ಎಲ್ಲರೂ ಫಿಟ್‌ನೆಸ್‌ ಕಾಪಾಡಿಕೊಳ್ಳಲು ಮೊರೆ ಹೋಗುವ ಆಹಾರಗಳಲ್ಲಿ ಓಟ್ಸ್‌ ಕೂಡ ಒಂದು. ಇದನ್ನು ಬೆಳಗಿನ ಬ್ರೇಕ್‌ಫಾಸ್ಟ್‌ನಲ್ಲಿ ಉಪಾಹಾರವಾಗಿ ಸೇವಿಸಲಾಗುತ್ತದೆ. ಇದು ದೇಸಿ ಆಹಾರವಲ್ಲದಿದ್ದರೂ ಈಗಿನ ಜೀವನಶೈಲಿಗೆ ಹೆಚ್ಚು ಸೂಕ್ತವಾಗುವ ಆಹಾರ. ಇದರಲ್ಲಿ ತರಹವಾರಿ ಖಾದ್ಯ ತಯಾರಿಸಬಹುದು.
ಈ ಓಟ್ಸ್‌ ಅನ್ನು ಮೊದಲಿಗೆ ಪ್ರಪಂಚದಲ್ಲಿ ಕೆಲವೊಂದು ದೇಶಗಳಲ್ಲಿ ಮಾತ್ರ ಬಳಸಲಾಗುತ್ತಿತ್ತು. 10 ಮತ್ತು 11 ನೇ ಶತಮಾನದಲ್ಲಿ ಅಮೆರಿಕಾದಲ್ಲಿ ಬ್ರೆಡ್‌ನೊಂದಿಗೆ ಓಟ್ಸ್‌ ಬಳಸಿ ಖಾದ್ಯ ತಯಾರಿಸಲಾಯಿತು. ಅಂದಿನಿಂದ ಓಟ್ಸ್‌ ಎಲ್ಲಾ ದೇಶಗಳಿಗೂ ಪರಿಚಿತವಾಯಿತು.
ಅಮೆರಿಕನ್ನರು ಆ ದಿನವನ್ನು ಇಂದಿಗೂ ನೆನೆಪಿಸಿಕೊಳ್ಳುತ್ತಾರೆ. ಆ ದಿನವನ್ನು ಓಟ್ಸ್‌ ಮುಫಿನ್ಸ್‌ ಡೇಯನ್ನಾಗಿ ಆಚರಿಸುತ್ತಾರೆ. ಈ ಓಟ್‌ಮೀಲ್‌ ಮುಫಿನ್ಸ್‌ ಎಷ್ಟು ಜನಪ್ರಿಯವಾಗಿದೆಯೆಂದರೆ ಪ್ರತಿವರ್ಷ ಡಿಸೆಂಬರ್‌ 19 ಅನ್ನು ಓಟ್‌ಮೀಲ್‌ ಮುಫಿನ್ಸ್‌ ಡೇ ಎಂದು ಸೆಲೆಬ್ರೇಟ್‌ ಮಾಡಲಾಗುತ್ತದೆ. ಡಯಟ್‌, ಫಿಟ್‌ನೆಸ್‌ ಬಗ್ಗೆ ವ್ಯಾಮೋಹವಿದ್ದವರೂ ಇದರ ಮೊರೆ ಹೋಗುತ್ತಿದ್ದಾರೆ. ಯಾಕೆಂದರೆ ಇದು ದೇಹದಲ್ಲಿರುವ ಅನಾವಶ್ಯಕವಾದ ಕೊಬ್ಬನ್ನು ಕರಗಿಸುತ್ತದೆ.