-ನಿಮ್ಮ ಮನೆಯಲ್ಲಿರುವ ಗಿಡಗಳಿಗೆ ತುಂಬಾ ದಿನಗಳವರೆಗೆ ನೀರು ಹಾಕಲು ಸಾಧ್ಯವಾಗದಿದ್ದರೆ ಆದಷ್ಟು ತೇವಾಂಶವನ್ನು ಉಳಿಸಿಕೊಳ್ಳುವ ಪಾಲಿಮರ್‌ ಕುಂಡಗಳನ್ನು ಕೊಳ್ಳುವುದು ಒಳ್ಳೆಯದು. ಪಾಲಿಮರ್‌ಗಳು ನೀರನ್ನು ತುಂಬಾ ದಿನಗಳ ಕಾಲ ಹಿಡಿದಿಟ್ಟುಕೊಳ್ಳುತ್ತವೆ.
-ನೀವು ದೀರ್ಘಾವಧಿಗೆ ಹೊರಗಡೆ ಹೋಗುತ್ತಿದ್ದರೆ ನಿಮ್ಮ ಗಿಡಗಳನ್ನು ಸ್ವಲ್ಪ ಸುರಕ್ಷಿತವಾದ ಸ್ಥಳದಲ್ಲಿ ಇರಿಸಿ. ದೀರ್ಘ ಕಾಲದವರೆಗೆ ಸೂರ್ಯನ ಕಿರಣಗಳು ನೇರವಾಗಿ ಇದಕ್ಕೆ ಬೀಳದಂತೆ ನೋಡಿಕೊಳ್ಳಿ.
-ಆದರೆ ಈ ಗಿಡಗಳಿಗೆ ಅಗತ್ಯವಾದ ಸೂರ್ಯನ ಕಿರಣಗಳು ದೊರೆಯುತ್ತದೆ ಎಂಬುದನ್ನು ಖಾತ್ರಿ ಪಡಿಸಿಕೊಳ್ಳಿ. ಇದಕ್ಕಾಗಿ ನೀವು ಗಿಡಗಳನ್ನು ತೆಳುವಾದ ಪರದೆಗಳು ಹಾಕಿರುವ ಕಿಟಕಿಯ ಪಕ್ಕದಲ್ಲಿ ಇಟ್ಟು ಹೋಗಬಹುದು.
-ಯಾವುದೇ ಕಾರಣಕ್ಕೂ ನಿಮ್ಮ ಮನೆಯಲ್ಲಿ ಗಿಡಗಳನ್ನು ಮನೆಯ ಒಳಗೆ ಇಟ್ಟು ತುಂಬಾ ದಿನ ಮನೆಯಿಂದ ಹೊರಗೆ ಹೋಗಬೇಡಿ. ಋುತುಗಳಿಗೆ ತಕ್ಕಂತೆ ಗಿಡಗಳು ಬೆಳೆಯಲು ಅವಕಾಶ ಮಾಡಿಕೊಡಿ.
-ಗಿಡಗಳನ್ನು ನೋಡಿಕೊಳ್ಳುವ ನಿಟ್ಟಿನಲ್ಲಿ ನಿಮ್ಮ ನೆರೆ-ಹೊರೆಯವರ ಸಹಾಯವನ್ನು ಪಡೆಯಲು ಹಿಂದೆ ಮುಂದೆ ನೋಡಬೇಡಿ. ಅವರು ಬಂದು ನಿಮ್ಮ ಗಿಡಗಳಿಗೆ ನೀರು ಹಾಕಲು ಅನುಕೂಲವಾಗುವಂತೆ ವ್ಯವಸ್ಥೆ ಮಾಡಿ.
-ಅವರು ಒಪ್ಪಿದರೆ ನಿಮ್ಮ ಮನೆಯ ಗಿಡಗಳನ್ನು ತಾತ್ಕಾಲಿಕವಾಗಿ ಅವರ ಮನೆಗೆ ವರ್ಗಾಯಿಸಲು ಸಂಕೋಚ ಪಡಬೇಡಿ. ಹೀಗೆ ಮಾಡುವುದರಿಂದ ನಿಮ್ಮ ಪ್ರೀತಿ ಪಾತ್ರ ಗಿಡಗಳಿಗೆ ನೀವು ರಕ್ಷ ಣೆಯನ್ನು ಒದಗಿಸಿದಂತಾಗುತ್ತದೆ.
-ಇದರಿಂದ ನೀವು ಕೂಡಾ ನಿಮ್ಮ ಪ್ರವಾಸವನ್ನು ನೆಮ್ಮದಿಯಾಗಿ ಮುಗಿಸಿಕೊಂಡು ಬರಬಹುದು.