ಸುಲಭದಲ್ಲಿ ಮಾಡಬಹುದು ಸಿಹಿಗೆಣಸಿನ ಕಟ್ಲೇಟ್‌

ನೀವು ಸಿಹಿಗೆಣಸಿನ ಕಟ್ಲೇಟ್‌ ಮಾಡ ಬಯಸುವುದಾದರೆ ಇಲ್ಲಿದೆ ನೋಡಿ ಸರಳ ರೆಸಿಪಿ:

ಬೇಕಾಗುವ ಸಾಮಗ್ರಿ
4 ಬೇಯಿಸಿದ ಸಿಹಿಗೆಣಸು
1/4 ಚಮಚ ಅರಿಶಿಣ
6 ಚಮಚ ಕಡಲೆ ಹಿಟ್ಟು
1/2ಕಪ್‌ ಅಡುಗೆ ಎಣ್ಣೆ
2 ಈರುಳ್ಳಿ (ಚಿಕ್ಕದಾಗಿ ಕತ್ತರಿಸಿದ್ದು)
ನಿಂಬೆ ರಸ 1/4 ಚಮಚ
1/4 ಚಮಚ ಖಾರದ ಪುಡಿ
2 ಚಮಚ ಅಕ್ಕಿ ಹಿಟ್ಟು
ರುಚಿಗೆ ತಕ್ಕ ಉಪ್ಪು
ಸ್ವಲ್ಪ ಕೊತ್ತಂಬರಿ ಸೊಪ್ಪು
ರವೆ

ಮಾಡುವ ವಿಧಾನ

1. ಸಿಹಿಗೆಣಸನ್ನು ತೊಳೆದು ಬೇಯಿಸಿ, ನಂತರ ಸಿಪ್ಪೆ ಸುಲಿದು ಒಂದು ಬೌಲ್‌ಗೆ ಹಾಕಿ ಮ್ಯಾಶ್ ಮಾಡಿ.

2. ಈಗ ಎಣ್ಣೆ ಬಿಟ್ಟು ಉಳಿದ ಸಾಮಗ್ರಿ ಹಾಕಿ ಮಿಕ್ಸ್ ಮಾಡಿ, ಉಂಡೆ ಕಟ್ಟಿ, ಕೈಯಿಂದಲೇ ಮೆಲ್ಲನೆ ಕಟ್ಲೇಟ್‌ಗೆ ತಟ್ಟಿ.

3. ಈಗ ಪ್ಯಾನ್‌ಗೆ ಎಣ್ಣೆ ಹಾಕಿ ಕುದಿಸಿ, ಎಣ್ಣೆ ಕುದಿ ಬರಲಾರಂಭಿಸಿದಾಗ ಒಂದೊಂದೇ ಕಟ್ಲೇಟ್‌ ತೆಗೆದು ಅದನ್ನು ರವೆಯಲ್ಲಿ ಹೊರಳಾಡಿಸಿ ಎಣ್ಣೆಯಲ್ಲಿ ಹಾಕಿ ಅದರ ಎರಡೂ ಬದಿ ಸ್ವಲ್ಪ ಕಂದು ಬಣ್ಣಕ್ಕೆ ಬರುವಾಗ ತೆಗೆಯಿರಿ.

ರೆಡಿಯಾದ ಕಟ್ಲೇಟ್‌ ಅನ್ನು ಬಿಸಿ-ಬಿಸಿ ಇರುವಾಗಲೇ ಟೊಮೆಟೊ ಸಾಸ್‌ ಜತೆ ಸವಿಯಿರಿ.