ಬೇಸಿಗೆಯಲ್ಲಿ ಈ ಟಿಪ್ಸ್ ಪಾಲಿಸಿದರೆ ಒಳ್ಳೆಯದು

ದೇಶದಲ್ಲಿ ಹಲವೆಡೆ ತಾಪಮಾನ 46 ಡಿಗ್ರಿ ತಲುಪಿದೆ. ಬೇಸಿಗೆಯಲ್ಲಿ ತಾಪಮಾನ ಹೆಚ್ಚಾದಂತೆ ನಾವು ಆರೋಗ್ಯದ ಕಡೆ ಹೆಚ್ಚು ಗಮನ ಕೊಡಬೇಕು. ನಮ್ಮ ಆಹಾರಕ್ರಮದಲ್ಲಿ ಕೆಲವೊಂದು ಬದಲಾವಣೆ ತರಬೇಕು.

ಈ ಬೇಸಿಗೆಯಲ್ಲಿ ಆರೋಗ್ಯ ಕಾಪಾಡಲು ಕೆಲವು ಟಿಪ್ಸ್‌ ನೀಡಿದ್ದೇವೆ ನೋಡಿ:

1. ಹಣೆಗೆ ಒದ್ದೆ ಬಟ್ಟೆ ಇಡುವುದು: ಸೆಕೆ ತುಂಬಾ ಜಾಸ್ತಿಯಾದಾಗ ಒಂದು ಚಿಕ್ಕ ಬಟ್ಟೆ ತುಂಡನ್ನು ಒದ್ದೆ ಮಾಡಿ ಹಣೆಗೆ ಇಡುವುದರಿಂದ ದೇಹ ಕೂಲ್‌ ಆಗುವುದು.

ದೇಹವನ್ನು ತಂಪಾಗಿ ಇಡಲು ಈ ರೀತಿ ಮಾಡಿ:

1. ಲಘು ಆಹಾರ ಸೇವನೆ: ಬೇಸಿಗೆಯಲ್ಲಿ ಲಘು ಆಹಾರಕ್ರಮ ಒಳ್ಳೆಯದು. ಅದರಲ್ಲೂ ಹಣ್ಣುಗಳನ್ನು ಹೆಚ್ಚಾಗಿ ಸೇವಿಸಿ. ಹೊಟ್ಟೆ ತುಂಬಾ ತಿನ್ನುವ ಬದಲು ಸ್ವಲ್ಪ-ಸ್ವಲ್ಪ ಆಹಾರವನ್ನು ಆಗಾಗ ತಿನ್ನಿ.

2. ಸಲಾಡ್: ಸಲಾಡ್‌ ದೇಹವನ್ನು ತಂಪಾಗಿ ಇಡಲು ಸಹಾಯ ಮಾಡುತ್ತದೆ. ಸೊಪ್ಪು ಮತ್ತು ತರಕಾರಿಯನ್ನು ಹೆಚ್ಚಾಗಿ ತಿನ್ನಿ. ಫಾಸ್ಟ್ ಫುಡ್‌ಗಳನ್ನು ಕಡಿಮೆ ಮಾಡುವುದು ಒಳ್ಳೆಯದು.

3. ಸನ್ ಸ್ಟ್ರೋಕ್(ಬಿಸಿಲಾಘಾತ) ಆದರೆ ಹೀಗೆ ಮಾಡಿ: ಕಾಫಿ, ಟೀ ಕುಡಿಯಬಾರದು. ಒಂದು ಸ್ಪೂನ್ ಈರುಳ್ಳಿ ರಸವನ್ನು ಕುಡಿಯುವುದರಿಂದ ಈ ಸಮಸ್ಯೆ ಇಲ್ಲವಾಗುವುದು.

4. ಮೈ ಬೆವರಲಿ: ಬೇಸಿಗೆಯಲ್ಲಿ ಮೈ ಬೆವರಿದಷ್ಟು ಒಳ್ಳೆಯದು. ಆದಷ್ಟು ನೀರು ಕುಡಿಯಬೇಕು. ನೈಸರ್ಗಿಕ ಜ್ಯೂಸ್‌ಗಳನ್ನು ಹೆಚ್ಚಾಗಿ ಸೇವಿಸಿ.

6. ಉರಿ ಬಿಸಿಲಿನಲ್ಲಿ ತಿರುಗಾಡಬೇಡಿ: ತುಂಬಾ ಬಿಸಿಲಿರುವಾಗ ಹೊರಗಡೆ ಹೋಗುವುದಾದರೆ ಕೊಡೆ ಹಿಡಿದು ಹೋಗಿ. ಹೊಲ, ಗದ್ದೆ, ತೋಟ ಹೀಗೆ ಬಿಸಿಲಿನಲ್ಲಿ ಕೆಲಸ ಮಾಡುವವರು ಮುಂಜಾನೆ ಹಾಗೂ 3 ಗಂಟೆಯ ಬಳಿಕ ಕೆಲಸ ಮಾಡಿದರೆ ಒಳ್ಳೆಯದು.

ಮಾಂಸಹಾರಿಗಳೇ?
ಕೆಂಪು ಮಾಂಸವನ್ನು ತಿನ್ನುವುದನ್ನು ಕಮ್ಮಿ ಮಾಡಿ. ಬೇಸಿಗೆಯಲ್ಲಿ ಮೀನು ಮತ್ತು ಮೃದ್ವಂಗಿಗಳು ಒಳ್ಳೆಯದು.

ತುಂಬಾ ತಣ್ಣನೆಯ ಆಹಾರ ಅಥವಾ ಜ್ಯೂಸ್‌ ತೆಗೆದುಕೊಳ್ಳಬೇಡಿ
ಬೇಸಿಗೆಯಲ್ಲಿ ಐಸ್‌ಕ್ರೀಮ್, ಫ್ರಿಜ್‌ನಲ್ಲಿಟ್ಟ ಜ್ಯೂಸ್ ಅಥವಾ ನೀರು ಕುಡಿಯಲು ಹಿತ ಅನಿಸಿದರು ಬಾಯಾರಿಕೆ ನೀಗುವುದಿಲ್ಲ. ಈ ಸಮಯದಲ್ಲಿ ಮಜ್ಜಿಗೆ, ಫ್ರಿಜ್‌ನಲ್ಲಿ ಇಡದ ಶುದ್ಧ ನೀರು, ಫ್ರೆಶ್‌ ಜ್ಯೂಸ್‌ ಇವುಗಳನ್ನು ಸೇವಿಸುವುದರಿಂದ ಬಾಯಾರಿಕೆ ಕಡಿಮೆಯಾಗುವುದು.