ಒಸಡಿನ ಸಮಸ್ಯೆ ತಡೆಗಟ್ಟುವುದು ಹೇಗೆ?

ಉಸಿರಿನ ದುರ್ವಾಸನೆ, ಒಸಡಿನ ರಕ್ತಸ್ರಾವ ಸಮಸ್ಯೆಗಳಿದ್ದು, ಇದಕ್ಕೆ ಪರಿಹಾರ ಇದುವರೆಗೆ ಪಡೆಯಲು ಸಾಧ್ಯವಾಗಿಲ್ಲ ಎಂದಾದರೆ ಕೂಡಲೇ ಪಾರ್ಥ ಡೆಂಟಲ್ ಕ್ಲಿನಿಕ್‌ಗೆ ಭೇಟಿ ನೀಡಿ. ಅಲ್ಲಿನ ಬಾಯಿಯ ಆರೋಗ್ಯದ ಬಗ್ಗೆ ತೆಗೆದುಕೊಳ್ಳಬೇಕಾದ ಚಿಕಿತ್ಸೆಯ ಸಲಹೆಗಳನ್ನು ನೀಡುತ್ತಾರೆ.

*ನಾನು ಸುರೇಶ್. 32 ವರ್ಷ. ಕೆಲವು ತಿಂಗಳಿನಿಂದ ಹಲ್ಲು ಉಜ್ಜುವಾಗ ರಕ್ತಸ್ರಾವ ಆಗುತ್ತಿದೆ. ಜೊತೆಗೆ ಬಾಯಿ ದುರ್ವಾಸನೆ ಬೀರುತ್ತದೆ. ನನ್ನ ಹಲ್ಲುಗಳ ಮಧ್ಯೆ ಅಂತರ ಕೂಡ ಇದ್ದು ಇದೇ ನನಗೆ ಬಹು ದೊಡ್ಡ ಚಿಂತೆಯಾಗಿದೆ. ಇದಕ್ಕೆ ಕಾರಣವೇನು ಮತ್ತು ಪರಿಹಾರವಿದೆಯೇ?

ನೀವು ತೀವ್ರವಾದ ಒಸಡಿನ ಕಾಯಿಲೆಯಿಂದ ಬಳಲುತ್ತಿದ್ದೀರಿ. ಸಡಿಲ ಹಲ್ಲುಗಳು ಮತ್ತು ಸಣ್ಣ ವಯಸ್ಸಿನಲ್ಲಿ ಬಾಯಿಯ ದುರ್ವಾಸನೆಗೆ ಒಸಡಿನ ಕಾಯಿಲೆ ಪ್ರಮುಖ ಕಾರಣ. ಬಾಯಿಯಲ್ಲಿ ಸೋಂಕು ಉಂಟಾಗಿ ದವಡೆಯ ಉರಿಯೂತ ಆರಂಭವಾಗುತ್ತದೆ. ಇದು ಉಲ್ಭಣಿಸಿ ಹಲ್ಲುಗಳ ತಳದ ಮೂಳೆಗಳ ಮೇಲೆ ಪರಿಣಾಮ ಬೀರುತ್ತದೆ. ಈ ಒಸಡಿನ ಕಾಯಿಲೆ ನೋವು ತರದಿದ್ದರೂ ಸಮಸ್ಯೆ ಉಲ್ಭಣಗೊಳ್ಳುತ್ತಲೇ ಹೋಗುತ್ತದೆ.

ಒಸಡಿನ ಕಾಯಿಲೆಯ ಬಗ್ಗೆ ಈ ಕೆಲವು ಲಕ್ಷಣಗಳನ್ನು ಗಮನಿಸಬೇಕು:

