ಯೋಗ: ಸಕ್ಕರೆ ಕಾಯಿಲೆ ತಡೆಗೆ ಪರಿವೃತ ಪಾರ್ಶ್ವ ಕೋನಾಸನ ಬೆಸ್ಟ್

ಅರ್ಥ: ಪರಿವೃತ್ತ ಎಂದರೆ ತಿರುಗಿಸುವುದು ಎಂದರ್ಥ. ಪಾಶ್ರ್ವಕೋನಾಸನವನ್ನು ಶರೀರ ತಿರುಗಿಸಿ ಮಾಡುವುದರಿಂದ ಇದನ್ನು ಪರಿವೃತ ಪಾಶ್ರ್ವಕೋನಾಸನ ಎಂದು ಕರೆಯುತ್ತಾರೆ.

ಮಾಡುವ ವಿಧಾನ:

ಮೊದಲು ಎರಡು ಪಾದಗಳನ್ನು ಮೂರುವರೆಯಿಂದ ನಾಲ್ಕು ಅಡಿಗಳಷ್ಟು ಅಂತರದಲ್ಲೇ ಇಟ್ಟುಕೊಳ್ಳಿ. ಬಲಪಾದವನ್ನು ಬಲಕ್ಕೂ ಎಡಪಾದವನ್ನು ಸಂಪೂರ್ಣವಾಗಿ ಒಳಕ್ಕೂ ತಿರುಗಿಸಿಕೊಳ್ಳಿ. ಬಲ ಮಂಡಿಯನ್ನು ಮಡಿಸಿ ತೊಂಬತ್ತು ಡಿಗ್ರಿಯಷ್ಟು ಬರುವ ಹಾಗೆ ಇಟ್ಟುಕೊಳ್ಳಿ. ಬಲಮಂಡಿಯ ನೇರಕ್ಕೆ ಬಲ ಗೋಡೆಯ ಭಾಗವಿರಬೇಕು. ಈಗ ಬಲ ಮಂಡಿಯ ನೇರಕ್ಕೆ ಎಡಗೈಯನ್ನು ಎಡಗಾಲಿನ ನೇರಕ್ಕೆ ಬಲಗೈಯನ್ನು ಹಿಂದಕ್ಕೆ ತೆಗೆದುಕೊಳ್ಳಿ. ಎಡಗೈಯನ್ನು ಕೆಳಗೆ ತೆಗೆದುಕೊಳ್ಳುತ್ತ ಬಲ ಹಿಮ್ಮಡಿಯ ಪಕ್ಕದಲ್ಲಿ ಇಟ್ಟುಕೊಳ್ಳಿ. ಬಲಗೈಯನ್ನು ಕಿವಿಯ ನೇರದಲ್ಲಿ ಮುಂದಕ್ಕೆ ನೇರವಾಗಿ ಚಾಚಿ. ಬಲ ರೆಪ್ಪೆಯಿಂದ ದೃಷ್ಟಿ ಮೇಲಕ್ಕೆ ಹಾಗೂ ಎರಡು ಕಾಲುಗಳು ನೇರವಾಗಿರಲಿ. ಎರಡು ಮಂಡಿಗಳನ್ನು ಬಿಗಿಗೊಳಿಸಿ. ಎರಡೂ ಪಾದಗಳನ್ನು ಚೆನ್ನಾಗಿ ನೆಲಕ್ಕೆ ಒತ್ತಿರಬೇಕು. ಹೊಟ್ಟೆಯನ್ನು ಒಳಗೆ ಎಳೆದಿರಬೇಕು. ಹಾಗೆಯೇ ನಿಧಾನವಾಗಿ ಮೇಲಕ್ಕೆ ಬರಬೇಕು. ಸಂಪೂರ್ಣವಾಗಿ ಮೇಲಕ್ಕೆ ಬಂದು ಪಾದಗಳನ್ನು ಮುಂದಕ್ಕೆ ತಿರುಗಿಸಿ ಸಮಸ್ಥಿತಿಗೆ ಬನ್ನಿ. ಇದೇ ರೀತಿ ಮತ್ತೊಂದು ಕಡೆ ಆಸನ ಮುಂದುವರೆಸಿ.

ಉಪಯೋಗ:

-ಪಾಶ್ರ್ವ ಕೋನಾಸನದ ಎಲ್ಲಾ ಉಪಯೋಗಗಳ ಜೊತೆಗೆ ಹೊಟ್ಟೆಯಲ್ಲಿನ ಕೊಬ್ಬಿನಂಶ ಕರಗುವುದು.

-ಸಕ್ಕರೆ ಕಾಯಿಲೆ, ಜೀರ್ಣಕ್ರಿಯೆ ಸಮಸ್ಯೆ ಇರುವವರಿಗೆ ಉತ್ತಮ ಆಸನ.

-ಈ ಆಸನದಿಂದ ಶರೀರದಲ್ಲಿ ಹಗುರತೆ ನಿರ್ಮಾಣವಾಗುವುದು.