ಗರ್ಭಿಣಿಗೆ ಎದೆ ಉರಿಯಾದ್ರೆ ಹುಟ್ಟೋ ಮಗು ಗಂಡಾ?

ಒಂದು ಹೆಣ್ಣು ಗರ್ಭ ಧರಿಸಿದ್ದಾಳೆಂದಾದ ಮೇಲೆ ನಾನಾ ಮಂದಿ ವಿಧವಿಧವಾಗಿ ಅವಳಿಗೆ ಹುಟ್ಟೋ ಮಗುವಿನ ಬಗ್ಗೆ ಮಾತನಾಡಲು ಆರಂಭಿಸುತ್ತಾರೆ. ಅವಳಿಗೆ ತಿನ್ನಲು ಬಯಕೆಯಾಗೋ ಆಹಾರ, ಮಾಡುವ ವಾಂತಿ, ಹೊಟ್ಟೆ ಶೇಪ್...ಹೀಗೆ ಎಲ್ಲದರ ಬಗ್ಗೆ ಒಂದೊಂದು ತಪ್ಪು ಕಲ್ಪನೆಗಳಿವೆ. ಏನವು?

- ಹೊಟ್ಟೆ ಮೇಲಿನವರೆಗೂ ಹಬ್ಬಿದ್ದರೆ ಹೆಣ್ಮಗು, ಕೆಳ ಹೊಟ್ಟೆ ಇದ್ದರೆ ಗಂಡು ಮಗು ಎನ್ನುತ್ತಾರೆ. ಆದರೆ, ಗರ್ಭಿಣಿಯ ಹೊಟ್ಟೆ ಆಕಾರಕ್ಕೂ, ಹುಟ್ಟು ಮಗುವಿನ ಲಿಂಗಕ್ಕೂ ಸಂಬಂಧವಿರುವ ಬಗ್ಗೆ ಯಾವುದೇ ವೈಜ್ಞಾನಿಕ ಆಧಾರಗಳೂ ಇಲ್ಲ. ಗರ್ಭವಿರುವ ಜಾಗ, ಸ್ಥಿತಿ ಹಾಗೂ ಹೊಟ್ಟೆ ಸುತ್ತ ಶೇಖರವಾಗೋ ಕೊಬ್ಬು ಗರ್ಭಿಣಿ ಹೊಟ್ಟೆಗೆ ಆಕಾರ ನೀಡುತ್ತದೆ.

- ಉಪ್ಪು ಹೆಚ್ಚಿರೋ ಆಹಾರ ತಿನ್ನಬೇಕು ಎನಿಸಿದರೆ, ಗಂಡೇ ಹುಟ್ಟೋದು. ಸ್ವೀಟ್ ತಿನ್ನಬೇಕು ಎನಿಸಿದರೆ ಗ್ಯಾರಂಟಿ ಹೆಣ್ಣು ಎನ್ನುತ್ತಾರೆ. ಬಸುರಿ ಬಯಕೆಗೂ, ಹುಟ್ಟುವ ಮಗುವಿನ ಲಿಂಗಕ್ಕೂ ಎಲ್ಲಿಯ ಸಂಬಂಧ?

- ಗರ್ಭಿಣಿ ಹೊಟ್ಟೆ ಮೇಲೆ ಕಡ್ಡಿ ಮತ್ತು ಉಂಗುರವಿಟ್ಟು ಮಗುವಿನ ಲಿಂಗ ಪತ್ತೆ ಹಚ್ಚಬಹುದು ಎಂಬ ನಂಬಿಕೆಯಿದೆ. ಆ ಕಡ್ಡಿ ಹಿಂದೆ-ಮುಂದೆ ಹೋದರೆ ಗಂಡು, ವೃತ್ತಕಾರವಾಗಿ ಸುತ್ತಿದರೆ ಹೆಣ್ಣೆನ್ನುತ್ತಾರೆ. ಇದನ್ನು ಸುಮ್ಮನೆ ತಮಾಷೆಗೆ ಮಾಡಬಹುದೇ ಹೊರತು, ಇದರಿಂದ ಹುಟ್ಟುವಿನ ಮಗುವಿನ ಲಿಂಗವನ್ನು ಪತ್ತೆ ಹಚ್ಚುಲಾಗೋಲ್ಲ.

