ಹೆರಿಗೆಯ ನಂತರ ಬಾಡಿಶೇಪ್‌ ಪಡೆಯಲು ಏನು ಮಾಡಬೇಕು?

ಗರ್ಭಾವಸ್ಥೆಯಲ್ಲಿ ದೇಹದಲ್ಲಿ ಹಲವಾರು ಬದಲಾವಣೆಗಳಾಗುತ್ತವೆ. ಗರ್ಭಿಣಿಯಾಗಿದ್ದಾಗ ತೂಕ ಹೆಚ್ಚಾಗುವುದು ಸಹಜ, ಹೆಚ್ಚಾದ ಮೈ ತೂಕ ಹೆರಿಗೆಯಾದ ತಕ್ಷಣ ಹೋಗುವುದಿಲ್ಲ.

ಬಾಣಂತಿಯರು ಮೈ ತೂಕದ ಕಡೆ ಗಮನ ನೀಡುವುದಕ್ಕಿಂತ ಮಗುವಿನ ಹಾಗೂ ನಿಮ್ಮ ದೇಹದ ಆರೈಕೆ ಮಾಡಬೇಕು. ನಿಧಾನಕ್ಕೆ ಮೈ ಬೊಜ್ಜು ಕರಗಿಸುವತ್ತ ಗಮನ ನೀಡಬೇಕು.

ಆಹಾರಕ್ರಮ ಹೇಗಿರಬೇಕು?
ನಿಮ್ಮ ಡಯಟ್‌ನಲ್ಲಿ ತರಕಾರಿ ಹೆಚ್ಚಾಗಿ ಸೇವಿಸಿ, ದಿನಾ ಒಂದು ಬೌಲ್‌ ಹಣ್ಣುಗಳನ್ನು ತಿನ್ನಿ. ತುಂಬಾ ಖಾರ, ಸಂಸ್ಕರಿಸಿದ ಆಹಾರ, ಎಣ್ಣೆ ಪದಾರ್ಥಗಳನ್ನು ತಿನ್ನಬಾರದು.

ವರ್ಕೌಟ್‌
ಪ್ರತಿಯೊಬ್ಬ ತಾಯಿಗೆ ತನ್ನ ಮಗುವಿನ ಆರೈಕೆ ಪ್ರಮುಖವಾಗಿರುತ್ತದೆ, ಅದರ ಜತೆಗೆ ನಿಮ್ಮ ಆರೋಗ್ಯದ ಕಡೆ ಗಮನ ಕೊಡಬೇಕು. ಸ್ವಲ್ಪ ಸಮಯ ನಿಮಗಾಗಿ ಮೀಸಲಿಡಿ. ಪ್ರಾರಂಭದ ದಿನದಲ್ಲಿ 10 ನಿಮಿಷ ವಾಕಿಂಗ್‌ ಮಾಡಿ, ನಿಧಾನಕ್ಕೆ ಇತರ ವ್ಯಾಯಾಮ ಮಾಡಿ. ಕಷ್ಟದ ವ್ಯಾಯಾಮ ಮಾಡಲು ಹೋಗಬೇಡಿ.

ನಿಮ್ಮನ್ನು ಮತ್ತೊಬ್ಬರೊಂದಿಗೆ ಹೋಲಿಸಬೇಡಿ
ಸೆಲೆಬ್ರಿಟಿ ಅಥವಾ ಫ್ರೆಂಡ್ಸ್ ಜತೆ ನಿಮ್ಮನ್ನು ಹೋಲಿಕೆ ಮಾಡಬೇಡಿ. ಹೆಚ್ಚಿದ ಮೈ ತೂಕದ ಕುರಿತು ಚಿಂತಿಸುವ ಬದಲು ಮಾನಸಿಕ ಹಾಗೂ ದೈಹಿಕ ಆರೋಗ್ಯದ ಕಡೆ ಗಮನ ಕೊಡಿ.

ಮನೆಯವರ ಸಹಾಯ ಪಡೆಯಿರಿ
ಮಗುವನ್ನು ಸ್ವಲ್ಪ ಹೊತ್ತು ಮನೆಯವರ ಹತ್ತಿರ ನೋಡಿ ಕೊಳ್ಳಲು ಹೇಳಿ ವ್ಯಾಯಾಮ ಮಾಡಿ.