*ಹಲ್ಲು ಉಜ್ಜುವಾಗ ಮತ್ತು ಉಜ್ಜಿದ ಬಳಿಕ ಒಸಡಿನಲ್ಲಿ ರಕ್ತಸ್ರಾವ ಆಗುವುದು

*ಕೆಂಪಗಾಗಿ ಊದಿಕೊಳ್ಳುವುದು

*ನಿರಂತರವಾಗಿ ಉಸಿರಿನ ದುರ್ವಾಸನೆ ಮತ್ತು ಬಾಯಿ ರುಚಿ ಕೆಡುವುದು

*ಕುಗ್ಗುತ್ತಿರುವ ಒಸಡು

*ಹಲ್ಲು ಮತ್ತು ಒಸಡಿನ ನಡುವೆ ಆಳವಾದ ಪಾಕೆಟ್ ರಚನೆಯಾಗುವುದು

*ಹಲ್ಲುಗಳಲ್ಲಿ ಅಂತರ ಕಾಣುವುದರಿಂದ ಹಲ್ಲುಗಳು ಸಡಿಲಗೊಳ್ಳುವುದು

ಒಸಡಿನ ಕಾಯಿಲೆ ಉಂಟಾಗಲು ಕಾರಣಗಳು

ಬಾಯಿಯ ಕಳಪೆ ನೈರ್ಮಲ್ಯ, ಮಧುಮೇಹ, ರಕ್ತದೊತ್ತಡ, ಹಾರ್ಮೋನ್‌ನಲ್ಲಿ ಬದಲಾವಣೆ, ಒತ್ತಡ, ತಂಬಾಕು ಬಳಕೆ, ಔಷಧಗಳು, ಕಳಪೆ ಗುಣಮಟ್ಟದ ಪೌಷ್ಟಿಕಾಂಶ ಸೇವನೆ, ಕಾಯಿಲೆ, ದೃಢ ಮತ್ತು ಗ್ರೈಂಡಿಂಗ್ ಹಲ್ಲುಗಳು.

ಒಸಡಿನ ಕಾಯಿಲೆಯನ್ನು ದಂತ ವೈದ್ಯರ ನೆರವಿನಿಂದ ತಡೆಗಟ್ಟಬಹುದು. ಅವರು ವರ್ಷಕ್ಕೆ ಎರಡು ಬಾರಿ ಹಲ್ಲುಗಳನ್ನು ಸ್ವಚ್ಛ ಮಾಡಿ ಜೀವನಪೂರ್ತಿ ನಿಮ್ಮ ಹಲ್ಲುಗಳನ್ನು ಉಳಿಸಲು ನೆರವಾಗುತ್ತಾರೆ.

ಇತ್ತೀಚಿನ ದಿನಗಳಲ್ಲಿ ಕೆಲವು ಒಸಡಿನ ಕಾಯಿಲೆಗೆ ಲೇಸರ್ ಅನ್ನು ಪರಿಣಾಮಕಾರಿಯಾಗಿ ಬಳಸಲಾಗುತ್ತದೆ. ಇದಕ್ಕೆ ಕನಿಷ್ಠಮಟ್ಟದ ಅರಿವಳಿಕೆ ಮತ್ತು ಸಿಟ್ಟಿಂಗ್ ಬೇಕಾಗುತ್ತದೆ.

*ಸಣ್ಣಮಟ್ಟದಲ್ಲಿದ್ದರೆ ಶಸ್ತ್ರಚಿಕಿತ್ಸೆ, ರೂಟ್ ಪ್ಲ್ಯಾನಿಂಗ್ ಮಾಡಲಾಗುತ್ತದೆ.

*ಇದು ಮುಂದುವರಿದಲ್ಲಿ ಬೋನ್ ಕಸಿ ಮತ್ತು ಮೃದು ಅಂಗಾಂಶದ ಕಸಿ ಮೂಲಕ ಫ್ಲಾಪ್ ಶಸ್ತ್ರಚಿಕಿತ್ಸೆ ಮಾಡಲಾಗುತ್ತದೆ.

ಒಸಡಿನ ರೋಗಕ್ಕೆ ಕಾರಣವಾದ ಬ್ಯಾಕ್ಟೀರಿಯಾವು ಇನ್ನಿತರ ಸಮಸ್ಯೆಗಳಾದ ಹೃದಯಾಘಾತ, ಮಿದುಳಿನ ಸ್ಟ್ರೋಕ್ ಮತ್ತು ಅಕಾಲಿಕ ಜನನಕ್ಕೆ ಕೂಡ ಕಾರಣವಾಗಗುವ ಸಾಧ್ಯತೆ ಇದೆ. ಆದ್ದರಿಂದ ದಿನನಿತ್ಯ ಬಾಯಿ ಸ್ವಚ್ಛತೆಯನ್ನು ಕಾಪಾಡುವುದು ಮತ್ತು ನಿಯಮಿತವಾಗಿ ದಂತ ವೈದ್ಯರನ್ನು ಭೇಟಿ ಮಾಡಿದರೆ ಹಲ್ಲುಗಳನ್ನು ಆರೋಗ್ಯಕರವಾಗಿ ನಿರ್ವಹಣೆ ಮಾಡಬಹುದು.