* ಪ್ರವೀಣ್ ಚಂದ್ರ ಪುತ್ತೂರು
ದೇಶದ ಹೆಮ್ಮೆಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ‘ಇಸ್ರೊ’ದಲ್ಲಿ ಕೆಲಸ ಪಡೆಯಬೇಕೆಂದು ಕನಸು ಕಾಣುತ್ತಿರುವವರಲ್ಲಿ ನೀವೂ ಒಬ್ಬರಾಗಿರಬಹುದು. ಅಲ್ಲಿ ವಿಜ್ಞಾನಿಯಾಗಬೇಕು, ಜಗತ್ತೇ ನಿಬ್ಬೆರಾಗುವಂತಹ ಮಂಗಳಯಾನದಂತಹ ಯೋಜನೆಗಳಲ್ಲಿ ತಾವು ಪಾಲ್ಗೊಳ್ಳಬೇಕು ಎಂಬ ತುಡಿತ ಬಹಳಷ್ಟು ಯುವಕ-ಯುವತಿಯರಲ್ಲಿ ಇರುತ್ತದೆ. ಕಲ್ಪನಾ ಚಾವ್ಲಾ, ಸುನೀತಾ ವಿಲಿಯಮ್ಸ್ರಂತೆ ಬಾಹ್ಯಾಕಾಶ ಪ್ರಯಾಣ ಮಾಡುವ ಕನಸು ಕಾಣುವವರೂ ಸಾಕಷ್ಟು ಇರಬಹುದು. ವಿಜ್ಞಾನಿಯಾಗದೆ ಇದ್ದರೂ ಪರವಾಗಿಲ್ಲ, ಅಲ್ಲಿ ರಾಕೆಟ್ ನಿರ್ಮಾಣ, ಬಾಹ್ಯಾಕಾಶ ನೌಕೆಗಳ ಅಭಿವೃದ್ಧಿ, ಉಪಗ್ರಹಗಳ ನಿರ್ಮಾಣ ಕಾರ್ಯಗಳಲ್ಲಿ ಎಂಜಿನಿಯರ್ ಆಗಬೇಕು, ಅಸಿಸ್ಟೆಂಟ್ ಎಂಜಿನಿಯರ್ ಆಗಬೇಕು ಅಥವಾ ಟೆಕ್ನಿಷಿಯನ್ ಆಗಬೇಕು ಎಂದು ಬಯಸುವವರಿದ್ದಾರೆ.
‘ಕನಸು ಎನ್ನುವುದು ನಿದ್ದೆ ಮಾಡುವಾಗ ಕಾಣುವಂತದ್ದಲ್ಲ, ಅದು ನಿಮ್ಮನ್ನು ನಿದ್ದೆ ಮಾಡಲು ಬಿಡದಂತೆ ಇರಬೇಕು’ ಎಂದಿದ್ದಾರೆ ಇಸ್ರೊದಲ್ಲಿ ವಿಜ್ಞಾನಿಯಾಗಿದ್ದ, ದೇಶದ 11ನೇ ರಾಷ್ಟ್ರಪತಿಯಾಗಿದ್ದ ದಿ. ಡಾ. ಎ.ಪಿ.ಜೆ. ಅಬ್ದುಲ್ ಕಲಾಂ. ಇಂತಹ ಮಹೋನ್ನತ್ತ ಕನಸು ನಿಮ್ಮಲ್ಲಿ ಇದ್ದರೆ, ಒಂದಿಷ್ಟು ಪರಿಶ್ರಮ, ಶ್ರದ್ಧೆ ಮತ್ತು ಅನ್ವೇಷಣಾ ಮನೋಭಾವ ಇದ್ದವರಿಗೆ ಇಸ್ರೊದಲ್ಲಿ ಅವಕಾಶ ಇದ್ದೇ ಇರುತ್ತದೆ.
