ಹೋಳಿಗೆ ತ್ವಚೆ ಆರೈಕೆ ಹೀಗಿರಲಿ

ರಂಗಿನ ಹಬ್ಬ ಹೋಳಿಯೆಂದು ಬಣ್ಣವನ್ನು ಎರಚಾಡುತ್ತಾ ಸಂಭ್ರಮಿಸುವ ಮಜಾವೇ ಬೇರೆ. ಆದರೆ ಈ ಸಂದರ್ಭದಲ್ಲಿ ತ್ವಚೆ ಆರೈಕೆಗೆ ಗಮನ ಕೊಡದಿದ್ದರೆ ಕೆಲವರಿಗೆ ಅಲರ್ಜಿಯಾಗಬಹುದು.

ಇಲ್ಲಿ ನಾವು ಬಣ್ಣದ ಆಟ ಆಡುವ ಮುನ್ನ ತ್ವಚೆ ಆರೈಕೆ ಹೇಗಿದ್ದರೆ ಒಳ್ಳೆಯದು ಎಂಬ ಟಿಪ್ಸ್ ನೀಡಿದ್ದೇವೆ. ಈ ಟಿಪ್ಸ್ ಪಾಲಿಸಿದರೆ ಆಟದ ನಂತರ ಬಣ್ಣವನ್ನು ಸುಲಭವಾಗಿ ತೊಳೆಯಬಹುದು ಹಾಗೂ ನಿಮ್ಮ ತ್ವಚೆಯನ್ನು ರಕ್ಷಣೆ ಮಾಡುವುದು. ಆ ಸರಳ ಟಿಪ್ಸ್ ನೋಡಿ ಇಲ್ಲಿದೆ:

1. ಹೋಳಿ ಆಡುವ ಮುನ್ನ ಮೈಗೆ ಎಣ್ಣೆ ಅಥವಾ ಬಾಡಿಲೋಷನ್ ಹಚ್ಚಿ. ಈ ರೀತಿ ಮಾಡುವುದರಿಂದ ರಾಸಾಯನಿಕದಿಂದ ನಿಮ್ಮ ತ್ವಚೆ ಹಾಳಾಗುವುದನ್ನು ತಡೆಯಬಹುದು.

2. ಹೋಳಿ ಬಣ್ಣದ ಆಟಕ್ಕೆ ಹೋಗುವ ಮುನ್ನ ಫುಲ್‌ ಸ್ಲೀವ್‌ನ ಡ್ರೆಸ್‌ ಹಾಕಿದರೆ ಒಳ್ಳೆಯದು.

3. ಹೋಳಿ ಆಡಲು ನೈಸರ್ಗಿಕ ಬಣ್ಣವನ್ನು ಬಳಸುವುದು ಒಳ್ಳೆಯದು.

4. ತುಟಿ, ಕಿವಿ ಮತ್ತು ಉಗುರಿಗೆ ವ್ಯಾಸೆಲೈನ್ ಹಚ್ಚುವುದು ಒಳ್ಳೆಯದು. ಹೀಗೆ ಮಾಡಿದರೆ ಬಣ್ಣವನ್ನು ಸುಲಭದಲ್ಲಿ ತೊಳೆದು ತೆಗೆಯಬಹುದು.

5. ಹೋಳಿ ಆಡುವಾಗ ತುರಿಕೆ ಏನಾದರೂ ಕಂಡು ಬಂದರೆ ನೆಗ್ಲೆಟ್‌ ಬೇಡ, ತಕ್ಷಣವೇ ತಣ್ಣೀರಿನಲ್ಲಿ ಸ್ನಾನ ಮಾಡಿ. ನಂತರ ತುರಿಕೆ ಕಮ್ಮಿ ಮಾಡುವ ಲ್ಯಾಕ್ಟೋಕಲಾಮೈನ್‌ನಂಥ ಕ್ರೀಮ್ ಹಚ್ಚಿ. ಆಗಲೂ ತುರಿಕೆ ಕಂಡು ಬಂದರೆರ ಕೂಡಲೇ ಚರ್ಮ ವೈದ್ಯರ ಸಲಹೆ ಪಡೆಯಿರಿ.

ಇತರ ಸಲಹೆ:

* ಹೋಳಿ ಆಡಿದ ತಕ್ಷಣವೇ ಸ್ನಾನ ಮಾಡಿ. ಬಣ್ಣ ಮೈಯಲ್ಲಿ ಒಣಗಿದರೆ ತೊಳೆಯುವುದು ಕಷ್ಟ.

*ಬಣ್ಣವನ್ನು ತೊಳೆಯಲು ಕಡಲೆ ಹಿಟ್ಟಿಗೆ ಎಣ್ಣೆ ಹಾಕಿ ನಂತರ ಮೈಗೆ ಹಚ್ಚಿ. ಬಣ್ಣ ಹೋಗಲಾಡಿಸಲು ತ್ವಚೆಯನ್ನು ತುಂಬಾ ತಿಕ್ಕಬೇಡಿ.

*ಮೊಡವೆ ಸಮಸ್ಯೆ ಇರುವವರು ಆ್ಯಂಟಿ ಬಯೋಟಿಕ್ ಜೆಲ್ ಬಳಸಿ ವಾಶ್‌ ಮಾಡಿ.

* ಸ್ನಾನ ಮಾಡುವಾಗ ನಿಂಬೆ ಹಣ್ಣಿನಿಂದ ಸ್ಕ್ರಬ್ ಮಾಡಿದರೆ ಮತ್ತಷ್ಟು ಒಳ್ಳೆಯದು.

* ಸ್ನಾದ ನಂತರ ಮೈಗೆ ಬಾಡಿಲೋಷನ್‌ ಹಚ್ಚಲು ಮರೆಯದಿರಿ.

ಕೂದಲಿನ ಆರೈಕೆ:
ಹೋಳಿಯಾಡಿದ ಬಳಿಕ ತಲೆಗೆ ಎಣ್ಣೆಗೆ ಹಾಕಿ ಶ್ಯಾಂಪೂ ಹಚ್ಚಿ ತೊಳೆದು , ಕಂಡೀಷನರ್ ಹಾಕಿ ಆರೈಕೆ ಮಾಡಿ.