ಮಕ್ಕಳ ಕ್ರಿಯಾಶೀಲತೆ ಹೆಚ್ಚಿಸಿ

ಸಣ್ಣ ಮಕ್ಕಳು ಆರೋಗ್ಯವಾಗಿ ಮತ್ತು ಲವಲವಿಕೆಯಿಂದ ಇರಲು ಅವರನ್ನು ದೈಹಿಕ ಚಟುವಟಿಕೆಗಳಲ್ಲಿ ತೊಡಗಿಸುವುದು ತುಂಬಾ ಮುಖ್ಯ. ಬಾಲ್ಯದಿಂದಲೇ ಮಕ್ಕಳನ್ನು ಪ್ರತಿದಿನ ವಿವಿಧ ದೈಹಿಕ ಚಟುವಟಿಕೆಗಳಲ್ಲಿ ತೊಡಗಿಸಬೇಕು. ಇದಕ್ಕಾಗಿ ಮಕ್ಕಳು ಆಟದ ಮೈದಾನವನ್ನೇ ನೆಚ್ಚಿಕೊಳ್ಳುವ ಬದಲು ಇನ್ನು ಕೆಲವು ದೈಹಿಕ ಚಟುವಟಿಕೆಗಳನ್ನು ಮಾಡಬಹುದು. ಇಂಥ ಚಟುವಟಿಕೆಗಳನ್ನು ಹೆಚ್ಚು ಮನರಂಜನಾತ್ಮಕವಾಗಿಸಬಹುದು.

ಚಾರಣ

ಮಕ್ಕಳನ್ನು ತಿಂಗಳಿಗೊಮ್ಮೆಯಾದರೂ ಚಾರಣಕ್ಕೆ ಕರೆದೊಯ್ಯಿರಿ. ಈ ಮೂಲಕ ಅವರು ದಿನವಿಡೀ ದೈಹಿಕ ಚಟುವಟಿಕೆಯಲ್ಲಿ ತೊಡಗುತ್ತಾರೆ. ಚಾರಣದ ಜೊತೆಗೆ ಅವರಿಗೆ ಕೆಲವು ಹೊಸ ಥರದ ಆಟಗಳನ್ನಾಡಿಸಿ. ಇದರಿಂದ ಅವರಿಗೆ ಮನರಂಜನೆಯೂ ಸಿಗುತ್ತದೆ.

ಒಟ್ಟಿಗೆ ಈಜಾಡಿ

ಇದು ಯಾವುದೇ ವಯಸ್ಸಿನವರಿಗೂ ಒಂದು ಅತ್ಯುತ್ತಮ ವ್ಯಾಯಾಮ. ಅದರಲ್ಲೂ ಹೆತ್ತವರು ಒಟ್ಟಿಗೆ ಈಜಿದರೆ ಮಗುವಿನೊಂದಿಗೆ ಸ್ವಲ್ಪ ಉತ್ತಮ ಸಮಯ ಕಳೆಯಲು ಅವಕಾಶ ಸಿಗುತ್ತದೆ. ಆದ್ದರಿಂದ ವಾರಾಂತ್ಯಗಳಲ್ಲಿ ಮಕ್ಕಳಿಗೆ ಈಜು ತರಬೇತಿ ಕೊಡಿ.

ಫ್ರಿಸ್ಬಿ ಆಟವಾಡಿ

ಸಂಜೆ ವಾಕಿಂಗ್ ಸಮಯದಲ್ಲಿ ಮಗುವಿನೊಂದಿಗೆ ಫ್ರಿಸ್ಬಿ ಆಟವಾಡಿ. ಇದು ಮಕ್ಕಳಿಗೆ ಹೆಚ್ಚಿನ ಮೋಜು ನೀಡುತ್ತದೆ. ಜೊತೆಗೆ ಮಗು ದೈಹಿಕವಾಗಿ ಸಶಕ್ತವಾಗುತ್ತದೆ. ಈ ಆಟದಲ್ಲಿ ನಿಮ್ಮ ಕುಟುಂಬ ಸದಸ್ಯರನ್ನೂ ಸೇರಿಸಿದರೆ ಇನ್ನೂ ಉತ್ತಮ.