ಪೆಟ್‌ ಕೇರ್‌: ಪಾರಿವಾಳದ ಗೂಡು ಹೀಗಿರಲಿ

-ಪಕ್ಷಿ ಪ್ರಿಯರು ಮನೆಯಲ್ಲಿಯೇ ಪಾರಿವಾಳವನ್ನು ಸಾಕುತ್ತಿದ್ದರೆ ಕೆಲವೊಂದು ಮುನ್ನೆಚ್ಚರಿಕೆಯ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಇಲ್ಲವಾದರೆ ಅವುಗಳಿಗೆ ಗೂಡು ಹೊಂದದೆ ಅವು ಹೊರಗೆ ಹಾರಿ ಹೋಗಿ ಮರಳಿ ಹಿಂತಿರುಗಿ ಬರದಿರಬಹುದು.

-ಪಾರಿವಾಳಕ್ಕೆ ಮರದ ಗಟ್ಟಿಯಾದ ಹಾಗೂ ಕಾಗದದ ರಟ್ಟಿನಿಂದ ಗೂಡನ್ನು ವಿಶಾಲವಾಗಿ ನಿರ್ಮಿಸಿದರೆ ಸಾಕು.

- ಸಾಧ್ಯವಾದಷ್ಟು ಟೆರೇಸ್‌ನ ಮೇಲೆ ಅಥವಾ ಮನೆಯ ಮೇಲೆ ಗೂಡು ನಿರ್ಮಿಸಿದರೆ ಪಾರಿವಾಳಕ್ಕೆ ಇಷ್ಟವಾಗುತ್ತದೆ. ಅದು ಬಹುಬೇಗ ಮನೆಯ ವಾತಾವರಣಕ್ಕೆ ಹೊಂದಿಕೊಳ್ಳುತ್ತದೆ.

-ಕೈ ತೋಟವಿದ್ದರೆ ಅದರ ಒಳಗೂ ಗೂಡನ್ನು ಇಡಬಹುದು. ನೈಸರ್ಗಿಕವಾದ ಗಿಡಗಳ ಮಧ್ಯೆ ಜೀವಿಸಲು ಈ ಪಕ್ಷಿಗಳಿಗೆ ತುಂಬಾ ಇಷ್ಟ.

-ಪಾರಿವಾಳದ ಗೂಡನ್ನು ದಿನಕ್ಕೆ ಒಂದು ಬಾರಿಯಾದರೂ ಶುಚಿಗೊಳಿಸಬೇಕು. ಇಲ್ಲವಾದರೆ ಅವುಗಳಿಗೆ ಕಾಯಿಲೆ ಬರುವ ಸಾಧ್ಯತೆ ಇರುತ್ತದೆ.

-ಸಂಜೆಯ ಸಮಯ ಪಾರಿವಾಳವನ್ನು ಗೂಡಿನಿಂದ ಹಾರಲು ಬಿಡಿ. ಅವುಗಳನ್ನು ಸದಾ ಗೂಡಿನೊಳಗೆ ಮುಚ್ಚಿಟ್ಟುಕೊಂಡರೆ ಅವುಗಳಿಗೆ ಹಿಂಸೆಯಾಗುತ್ತದೆ.

-ಗೂಡಿನ ಒಳಗೆ ಅವುಗಳಿಗೆ ಇಷ್ಟವಾಗುವ ಕಾಳುಗಳಿರಲಿ. ಯಾಕೆಂದರೆ ಅವು ಅದನ್ನು ಹಸಿವಾದಾಗ ಹೆಕ್ಕಿ ತಿನ್ನುತ್ತವೆ.

-ಹಾಗೆಯೇ ಗೂಡಿನ ಒಂದು ಮೂಲೆಯಲ್ಲಿ ಅವುಗಳಿಗೆ ಕುಡಿಯಲು ನೀರು ಇಡುವುದನ್ನು ಮರೆಯಬೇಡಿ. ಯಾಕೆಂದರೆ ಅವು ಕೂಡಾ ನಮ್ಮಂತೆ ತಿಂದ ನಂತರ ನೀರು ಕುಡಿಯುತ್ತದೆ.