ಐಐಎಸ್ಟಿಯಲ್ಲಿ ಕೋರ್ಸ್
ದ್ವಿತೀಯ ಪಿಯುಸಿಯನ್ನು ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಗಣಿತ ವಿಷಯದಲ್ಲಿ ಪೂರ್ಣಗೊಳಿಸಿ. ಜೆಇಇ ಪರೀಕ್ಷೆ ಬರೆಯಿರಿ. ಜೆಇಇ ಮೇನ್ಸ್ ಮತ್ತು ಅಡ್ವಾನ್ಸ್ನಲ್ಲಿ ಉತ್ತಮ ಅಂಕ ಪಡೆಯಿರಿ. ನಂತರ ಐಐಎಸ್ಟಿ ಅಂದರೆ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸ್ಪೇಸ್ ಸೈನ್ಸ್ ಮತ್ತು ಟೆಕ್ನಾಲಜಿ(ಐಐಎಸ್ಟಿ) ಕೋರ್ಸ್ಗಳಿಗೆ ಅರ್ಜಿ ಸಲ್ಲಿಸಿ. ಅಲ್ಲಿ ಒಳ್ಳೆಯ ಅಂಕ ಪಡೆಯಿರಿ. ನಿಮಗೆ ಇಸ್ರೊದಲ್ಲಿ ಕೆಲಸ ಸಿಗುವುದು ಗ್ಯಾರಂಟಿ.
ಇನ್ನಷ್ಟು ವಿಸ್ತರಿಸಿ ಹೇಳಬೇಕೆ? ಐಐಎಸ್ಟಿ ಇರುವುದು ಕೇರಳದ ತಿರುವನಂತಪುರದಲ್ಲಿ. ಇದು ಐಸ್ಯಾಟ್(ಐಎಸ್ಎಟಿ) ಪರೀಕ್ಷೆ ನಡೆಸುತ್ತದೆ. ಇಲ್ಲಿ ಜೆಇಇಯಲ್ಲಿ ಉತ್ತಮ ಅಂಕ ಪಡೆದವರಿಗೆ ಸದಾ ಸ್ವಾಗತ ಇರುತ್ತದೆ. ಇಲ್ಲಿ ಏರೋಸ್ಪೇಸ್ ಎಂಜಿನಿಯರಿಂಗ್, ಏವಿಯೊನಿಕ್ಸ್ ಎಂಜಿನಿಯರಿಂಗ್ ಮತ್ತು ಫಿಸಿಕಲ್ ಸೈನ್ಸ್ನಲ್ಲಿ ಬಿಟೆಕ್ ಪದವಿ ದೊರಕುತ್ತದೆ. ಬಿಟೆಕ್ ಮತ್ತು ಎಂಎಸ್ಸಿ/ಎಂಟೆಕ್ ಎಂಬ ಐದು ವರ್ಷದ ಡಬಲ್ ಡಿಗ್ರಿ ಪಡೆಯಲೂ ಅವಕಾಶವಿದೆ. ಎಸ್ಸಿಗೆ ಶೇಕಡ 15, ಎಸ್ಟಿಗೆ ಶೇ. 7.5 ಸೀಟು ಮತ್ತು ಒಬಿಸಿಗೆ ಶೇಕಡ 27ರಷ್ಟು ಸೀಟುಗಳನ್ನು ಮೀಸಲಿರಿಸಲಾಗಿದೆ.
ನಿಮಗೆ ಇನ್ನಷ್ಟು ವಿಷಯ ಹೇಳಬೇಕು. ಇಲ್ಲಿ ಎಲ್ಲವೂ ಉಚಿತ. ಟ್ಯೂಷನ್ ಫೀಸ್ ಇಲ್ಲ. ಹಾಸ್ಟೇಲ್ ಫೀಸ್ ಇಲ್ಲವೇ ಇಲ್ಲ. ಮೆಸ್ ಅಂತೂ ಸಂಪೂರ್ಣ ಉಚಿತ. ಪುಸ್ತಕ ಖರೀದಿಸೋಕೆ ಅಂತ ಈ ಸಂಸ್ಥೆಯೇ ನಿಮಗೆ ತಿಂಗಳಿಗೆ 3 ಸಾವಿರ ರೂಪಾಯಿ ಕೊಡುತ್ತದೆ. ನಿಮ್ಮೆಲ್ಲ ಖರ್ಚುವೆಚ್ಚವನ್ನು ಇಸ್ರೊ/ಡಿಒಎಸ್ ನೋಡಿಕೊಳ್ಳುತ್ತದೆ. ಹಾಗಾದರೆ, ಏನು ಕೊಡಬೇಕು ಎನ್ನುವಿರಾ? ಪ್ರತಿ ಸೆಮಿಸ್ಟರ್ನಲ್ಲೂ ಐಐಎಸ್ಟಿ ನಿಗದಿಪಡಿಸಿದಷ್ಟು ಅಂಕವನ್ನು ನೀವು ಪಡೆಯಲೇಬೇಕು. ಅಷ್ಟು ಅಂಕ ದೊರಕದೆ ಇದ್ದರೆ ನಿಮಗೆ ಮುಂದಿನ ಸೆಮಿಸ್ಟರ್ಗೆ ಸ್ಕಾಲರ್ಷಿಪ್ ದೊರಕುವುದಿಲ್ಲ. ನಿಮ್ಮ ಶುಲ್ಕವನ್ನು ನೀವೇ ತುಂಬಬೇಕಾಗುತ್ತದೆ. ಉಚಿತದೊಂದಿಗೆ ಇನ್ನೊಂದು ನಿಬಂದನೆಯೂ ಇದೆ. ನೀವು ಇಂತಿಷ್ಟು ವರ್ಷ ಇಸ್ರೊದಲ್ಲಿ ಕೆಲಸ ಮಾಡಬೇಕೆಂಬ ನಿಯಮವಿದೆ. ಎಲ್ಲಾದರೂ ಅಮೆರಿಕದ ನಾಸಾದಲ್ಲಿ ಕೆಲಸ ಸಿಗ್ತು ಅಂತ ಇಸ್ರೊದಲ್ಲಿ ಕೆಲಸ ಮಾಡದೆ ಹೋದರೆ ನೀವು ದಂಡ (10 ಲಕ್ಷಕ್ಕಿಂತ ಹೆಚ್ಚು ಇರಬಹುದು) ಪಾವತಿಸಬೇಕಾಗುತ್ತದೆ. ಬಿಟೆಕ್ ಪೂರ್ಣಗೊಂಡ ನಂತರ ಇಸ್ರೊದ ವಿವಿಧ ಕೇಂದ್ರಗಳಲ್ಲಿ ಕೆಲಸ ಮಾಡುವ ಅವಕಾಶ ದೊರಕುತ್ತದೆ. ನಿಮ್ಮ ಮೆರಿಟ್ ಉತ್ತಮವಾಗಿದ್ದಾರೆ ಬೆಂಗಳೂರಿನಲ್ಲಿಯೂ ಕೆಲಸ ಪಡೆಯಬಹುದಾಗಿದೆ. ಹೆಚ್ಚಿನ ಮಾಹಿತಿಗೆ www.iist.ac.in
ಐಸಿಆರ್ಬಿ ಪರೀಕ್ಷೆ
ಐಐಎಸ್ಟಿಯಲ್ಲಿ ಕಲಿತರೆ ಮಾತ್ರ ಇಸ್ರೋದಲ್ಲಿ ಕೆಲಸ ಪಡೆಯಲು ಸಾಧ್ಯವಿರುವುದೇ? ಬೇರೆ ಯಾವ ಆಯ್ಕೆ ಇಲ್ಲವೇ ಎಂಬ ಪ್ರಶ್ನೆ ನಿಮ್ಮಲ್ಲಿ ಇರಬಹುದು. ಹಾಗೇನಿಲ್ಲ, ದೇಶದ ಯಾವುದೇ ಅಂಗೀಕೃತ ಶಿಕ್ಷಣ ಸಂಸ್ಥೆಯಲ್ಲಿ ನೀವು ಬಿಟೆಕ್/ಎಂಟೆಕ್/ಪಿಎಚ್.ಡಿ ಪಡೆದರೂ ಇಸ್ರೊದಲ್ಲಿ ಜಾಬ್ ಗಿಟ್ಟಿಸಿಕೊಳ್ಳಬಹುದು. ಅದಕ್ಕಾಗಿ ನೀವು ಐಸಿಆರ್ಬಿ ಪರೀಕ್ಷೆ ಬರೆಯಬೇಕು. ಇದು ಇಸ್ರೊದ ಸೆಂಟ್ರಲೈಸ್ಡ್ ರಿಕ್ರೂಟ್ಮೆಂಟ್ ಬೋರ್ಡ್. ಪ್ರತಿವರ್ಷ ಇದರ ಮೂಲಕ ಉದ್ಯೋಗಿಗಳನ್ನು ನೇಮಕ ಮಾಡಿಕೊಳ್ಳುತ್ತಿದೆ. ಇದು ಆಗಾಗ ವಿವಿಧ ಹುದ್ದೆಗಳಿಗೆ ಪರೀಕ್ಷೆ ನಡೆಸುತ್ತ ಇರುತ್ತದೆ. ಲಿಖಿತ ಪರೀಕ್ಷೆ ಮತ್ತು ಸಂದರ್ಶನವನ್ನು ಉತ್ತಮವಾಗಿ ಮಾಡಿದರೆ ಇಸ್ರೊದಲ್ಲಿ ಕೆಲಸ ಪಡೆಯಬಹುದು.
