ಜ್ಯೂಸ್‌ ಮೇಲಿನ ಅವಲಂಬನೆ ಅಪಾಯ

ಬೇಸಿಗೆಯಲ್ಲಿ ಜ್ಯೂಸ್‌ ಕುಡಿಯಬೇಕು ಅನ್ಸತ್ತಾ? ಹಾಗಂತ ಸಿಕ್ಕಾಪಟ್ಟೆ ಕುಡಿದು ಆರೋಗ್ಯ ಹಾಳು ಮಾಡಿಕೊಳ್ಳಬೇಡಿ. ಯಾಕೆ ಗೊತ್ತಾ? ಇತ್ತೀಚಿನ ಅಧ್ಯಯನವೊಂದರ ಪ್ರಕಾರ ಹಣ್ಣಿನ ಜ್ಯೂಸ್‌ ಆರು ವರ್ಷದ ಮಕ್ಕಳಲ್ಲಿ ತೂಕ ಹೆಚ್ಚುವ ಸಾಧ್ಯತೆ ಇದೆಯಂತೆ. ಮಗು ದಪ್ಪವಾಗಲಿ ಅಥವಾ ಜ್ಯೂಸ್‌ ಕುಡಿದು ಆರೋಗ್ಯವಂತವಾಗಿರಲಿ ಎನ್ನುವ ಕಾರಣಕ್ಕೆ ದಿನಪೂರ್ತಿ ಜ್ಯೂಸ್‌ ಕೊಡಬೇಡಿ. ಅದರಲ್ಲಿರುವ ಸಕ್ಕರೆ ಅಂಶ ಮಕ್ಕಳ ದೈಹಿಕ ಬೆಳವಣಿಗೆಯ ಮೇಲೆ ಪ್ರಭಾವ ಬೀರುತ್ತದೆ. ಆದ್ದರಿಂದ ಸಾಧ್ಯವಾದಷ್ಟು ನೀರನ್ನು ಕೊಡಿ. ಸಕ್ಕರೆ ಮಿಶ್ರಿತ ಜ್ಯೂಸ್‌ ಬದಲು ಹಣ್ಣನ್ನು ತಿನ್ನಬಹುದು.