-ಯಾವುದೇ ಗಿಡಗಳಿಗೂ ನೀರೇ ಆಹಾರ. ಆದರೆ ನೀರಿನ ಪ್ರಮಾಣ ಹೆಚ್ಚು ಕಮ್ಮಿಯಾದರೂ ಸಮಸ್ಯೆ ಉಂಟಾಗುತ್ತದೆ. ನೀರುಣಿಸುವಿಕೆಯಲ್ಲಿ ವ್ಯತ್ಯಯವಾದರೆ ಗಿಡ ನಶಿಸಿ ಹೋಗುವ ಸಾಧ್ಯತೆಯೂ ಇದೆ. ಆದ್ದರಿಂದ ಯಾವ ಗಿಡಕ್ಕೆ ಎಷ್ಟು ಪ್ರಮಾಣದಲ್ಲಿ ನೀರು ಹಾಕಬೇಕೆಂದು ತಿಳಿದುಕೊಂಡು ನೀರುಣಿಸಿ.
-ಗಿಡಗಳ ಬೇರಿನಲ್ಲಿ ತೇವಾಂಶ ಇರುವಂತೆ ನೋಡಿಕೊಳ್ಳಿ. ತೇವಾಂಶ ಇದ್ದಷ್ಟು ಗಿಡ ಹುಲುಸಾಗಿ ಬೆಳೆಯುತ್ತದೆ.
-ತಿಂಗಳಿಗೆ ಒಮ್ಮೆಯಾದರೂ ಗಿಡಗಳಿಗೆ ಹೊಸ ಮಣ್ಣು ಹಾಕಬೇಕು. ಇಲ್ಲವಾದರೆ ಬೇರು ಸಡಿಲವಾಗುತ್ತದೆ. ಮಣ್ಣನ್ನು ಬದಲಿಸುತ್ತಿದ್ದರೆ ಗಿಡಗಳಿಗೆ ರೋಗ ಬಾಧೆ ತಪ್ಪುತ್ತದೆ.
-ಮೂರು ತಿಂಗಳಿಗೊಮ್ಮೆ ಗಿಡಗಳ ಕುಂಡಗಳನ್ನು ಬದಲಿಸುತ್ತ ಇರಿ. ಮೂರು ತಿಂಗಳಿಗಿಂತ ಹೆಚ್ಚಾಗಿ ಒಂದು ಗಿಡವನ್ನು ಒಂದೇ ಕುಂಡದಲ್ಲಿ ಇಡಬೇಡಿ.
-ಗಿಡವನ್ನು ಬೇರೆ ಕುಂಡಕ್ಕೆ ವರ್ಗಾಯಿಸಿದರೆ ಗಿಡ ಒಣಗಿ ಹೋಗುವುದು ತಪ್ಪುತ್ತದೆ.
-ಕೆಲವೊಂದು ಗಿಡಗಳು ಅನಗತ್ಯವಾಗಿ ಎತ್ತರಕ್ಕೆ ಬೆಳೆಯುತ್ತವೆ. ಅಂತಹ ಗಿಡಗಳ ಕೊಂಬೆಗಳನ್ನು ಹದಿನೈದು ದಿನಕ್ಕೊಮ್ಮೆ ಕತ್ತರಿಸಿದರೆ ನೋಡಲು ಸುಂದರವಾಗಿ ಕಾಣುತ್ತದೆ.