ಇಲ್ಲಿ ಓದಬಹುದು
* ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್, ಬೆಂಗಳೂರು
* ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸ್ಪೇಸ್ ಸೈನ್ಸ್ ಮತ್ತು ಟೆಕ್ನಾಲಜಿ (ಐಐಎಸ್ಟಿ), ತಿರುವನಂತಪುರ.
* ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ರಿಮೋಟ್ ಸೆನ್ಸಿಂಗ್(ಐಐಆರ್ಎಸ್) ದೆಹ್ರಡೂನ್.
* ಬಿರ್ಲಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಮೆಸ್ರಾ, ರಾಂಚಿ
* ದೇಶದ ವಿವಿಧ ಐಐಟಿಗಳಲ್ಲಿ ಪಡೆದ ಶಿಕ್ಷಣವೂ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಕೆಲಸ ಪಡೆಯಲು ನೆರವಾಗುತ್ತದೆ.
ಏನ್ ಕೆಲಸ ಇದೆ?:
ವಿಜ್ಞಾನಿ, ಗಗನಯಾನಿ, ಟೆಕ್ನಿಷಿಯನ್, ಅಸಿಸ್ಟೆಂಟ್, ಎಂಜಿನಿಯರ್, ಜೂನಿಯರ್ ಎಂಜಿನಿಯರ್ ಇತ್ಯಾದಿ.
ಸಂಪೂರ್ಣ ಉಚಿತ ಕೋರ್ಸ್:
ಪಿಯುಸಿಯಲ್ಲಿ ಒಳ್ಳೆ ಮಾರ್ಕ್ಸ್ ಪಡೆದು ಇಸ್ರೊದ ಐಐಎಸ್ಟಿ ಕೋರ್ಸ್ ಮಾಡಿ.
ಬೇರೆ ಆಯ್ಕೆ ಏನಿದೆ?:
ಬಿಟೆಕ್/ಎಂಟೆಕ್/ಪಿಎಚ್.ಡಿ ಮಾಡಿ ಐಇ್ಕಆ ಪರೀಕ್ಷೆ ಬರೆದು ಇಸ್ರೊಗೆ ಆಯ್ಕೆಯಾಗಿ.
ಇಲ್ಲಿಗೆ ಭೇಟಿ ನೀಡುತ್ತ ಇರಿ: www.isro.gov.in/careers
ದೇಶದ ಹೆಮ್ಮೆಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ‘ಇಸ್ರೊ’ದಲ್ಲಿ ಕೆಲಸ ಪಡೆಯಬೇಕೆಂದು ಕನಸು ಕಾಣುತ್ತಿರುವವರಲ್ಲಿ ನೀವೂ ಒಬ್ಬರಾಗಿರಬಹುದು. ಅಲ್ಲಿ ವಿಜ್ಞಾನಿಯಾಗಬೇಕು, ಜಗತ್ತೇ ನಿಬ್ಬೆರಾಗುವಂತಹ ಮಂಗಳಯಾನದಂತಹ ಯೋಜನೆಗಳಲ್ಲಿ ತಾವು ಪಾಲ್ಗೊಳ್ಳಬೇಕು ಎಂಬ ತುಡಿತ ಬಹಳಷ್ಟು ಯುವಕ-ಯುವತಿಯರಲ್ಲಿ ಇರುತ್ತದೆ. ಕಲ್ಪನಾ ಚಾವ್ಲಾ, ಸುನೀತಾ ವಿಲಿಯಮ್ಸ್ರಂತೆ ಬಾಹ್ಯಾಕಾಶ ಪ್ರಯಾಣ ಮಾಡುವ ಕನಸು ಕಾಣುವವರೂ ಸಾಕಷ್ಟು ಇರಬಹುದು. ವಿಜ್ಞಾನಿಯಾಗದೆ ಇದ್ದರೂ ಪರವಾಗಿಲ್ಲ, ಅಲ್ಲಿ ರಾಕೆಟ್ ನಿರ್ಮಾಣ, ಬಾಹ್ಯಾಕಾಶ ನೌಕೆಗಳ ಅಭಿವೃದ್ಧಿ, ಉಪಗ್ರಹಗಳ ನಿರ್ಮಾಣ ಕಾರ್ಯಗಳಲ್ಲಿ ಎಂಜಿನಿಯರ್ ಆಗಬೇಕು, ಅಸಿಸ್ಟೆಂಟ್ ಎಂಜಿನಿಯರ್ ಆಗಬೇಕು ಅಥವಾ ಟೆಕ್ನಿಷಿಯನ್ ಆಗಬೇಕು ಎಂದು ಬಯಸುವವರಿದ್ದಾರೆ.
