಲೆಸ್‌ ಸ್ವೀಟ್‌ಗಳಲ್ಲಿ ಈಗ ಅನೇಕ ಹೊಸ ವೆರೈಟಿಗಳಿವೆ. ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವವರು ವಿವಿಧ ಹಬ್ಬಗಳಿಗೆ ಹೊಸ ಸ್ವೀಟ್‌ ವೆರೈಟಿಗಳನ್ನು ಟ್ರೈ ಮಾಡಬಹುದು.

ಬಬಿತಾ ಎಸ್‌.

ಹಬ್ಬಕ್ಕೂ ಸಿಹಿ ತಿನಿಸುಗಳಿಗೂ ಬಿಡದ ನಂಟು. ಸಿಹಿ ತಿನಿಸುಗಳಿಲ್ಲದೆ ಯಾವುದೇ ಹಬ್ಬ ಪರಿಪೂರ್ಣವೆನಿಸಿಕೊಳ್ಳುವುದಿಲ್ಲ. ಹಬ್ಬಕ್ಕೆ ಕನಿಷ್ಠ ಒಂದಾದರೂ ಸಿಹಿ ತಿಂಡಿ ಮಾಡಲಾಗುತ್ತದೆ. ಆದರೆ ಈಗ ಆರೋಗ್ಯದ ಬಗ್ಗೆ ಅತೀವ ಕಾಳಜಿಯುಳ್ಳವರು, ಮಧುಮೇಹಿಗಳು, ದೇಹ ತೂಕ ಕಡಿಮೆ ಮಾಡಲು ಪ್ರಯತ್ನಿಸುವವರು ಸಿಹಿ ತಿಂಡಿಗಳನ್ನು ದೂರವಿಡುತ್ತಾರೆ. ಅವರಿಗೆಂದೇ ಸಕ್ಕರೆ ರಹಿತ ಸಿಹಿ ತಿಂಡಿಗಳಿದ್ದರೂ ಅದರಲ್ಲಿ ಜಾಸ್ತಿ ವೆರೈಟಿಯಿಲ್ಲ ಎಂದು ಕೆಲವರು ದೂರುತ್ತಿದ್ದರು.

ನ್ಯೂ ವೆರೈಟಿ

ಈ ಮೊದಲು ಕೇವಲ ಮಧುಮೇಹಿಗಳನ್ನು ಗಮನದಲ್ಲಿಟ್ಟುಕೊಂಡು ಶುಗರ್‌ಲೆಸ್‌ ಸ್ವೀಟ್ಸ್‌ ತಯಾರಿಸಲಾಗುತ್ತಿತ್ತು. ಅದರಲ್ಲಿ ಹೆಚ್ಚೆಂದರೆ ಎರಡ್ಮೂರು ವೆರೈಟಿಗಳು ಮಾತ್ರ ಇದ್ದವು. ಆದರೆ ಈಗ ಎಲ್ಲಾ ರೀತಿಯ ಮಧುಮೇಹ, ಮಕ್ಕಳು, ಕ್ಯಾಲೊರಿ ಕಾನ್ಷಿಯಸ್‌ ಮತ್ತು ಆರೋಗ್ಯ ಬಗ್ಗೆ ಕಾಳಜಿ ಇರುವವರಿಗೂ ಸಕ್ಕರೆ ಇಲ್ಲದ ಸಿಹಿ ತಿಂಡಿಗಳು ಬಂದಿವೆ. ಲೋ ಗ್ಲಿಸಮಿಕ್‌ ಶುಗರ್‌ಲೆಸ್‌ ಹಲ್ವಾ, ಬಾದಾಮ್‌ ಬರ್ಫಿ, ರಸಗುಲ್ಲಾ, ಡ್ರೈ ಜಾಮೂನ್‌, ರಸ್‌ಮಲಾಯಿ ಇತ್ಯಾದಿಗಳನ್ನೂ ಜನರು ಸಕ್ಕರೆ ಇಲ್ಲದೆ ತಿನ್ನಲು ಸಾಧ್ಯವಾಗಿದೆ. ಈ ಸಿಹಿ ತಿನಿಸುಗಳಿಗೆ ನೈಸರ್ಗಿಕ ಸಕ್ಕರೆ ಬಳಸದೆ ಫ್ರುಕ್ಟೋಸ್‌ ಮತ್ತು ಫ್ರೂಟ್‌ ಶುಗರ್‌ ಎಂದು ಕೂಡ ಕರೆಯಲಾಗುವ ಲೆವುಲೊಸ್‌ ಎಂಬುದನ್ನೂ ಬಳಸುತ್ತಾರೆ.