- ಬಸುರಿಗೆ ಎದೆ ಉರಿ ಬಂದ್ರೆ ಹುಟ್ಟೋ ಮಗುವಿಗೆ ವಿಪರೀತ ಕೂದಲಿರುತ್ತೆ ಎನ್ನುತ್ತಾರೆ. ಎದೆ ಉರಿ ಗರ್ಭಿಣಿಯರನ್ನು ಕಾಡೋ ಸಾಮಾನ್ಯ ಸಮಸ್ಯೆಯಾಗಿದ್ದು, ವಿಪರೀತ ಎದೆ ಉರಿ ಇದ್ದೋರಿಗೂ ಕೂದಲೇ ಇಲ್ಲದ ಮಗು ಹುಟ್ಟಿದ್ದಿದೆ.

- ಪ್ರಸವ ವೇದನೆ ವಂಶಪಾರಂಪರ್ಯವೂ ಅಲ್ಲ. ಗರ್ಭದ ತೂಕ, ಗರ್ಭಿಣಿಯ ಪಥ್ಯ ಹಾಗೂ ಗರ್ಭ ಇರೋ ಸ್ಥಾನದ ಮೇಲೆ ಪ್ರಸವ ವೇದನೆ ಅವಂಬಿತವಾಗಿರುತ್ತದೆ.

- ಅಂಗಾತ ಮಲಗಿದರೆ ಮಗುವಿಗೆ ತೊಂದರೆ ಎನ್ನೋ ನಂಬಿಕೆ ನಮ್ಮಲ್ಲಿದೆ. ಗರ್ಭಿಣಿ ತನಗೆ ಹೇಗೆ ಅನುಕೂಲವೋ ಹಾಗೆ ಮಲಗಬಹುದು. ಗರ್ಭಕೋಶಕ್ಕೆ ರಕ್ತ ಸಂಚಾರ ಸುಗಮವಾಗಲಿ ಎನ್ನೋ ಕಾರಣಕ್ಕೆ ವೈದ್ಯರು ಎಡ ಮಗ್ಗುಲಲ್ಲಿ ಮಲಗಲು ಹೇಳುತ್ತಾರೆ.

- ತ್ವಚೆಯಿಂದ ಕೆಳ ಹೊಟ್ಟೆವರೆಗೆ ಗರ್ಭದಲ್ಲಿರೋ ಮಗುವನ್ನು ರಕ್ಷಿಸಲು ಏಳು ಸ್ತರಗಳಿರುತ್ತವೆ. ಅಲ್ಲದೇ ಗರ್ಭದ ಒಳಗವಚವೂ ಇರುತ್ತದೆ. ಅಷ್ಟೇ ಅಲ್ಲ ಗರ್ಭಕೋಶಕಂಠ ಉದ್ದವಾಗಿ, ಕಠಿಣವಾಗಿ ಗರ್ಭಕೋಶಕ್ಕೆ ಯಾವುದೇ ರೀತಿಯ ಹಾನಿಯಾಗದಂತೆ ರಕ್ಷಿಸುತ್ತದೆ. ಲೋಳೆಯಂಥ ಪದಾರ್ಥವನ್ನು ಸೃಷ್ಟಿಸಿ ಗರ್ಭಕೋಶದ ಸುತ್ತುಮುತ್ತಲಿನ ಪ್ರದೇಶವನ್ನು ಸ್ವಚ್ಛವಾಗಿ ಹಾಗೂ ಸೋಂಕು ತಗುಲದಂತೆ ರಕ್ಷಿಸುತ್ತದೆ. ಏಳು ಸುತ್ತಿನ ಕೋಟೆಯೊಳಗಿರುವಂತೆ ಮಗು ಸುರಕ್ಷಿತವಾಗಿರುತ್ತದೆ. ಗರ್ಭಿಣಿಯ ಅಭ್ಯಂತರವಿಲ್ಲವೆಂದರೆ, ವೈದ್ಯರು ತೊಂದರೆಯಿಲ್ಲವೆಂದರೆ ಗರ್ಭಾವಸ್ಥೆ ಸೆಕ್ಸ್‌ಗೆ ಯಾವುದೇ ತೊಂದರೆಯೂ ಇರೋಲ್ಲ.