‘ಕನಸು ಎನ್ನುವುದು ನಿದ್ದೆ ಮಾಡುವಾಗ ಕಾಣುವಂತದ್ದಲ್ಲ, ಅದು ನಿಮ್ಮನ್ನು ನಿದ್ದೆ ಮಾಡಲು ಬಿಡದಂತೆ ಇರಬೇಕು’ ಎಂದಿದ್ದಾರೆ ಇಸ್ರೊದಲ್ಲಿ ವಿಜ್ಞಾನಿಯಾಗಿದ್ದ, ದೇಶದ 11ನೇ ರಾಷ್ಟ್ರಪತಿಯಾಗಿದ್ದ ದಿ. ಡಾ. ಎ.ಪಿ.ಜೆ. ಅಬ್ದುಲ್ ಕಲಾಂ. ಇಂತಹ ಮಹೋನ್ನತ್ತ ಕನಸು ನಿಮ್ಮಲ್ಲಿ ಇದ್ದರೆ, ಒಂದಿಷ್ಟು ಪರಿಶ್ರಮ, ಶ್ರದ್ಧೆ ಮತ್ತು ಅನ್ವೇಷಣಾ ಮನೋಭಾವ ಇದ್ದವರಿಗೆ ಇಸ್ರೊದಲ್ಲಿ ಅವಕಾಶ ಇದ್ದೇ ಇರುತ್ತದೆ.
ಐಐಎಸ್ಟಿಯಲ್ಲಿ ಕೋರ್ಸ್
ದ್ವಿತೀಯ ಪಿಯುಸಿಯನ್ನು ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಗಣಿತ ವಿಷಯದಲ್ಲಿ ಪೂರ್ಣಗೊಳಿಸಿ. ಜೆಇಇ ಪರೀಕ್ಷೆ ಬರೆಯಿರಿ. ಜೆಇಇ ಮೇನ್ಸ್ ಮತ್ತು ಅಡ್ವಾನ್ಸ್ನಲ್ಲಿ ಉತ್ತಮ ಅಂಕ ಪಡೆಯಿರಿ. ನಂತರ ಐಐಎಸ್ಟಿ ಅಂದರೆ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸ್ಪೇಸ್ ಸೈನ್ಸ್ ಮತ್ತು ಟೆಕ್ನಾಲಜಿ(ಐಐಎಸ್ಟಿ) ಕೋರ್ಸ್ಗಳಿಗೆ ಅರ್ಜಿ ಸಲ್ಲಿಸಿ. ಅಲ್ಲಿ ಒಳ್ಳೆಯ ಅಂಕ ಪಡೆಯಿರಿ. ನಿಮಗೆ ಇಸ್ರೊದಲ್ಲಿ ಕೆಲಸ ಸಿಗುವುದು ಗ್ಯಾರಂಟಿ.
