ಮಸಾಜ್‌ನಲ್ಲಿ ಮಾಡಬಾರದ ತಪ್ಪುಗಳಿವು!

ಮೈಗೆ ಎಣ್ಣೆ ಹಾಕಿ ತಿಕ್ಕಿದ ತಕ್ಷಣ ಮಸಾಜ್ ಆಗುವುದಿಲ್ಲ. ಮಸಾಜ್ ಮಾಡುವುದು ಅದೊಂದು ಕ್ರಮ. ಅದರಲ್ಲಿಎಡವಟ್ಟು ಆದರೆ ಮಸಾಜ್‌ನ ಪ್ರಯೋಜನ ಸಿಗುವುದಿಲ್ಲ ಎನ್ನುತ್ತಾರೆ ಆರ್ಯುವೇದ ವೈದ್ಯರಾದ ಡಾ. ಶಶಿಬಾಲ.

ಮಸಾಜ್ ಕುರಿತು ಅಲ್ಪ ಸ್ವಲ್ಪ ತಿಳಿದಿವರ ಬಳಿ ಮಸಾಜ್ ಮಾಡಿಸಿದರೆ ರಿಲ್ಯಾಕ್ಸ್‌ ಸಿಗುವ ಬದಲು ಮೈಕೈ ನೋವು ಪ್ರಾರಂಭವಾಗುವುದು.

ಆದ್ದರಿಂದ ಮಸಾಜ್ ಮಾಡಿಸುವಾಗ ಈ ಅಂಶಗಳು ಗಮನದಲ್ಲಿ ಇರಲಿ:

1. ನಿಮ್ಮ ಆರೋಗ್ಯದ ಕುರಿತು ಹೇಳಿ
ಮಸಾಜ್ ಮಾಡಿಸಕ್ಕೆ ಹೋದಾಗ ನಿಮಗೆ ಮಂಡಿ ನೋವು, ಬೆನ್ನು ಹೀಗೆ ಯಾವುದಾದರೂ ಸಮಸ್ಯೆ ಇದ್ದರೆ ಹೇಳಬೇಕು. ಇಲ್ಲದಿದ್ದರೆ ಮಸಾಜ್ ಬಳಿಕ ಆ ಭಾಗದ ನೋವು ಹೆಚ್ಚಾಗಬಹುದು. ಮೊದಲೇ ಹೇಳಿದರೆ ನಿಮ್ಮ ಸಮಸ್ಯೆ ಕಡಿಮೆಯಾಗಲು ಬೇಕಾಗುವ ಮಸಾಜ್ ನೀಡುವರು.

2. ಅಲ್ಪ-ಸ್ವಲ್ಪ ಗೊತ್ತಿರುವವರ ಕೈಯಿಂದ ಮಸಾಜ್ ಮಾಡಿಸುವುದು
ಇಂಥವರ ಕೈಯಲ್ಲಿ ಮಸಾಜ್ ಮಾಡಿಸಿದರೆ ಮಸಾಜ್ ಮಾಡಿದ 3-4 ಗಂಟೆಯ ಬಳಿಕ ಮೈಕೈ ನೋವು ಪ್ರಾರಂಭವಾಗುವುದು. ಆದ್ದರಿಂದ ಮಸಾಜ್‌ ಅನ್ನು ಪರಿಣಿತರ ಬಳಿಯಷ್ಟೇ ಮಾಡಿಸಿ.

3. ಮಸಾಜ್ ಮಾಡುವ ವಿಧಾನ ತಪ್ಪಾಗದಿರಲಿ
ಮಸಾಜ್ ಮಾಡುವಾಗ ಯಾವಾಗಲು ಕೆಳಮುಖವಾಗಿ ಮಸಾಜ್ ಮಾಡಬೇಕು (ತಲೆಯಿಂದ ಪಾದದ ಕಡೆಗೆ).

4. ಪಥ್ಯ ಮತ್ತು ಮಸಾಜ್
ಖಾಲಿ ಹೊಟ್ಟೆಯಲ್ಲಿ ಮಸಾಜ್ ಮಾಡಿಸಿದರೆ ಒಳ್ಳೆಯ ಇಲ್ಲ ಆಹಾರ ಸೇವಿಸಿದ 3 ಗಂಟೆಯ ಬಳಿಕವಷ್ಟೇ ಮಸಾಜ್ ಮಾಡಿಸಬೇಕು.

5. ದೇಹದಲ್ಲಿ ನೀರಿನಂಶ
ಮಸಾಜ್‌ ಮಾಡಿಸುವ ಅರ್ಧ ಗಂಟೆಯ ಮೊದಲು ನೀರು ಕುಡಿಯಿರಿ.