ಮಿತವಾಗಿ ಸೇವಿಸಿ

ನೈಸರ್ಗಿಕ ಸಕ್ಕರೆಯ ಬದಲು ಫ್ರುಕ್ಟೋಸ್‌ ಬಳಸಿ ಮಾಡುವ ಶುಗರ್‌ಲೆಸ್‌ ಸಿಹಿ ತಿಂಡಿಗಳು ಆರೋಗ್ಯಕ್ಕೆ ಪೂರಕವಾಗಿದ್ದರೂ ಇವುಗಳನ್ನು ಮಿತವಾಗಿ ತಿಂದಷ್ಟು ಒಳ್ಳೆಯದು. ಯಾಕೆಂದರೆ ಇದರಲ್ಲಿ ಸಕ್ಕರೆ ಇಲ್ಲ ಎಂಬುದನ್ನು ಬಿಟ್ಟರೆ ಆಯಾ ತಿಂಡಿಗಳಿಗೆ ಬಳಸುವ ಖೋವಾ, ಹಿಟ್ಟು ಮುಂತಾದ ವಸ್ತುಗಳಲ್ಲಿ ಕ್ಯಾಲೊರಿ ಹೆಚ್ಚಿರುತ್ತದೆ ಎಂಬುದು ತಜ್ಞರ ಅಭಿಪ್ರಾಯವಾಗಿದೆ.

ಸಕ್ಕರೆ ರಹಿತ ಸ್ವೀಟ್‌ ತಾಣ

ಜಿ.ಪುಲ್ಲಾ ರೆಡ್ಡಿ ಸ್ವೀಟ್ಸ್‌: ಇಂದಿರಾನಗರದಲ್ಲಿರುವ ಈ ಶಾಪ್‌ನಲ್ಲಿ ಸಕ್ಕರೆ ಇಲ್ಲದ ಬಾದುಶಾ, ಖೋವಾ ಪೂರಿ, ವೈಟ್‌ ಪಾಪ್ಡಿ, ಯೆಲ್ಲೊ ಪಾಪ್ಡಿ, ಕಲಾಕಂದ್‌, ಕಾಜು ಕಟ್ಲಿಗಳನ್ನು ಖರೀದಿಸಬಹುದು.

ಕಾಂತಿ ಸ್ವೀಟ್ಸ್‌: ಇಲ್ಲಿ ಝೀರೊ ಶುಗರ್‌ ಕಾಶ್ಮೀರಿ ಕಲಾಕಂದ್‌, ಝೀರೊ ಶುಗರ್‌ ಲಡ್ಡು, ಖೋವಾ ಕಟ್ಲಿ, ಪೇಢಾ ಕೊಳ್ಳಬಹುದು.

ಡಿಸೈರ್‌ ನ್ಯಾಚುರಲ್‌: ಗಾಂಧಿ ಬಜಾರ್‌ನಲ್ಲಿರುವ ಈ ಸಿಹಿ ತಾಣದಲ್ಲಿ ಸಕ್ಕರೆ ಇಲ್ಲದ ಜಾಂಗೀರು, ಸೋಹನ್‌ ಪಾಪ್ಡಿ, ಕೇಸರ್‌ ಬರ್ಫಿ, ಕಾಜು ಬರ್ಫಿ, ಬಾದಾಮ್‌ ಕಟ್ಲಿ ಮುಂತಾದ ವೆರೈಟಿಗಳನ್ನು ಖರೀದಿಸಬಹುದು.

ಭಗತ್‌ರಾಮ್‌ ಸ್ವೀಟ್ಸ್‌: ಕಮರ್ಷಿಯಲ್‌ ಸ್ಟ್ರೀಟ್‌ನಲ್ಲಿರುವ ಈ ಶಾಪ್‌ನಲ್ಲೂ ವೈವಿಧ್ಯಮಯವಾದ ಶುಗರ್‌ ಲೆಸ್‌ ಸಿಹಿ ತಿಂಡಿಗಳು ದೊರೆಯುತ್ತವೆ.

ಶುಗರ್‌ ಫ್ರೀ ಸಿಹಿ ತಿಂಡಿಗಳಲ್ಲಿ ನಾವು ಹೊಸ ರುಚಿಯ ಮಿಲೆಟ್‌ ಲಡ್ಡು ಪರಿಚಯಿಸಿದ್ದೇವೆ. ಮಿಲೆಟ್‌ ಸ್ವೀಟ್ಸ್‌ ಈಗ ಹೊಸ ಟ್ರೆಂಡ್‌. ಸಿಹಿ ರುಚಿ ಬರಲು ನಾವು ಲೆವುಲೊಸ್‌ ಬಳಸುತ್ತೇವೆ.

ಅನಿಲ್‌ ಕುಮಾರ್‌, ಡಿಜೈರ್‌ ನ್ಯಾಚುರಲ್‌ ಮ್ಯಾನೇಜರ್‌