* ಡಾ. ಸುಚೇತಾ ಜಯರಾಮ್
ಕಲ್ಲುಸಕ್ಕರೆ ಮತ್ತು ಗಡಿಗೆಸಕ್ಕರೆ ಎಂಬ 2 ಭಾಗಗಳಿವೆ. ಬೆಲ್ಲದ ಗಡಿಗೆಯಲ್ಲಿ ಸಕ್ಕರೆಯಂತೆ ಗಟ್ಟಿಯಾಗಿರತಕ್ಕ ಭಾಗಕ್ಕೆ ಗಡಿಗೆಸಕ್ಕರೆ ಎನ್ನುತ್ತಾರೆ . ಕಲ್ಲುಸಕ್ಕರೆ ತಿನ್ನಲಿಕ್ಕಷ್ಟೆ ರುಚಿಯಲ್ಲ. ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಕೂಡ ಪರಿಣಾಮಕಾರಿ ಚಿಕಿತ್ಸೆ ನೀಉತ್ತದೆ.
ಕಲ್ಲುಸಕ್ಕರೆ ಪುಡಿಯನ್ನು ಈರುಳ್ಳಿ ರಸದಲ್ಲಿ ಕಲಸಿ ಮಕ್ಕಳಿಗೆ ನೆಕ್ಕಿಸಿದರೆ ಮಕ್ಕಳಲ್ಲಿ ಕಫ ಕಟ್ಟಿ ಕೆಮ್ಮಿದ್ದರೆ ಕಫ ಸುಲಭವಾಗಿ ಹೊರಗೆ ಬಂದು ಕೆಮ್ಮು ಕಡಿಮೆಯಾಗುತ್ತದೆ.
ಉರಿ ನೆಗಡಿ ಹಾಗೂ ಪಿತ್ತದಿಂದ ಕೆಮ್ಮಿದ್ದರೆ ರಾತ್ರಿ ಊಟವಾಗಿ 2 ಗಂಟೆಯ ನಂತರ 1ಲೋಟ ಬಿಸಿ ಹಾಲಿಗೆ 1ಚಮಚ ಕಲ್ಲುಸಕ್ಕರೆ ಪುಡಿ ಸೇರಿಸಿ ಕುಡಿದರೆ ಉರಿ ನೆಗಡಿ , ಕೆಮ್ಮು ಗುಣವಾಗುತ್ತದೆ.
ಮಕ್ಕಳಲ್ಲಿ ಕೆಮ್ಮಿದ್ದರೆ 1ಚಮಚ ನಿಂಬೆ ರಸಕ್ಕೆ 2 ಚಮಚ ಕಲ್ಲುಸಕ್ಕರೆ ಪುಡಿ ಸೇರಿಸಿ ಬಿಸಿ ಮಾಡಿ . ಈ ಮಿಶ್ರಣವನ್ನು ನಾಲಿಗೆಗೆ ಹಚ್ಚಿದರೆ ಕೆಮ್ಮು ಬೇಗ ಗುಣವಾಗುತ್ತದೆ.