-ಆಹಾರಗಳಿಗೆ ಬಳಸುವ ಎಣ್ಣೆಗಳನ್ನು ಪಾತ್ರೆಯಲ್ಲಿ ಹೊಗೆ ಬರುವವರೆಗೆ ಬಿಸಿ ಮಾಡಬೇಡಿ. ಹದವಾಗಿ ಬಿಸಿಯಾದಾಗ ಅದಕ್ಕೆ ಇತರ ಸಾಮಗ್ರಿ ಹಾಕಿ.
-ಎಣ್ಣೆಯ ಬಳಕೆಯನ್ನು ಕಡಿಮೆ ಮಾಡಿಕೊಳ್ಳಬೇಕಿದ್ದರೆ ಸ್ಪ್ರೇ ಬಾಟಲಿಯಲ್ಲಿ ಅದನ್ನು ತುಂಬಿಸಿ ಬಳಸಿ. ನಿಮಗೆ ಬೇಕಾದಷ್ಟೇ ಎಣ್ಣೆಯನ್ನು ಸ್ಪ್ರೇ ಮಾಡಿ ಆಹಾರ ತಯಾರಿಸಿ. ಆಹಾರ ಹುರಿಯಲು ಕೂಡಾ ಕುಕಿಂಗ್ ಆಯ್ಲ್ ಸ್ಪ್ರೇ ಉಪಯೋಗಿಸಬಹುದು.
-ಎಣ್ಣೆಯ ಬಾಟಲಿಗಳನ್ನು ತಣ್ಣನೆಯ ಮತ್ತು ಕತ್ತಲೆಯ ಸ್ಥಳದಲ್ಲಿ ಇಡಿ. ಇದನ್ನು ಹೆಚ್ಚು ಬೆಳಕಿರುವ ಅಥವಾ ಶಾಖ ಹೊರ ಸೂಸುವ ಜಾಗದಲ್ಲಿ ಇಟ್ಟರೆ ಎಣ್ಣೆ ಬೇಗ ಹಾಳಾಗುತ್ತದೆ.
-ಅಡುಗೆಗೆ ಆಲಿವ್ ಎಣ್ಣೆ, ಸೂರ್ಯಕಾಂತಿ ಎಣ್ಣೆ, ಕಾರ್ನ್ ಮತ್ತು ಶೇಂಗಾ ಎಣ್ಣೆಗಳು ಉತ್ತಮ. ಈ ಎಣ್ಣೆಗಳು ಆರೋಗ್ಯಕರವೂ ಹೌದು.
-ಸ್ಟೌನಲ್ಲಿರುವ ಬಿಸಿ ಎಣ್ಣೆಗೆ ನೀರಿನ ಪಸೆ ಅಥವಾ ನೀರಿನ ಪಸೆಗಳಿರುವ ತರಕಾರಿ ಮತ್ತು ಇತರ ಸಾಮಗ್ರಿಗಳನ್ನು ಹಾಕಬೇಡಿ.
-ಬಳಸಿರುವ ಎಣ್ಣೆಯನ್ನು ಪ್ಲಾಸ್ಟಿಕ್ ಜಾರ್ ಅಥವಾ ಪೇಪರ್ ಕಪ್ಗಳಿಗೆ ಹಾಕಿ ಬಿಸಾಡಬೇಡಿ. ಇದನ್ನು ಒಂದು ಸಣ್ಣ ಅಲ್ಯುಮಿನಿಯಂ ಕ್ಯಾನ್ಗೆ ಹಾಕಿ ಫ್ರೀಜರ್ನಲ್ಲಿಟ್ಟು ಗಟ್ಟಿಯಾದ ಮೇಲೆ ಪ್ಲಾಸ್ಟಿಕ್ ಬ್ಯಾಗ್ನಲ್ಲಿಟ್ಟು ಡಸ್ಟ್ ಬಿನ್ಗೆ ಹಾಕಿ.