ಬಿಸಿ ನೀರಿಗೆ ನಿಂಬೆ, ಜೇನು ಹಾಕಿ ಕುಡಿಯುವುದರಿಂದ ಏನಾಗುತ್ತೆ ಗೊತ್ತಾ?

ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಒಂದು ಲೋಟ ಬಿಸಿನೀರಿಗೆ ಒಂದು ಚಮಚ ಜೇನುತುಪ್ಪ, ಅರ್ಧ ಚಮಚ ನಿಂಬೆರಸ ಹಾಕಿ ಕುಡಿಯುವುದರಿಂದ ತೆಳ್ಳಗಾಗಬಹುದು ಎಂಬ ಸಲಹೆಯನ್ನು ಕೇಳಿರುತ್ತೀರಿ. ಈ ರೀತಿ ಕುಡಿಯುವುದರಿಂದ ತೆಳ್ಳಗಾಗುವುದರ ಜೊತೆ ಮತ್ತೆ ಹಲವು ಪ್ರಯೋಜನಗಳನ್ನು ಪಡೆಯಬಹುದು. ಅವು ಯಾವುವು ಎಂದು ತಿಳಿಯಲು ಮುಂದೆ ಓದಿ.

ಸೂಚನೆ: ಆದರೆ ನೆನಪಿಡಿ ದಿನದಲ್ಲಿ ಒಂದು ಲೋಟಕ್ಕಿಂತ ಅಧಿಕ ಕುಡಿಯುವ ಸಾಹಸ ಬೇಡ. ಅತಿಯಾದರೆ ಅಮೃತವೂ ವಿಷವಾದೀತು ಜೋಕೆ!

ಲಿವರ್ ಶುದ್ಧ ಮಾಡುತ್ತದೆ: ಲಿವರ್‌ ಸರಿಯಾಗಿ ಕೆಲಸ ಮಾಡಿದರೆ ಮಾತ್ರ ನಾವು ಆರೋಗ್ಯವಾಗಿರಲು ಸಾಧ್ಯ. ಬೆಳಗ್ಗೆ ಎದ್ದ ತಕ್ಷಣ ಬಿಸಿ ನೀರಿಗೆ ನಿಂಬೆ ಮತ್ತು ಜೇನುತುಪ್ಪ ಲಿವರ್‌ನಲ್ಲಿರುವ ಕಲ್ಮಶವನ್ನು ಹೊರಹಾಕಲು ಸಹಾಯ ಮಾಡುತ್ತದೆ.

ಬೊಜ್ಜು ಕಡಿಮೆ ಮಾಡುತ್ತೆ: ಬೊಜ್ಜು ಕಡಿಮೆ ಮಾಡುವಲ್ಲಿ ಈ ಪಾನೀಯ ತುಂಬಾ ಸಹಾಯಕಾರಿ.

ವಿಟಮಿನ್ಸ್ ಮತ್ತು ಖನಿಜಂಶ: ಈ ಪಾನೀಯಾದಲ್ಲಿ ವಿಟಮಿನ್ ಸಿ, ವಿಟಮಿನ್ ಬಿ, ಮ್ಯಾಗ್ನಿಷಿಯಂ, ಕ್ಯಾಲ್ಸಿಯಂ ಮತ್ತು ರಂಜಕ ಅಂಶವಿರುವುದರಿಂದ ದೇಹದಲ್ಲಿ ಈ ಖನಿಜಾಂಶಗಳ ಕೊರತೆ ಉಂಟಾಗದಂತೆ ಆರೋಗ್ಯ ಕಾಪಾಡುತ್ತದೆ.

Read In English