ತರಕಾರಿ ಪಲಾವ್‌ ರೆಸಿಪಿ

ವೆಜಿಟೇಬಲ್ ಪಲಾವ್‌ ಅನ್ನು ಬ್ರೇಕ್ ಫಾಸ್ಟ್ ಆಗಿ ಬಳಸಬಹುದು, ಲಂಚ್‌ ಆಗಿ ಬಳಸಬಹುದು. ರುಚಿಕರವಾದ ಪಲಾವ್‌ಗೆ ತರಕಾರಿ ಹಾಗೂ ಸಂಬಾರ ಪದಾರ್ಥಗಳ ಸ್ವಾದ ಬೇಕು. ಇದನ್ನು ಕುಕ್ಕರ್‌ನಲ್ಲಿ ಮಾಡುವುದಕ್ಕಿಂತ ಪಾತ್ರೆಯಲ್ಲಿ ಮಾಡಿದರೆ ರುಚಿ ಹೆಚ್ಚು.

ಬೇಕಾಗುವ ಸಾಮಗ್ರಿ
1 ಕಪ್‌ ಬಾಸ್ಮತಿ ಅಕ್ಕಿ
1 ಇಂಚು ದೊಡ್ಡದಿರುವಷ್ಟು ಚಕ್ಕೆ
ಅರ್ಧ ಚಮಚ ಜಜ್ಜಿದ ಕಾಳುಮೆಣಸು
1 ಚಮಚ ಖಾರದ ಪುಡಿ
2 ಕಪ್ ನೀರು
1 ಈರುಳ್ಳಿ (ಉದ್ದುದ್ದವಾಗಿ ಕತ್ತರಿಸಿ)
2-3 ಲವಂಗ
2 ಏಲಕ್ಕಿ
1 ಚಮಚ ಉಪ್ಪು
1 ಚಮಚ ಅಡುಗೆ ಎಣ್ಣೆ
ಅರ್ಧ ಕಪ್ ಕ್ಯಾರೆಟ್‌
ಅರ್ಧ ಕಪ್ ಹೂಕೋಸು
ಅರ್ಧ ಕಪ್‌ ಬೀನ್ಸ್
ಅರ್ಧ ಕಪ್ ಬಟಾಣಿ
ಅರ್ಧ ಕಪ್ ಬ್ರೊಕೋಲಿ
ಅರ್ಧ ಕಪ್ ಸೋಯಾಬೀನ್ಸ್

ಪಲಾವ್ ಮಾಡುವುದು ಹೇಗೆ?

ಸ್ಟೆಪ್ 1
ತಳ ದಪ್ಪವಿರುವ ಸ್ವಲ್ಪ ದೊಡ್ಡ ಪಾತ್ರೆಯನ್ನು ಗ್ಯಾಸ್‌ ಉರಿ ಮೇಲೆ ಇಡಿ, ಪಾತ್ರೆ ಬಿಸಿಯಾದಾಗ 1-2 ಚಮಚ ಎಣ್ಣೆ ಹಾಕಿ, ಅದರಲ್ಲಿ ಈರುಳ್ಳಿ ಹಾಕಿ ಕಂದು ಬಣ್ಣಕ್ಕೆ ಬರುವವರೆಗೆ ಫ್ರೈ ಮಾಡಿ. ಈರುಳ್ಳಿ ಕಂದು ಬಣ್ಣಕ್ಕೆ ಬರುವಾಗ ಲವಂಗ, ಚಕ್ಕೆ, ಏಲಕ್ಕಿ ಹಾಕಿ. ನಂತರ ಎಲ್ಲಾ ತರಕಾರಿ ಹಾಕಿ ಮಿಕ್ಸ್ ಮಾಡಿ, ತರಕಾರಿ ಬೇಯಲು ತಕ್ಕ ನೀರು ಸೇರಿಸಿ (ಅರ್ಧ ಕಪ್)

ಸ್ಟೆಪ್ 2
ತರಕಾರಿ ಸ್ವಲ್ಪ ಬೆಂದಾಗ, ಉರಿಯನ್ನು ಕಡಿಮೆ ಮಾಡಿ. ಇದೇ ಸಮಯದಲ್ಲಿ ಅಕ್ಕಿಯನ್ನು ತೊಳೆದು ನೀರು ಸೋಸಿ ಇಡಿ.

ಸ್ಟೆಪ್‌ 3
ತರಕಾರಿ ಮುಕ್ಕಾಲು ಬೆಂದಾಗ ಸೋಯಾ ಹಾಕಿ 2-3 ನಿಮಿಷ ಬೇಯಿಸಿ, ನಂತರ ತೊಳೆದಿಟ್ಟ ಅಕ್ಕಿ ಹಾಕಿ ರುಚಿಗೆ ತಕ್ಕ ಉಪ್ಪು, ಖಾರದ ಪುಡಿ ಹಾಕಿ, ನಿಮಗೆ ಇಷ್ಟವಾದ ಫ್ಲೇವರ್‌ ಮಸಾಲ ಕೂಡ ಸೇರಿಸಬಹುದು. ಈಗ 2 ಕಪ್ ನೀರು ಹಾಕಿ, ಮಿಕ್ಸ್ ಮಾಡಿ.

ಸ್ಟೆಪ್ 4
ಈಗ ಕಡಿಮೆ ಉರಿಯಲ್ಲಿ ಬೇಯಿಸಿ, ಆಗಾಗ ಸೌಟ್‌ನಿಂದ ತಿರುಗಿಸುತ್ತಾ ಇರಿ. ಪಲಾವ್‌ ರೆಡಿಯಾದ ರಾಯತ ಜತೆ ಸವಿಯಿರಿ.

ಈ ಪಲಾವ್‌ ಅನ್ನು ಕುಕ್ಕರ್‌ನಲ್ಲಿ ಬೇಯಿಸುವುದಕ್ಕಿಂತ ಹೀಗೆ ಬೇಯಿಸಿದರೆ ಅನ್ನ ಬಿಡಿ-ಬಿಡಿಯಾಗಿದ್ದು ರುಚಿಯಾಗಿರುತ್ತದೆ.