- ಮೊದಲ ಮಗುವಿನ ಪ್ರಸವ ಲೇಟ್ ಆಗುತ್ತೆ ಅಂತಾರೆ. ಇದ ಮಾತ್ರ ಸತ್ಯಕ್ಕೆ ತುಸು ಹತ್ತಿರವಾಗಿದ್ದು, ಶೇ.60ರಷ್ಟು ಮಂದಿಗೆ ವೈದ್ಯರು ನೀಡಿದ ದಿನಾಂಕಕ್ಕಿಂತಲೂ ತಡವಾಗಿ ಡೆಲಿವರಿ ಆಗುತ್ತೆ. ಶೇ.5 ಮಂದಿಗೆ ಹೇಳಿದ ದಿನಾಂಕದಂದೇ ಡೆಲಿವರಿ ಆದರೆ, ಮತ್ತು ಶೇ.35 ಮಂದಿಗೆ ಮಾತ್ರ ಡ್ಯೂ ಡೇಟ್‌ಗಿಂತಲೂ ಬೇಗ ಪ್ರಸವವಾಗುತ್ತದೆ. ಋತುಚಕ್ರದ ಸೈಕಲ್ ಸುದೀರ್ಘವಾಗಿದ್ದರೆ ತಡವಾಗಿ ಪ್ರಸವವಾಗುತ್ತೆ. ಸಾಮಾನ್ಯವಾಗಿ 28 ದಿನಗಳ ಋತುಚಕ್ರವಿದ್ದರೆ, ಡ್ಯೂ ಡೇಟ್‌ನ ಆಸುಪಾಸಿನ ದಿನದಲ್ಲಿಯೇ ಪ್ರಸವವಾಗೋದು ಗ್ಯಾರಂಟಿ.

ಇನ್ನೇನಿವೆ ತಪ್ಪುಕಲ್ಪನೆಗಳು?

- ಬೇರೆ ಸಮಯಕ್ಕಿಂತ ಹುಣ್ಣಿಮೆಯಂದು ಬಹುತೇಕ ಮಹಿಳೆಯರು ಡೆಲಿವರಿ ಮಾಡಿಸಿಕೊಳ್ಳಲು ಇಚ್ಛಿಸುತ್ತಾರೆ.

- ಹೆಚ್ಚು ಖಾರ ತಿಂದರೆ ಮತ್ತು ಗರ್ಭಿಣಿಯರು ಲೈಂಗಿಕ ಕ್ರಿಯೆ ನಡೆಸಿದಲ್ಲಿ ಸುಲಭ ಪ್ರಸವವಾಗುತ್ತದೆ ಎನ್ನುತ್ತಾರೆ.

- ಬಸುರಿ ಎಂದರೆ ಸ್ಟ್ರೆಚ್ ಮಾರ್ಕ್ ಸಹಜ. ಅದು ಕೆಲವರಲ್ಲಿ ಕಡಿಮೆ ಇದ್ದರೆ, ಅದವರ ಅದೃಷ್ಟ.

- ಬಸುರಿಗೆ ಮೂಗಲ್ಲಿ ರಕ್ತ ಬಂದರೆ ಹೆಣ್ಣು ಮಗು ಎನ್ನುತ್ತಾರೆ. ಆದರೆ, ಮೂಗಲ್ಲಿ ರಕ್ತ ಬರುವುದಕ್ಕೂ, ಮಗುವಿನ ಲಿಂಗಕ್ಕೂ ಯಾವ ಲಿಂಕ್ ಸಹ ಇಲ್ಲ. ಇಸ್ಟ್ರೋಜಿನ್ ಅಂಶ ಹೆಚ್ಚಾಗುವುದರಿಂದ, ರಕ್ತ ಸಂಚಾರ ಹೆಚ್ಚಾಗಿ ಮೂಗಿನಲ್ಲಿ ಊತ ಕಾಣಿಸಿಕೊಳ್ಳೋದು ಸಾಮಾನ್ಯ

Read it in English