ಇನ್ನಷ್ಟು ವಿಸ್ತರಿಸಿ ಹೇಳಬೇಕೆ? ಐಐಎಸ್ಟಿ ಇರುವುದು ಕೇರಳದ ತಿರುವನಂತಪುರದಲ್ಲಿ. ಇದು ಐಸ್ಯಾಟ್(ಐಎಸ್ಎಟಿ) ಪರೀಕ್ಷೆ ನಡೆಸುತ್ತದೆ. ಇಲ್ಲಿ ಜೆಇಇಯಲ್ಲಿ ಉತ್ತಮ ಅಂಕ ಪಡೆದವರಿಗೆ ಸದಾ ಸ್ವಾಗತ ಇರುತ್ತದೆ. ಇಲ್ಲಿ ಏರೋಸ್ಪೇಸ್ ಎಂಜಿನಿಯರಿಂಗ್, ಏವಿಯೊನಿಕ್ಸ್ ಎಂಜಿನಿಯರಿಂಗ್ ಮತ್ತು ಫಿಸಿಕಲ್ ಸೈನ್ಸ್ನಲ್ಲಿ ಬಿಟೆಕ್ ಪದವಿ ದೊರಕುತ್ತದೆ. ಬಿಟೆಕ್ ಮತ್ತು ಎಂಎಸ್ಸಿ/ಎಂಟೆಕ್ ಎಂಬ ಐದು ವರ್ಷದ ಡಬಲ್ ಡಿಗ್ರಿ ಪಡೆಯಲೂ ಅವಕಾಶವಿದೆ. ಎಸ್ಸಿಗೆ ಶೇಕಡ 15, ಎಸ್ಟಿಗೆ ಶೇ. 7.5 ಸೀಟು ಮತ್ತು ಒಬಿಸಿಗೆ ಶೇಕಡ 27ರಷ್ಟು ಸೀಟುಗಳನ್ನು ಮೀಸಲಿರಿಸಲಾಗಿದೆ.
ನಿಮಗೆ ಇನ್ನಷ್ಟು ವಿಷಯ ಹೇಳಬೇಕು. ಇಲ್ಲಿ ಎಲ್ಲವೂ ಉಚಿತ. ಟ್ಯೂಷನ್ ಫೀಸ್ ಇಲ್ಲ. ಹಾಸ್ಟೇಲ್ ಫೀಸ್ ಇಲ್ಲವೇ ಇಲ್ಲ. ಮೆಸ್ ಅಂತೂ ಸಂಪೂರ್ಣ ಉಚಿತ. ಪುಸ್ತಕ ಖರೀದಿಸೋಕೆ ಅಂತ ಈ ಸಂಸ್ಥೆಯೇ ನಿಮಗೆ ತಿಂಗಳಿಗೆ 3 ಸಾವಿರ ರೂಪಾಯಿ ಕೊಡುತ್ತದೆ. ನಿಮ್ಮೆಲ್ಲ ಖರ್ಚುವೆಚ್ಚವನ್ನು ಇಸ್ರೊ/ಡಿಒಎಸ್ ನೋಡಿಕೊಳ್ಳುತ್ತದೆ. ಹಾಗಾದರೆ, ಏನು ಕೊಡಬೇಕು ಎನ್ನುವಿರಾ? ಪ್ರತಿ ಸೆಮಿಸ್ಟರ್ನಲ್ಲೂ ಐಐಎಸ್ಟಿ ನಿಗದಿಪಡಿಸಿದಷ್ಟು ಅಂಕವನ್ನು ನೀವು ಪಡೆಯಲೇಬೇಕು. ಅಷ್ಟು ಅಂಕ ದೊರಕದೆ ಇದ್ದರೆ ನಿಮಗೆ ಮುಂದಿನ ಸೆಮಿಸ್ಟರ್ಗೆ ಸ್ಕಾಲರ್ಷಿಪ್ ದೊರಕುವುದಿಲ್ಲ. ನಿಮ್ಮ ಶುಲ್ಕವನ್ನು ನೀವೇ ತುಂಬಬೇಕಾಗುತ್ತದೆ. ಉಚಿತದೊಂದಿಗೆ ಇನ್ನೊಂದು ನಿಬಂದನೆಯೂ ಇದೆ. ನೀವು ಇಂತಿಷ್ಟು ವರ್ಷ ಇಸ್ರೊದಲ್ಲಿ ಕೆಲಸ ಮಾಡಬೇಕೆಂಬ ನಿಯಮವಿದೆ. ಎಲ್ಲಾದರೂ ಅಮೆರಿಕದ ನಾಸಾದಲ್ಲಿ ಕೆಲಸ ಸಿಗ್ತು ಅಂತ ಇಸ್ರೊದಲ್ಲಿ ಕೆಲಸ ಮಾಡದೆ ಹೋದರೆ ನೀವು ದಂಡ (10 ಲಕ್ಷಕ್ಕಿಂತ ಹೆಚ್ಚು ಇರಬಹುದು) ಪಾವತಿಸಬೇಕಾಗುತ್ತದೆ. ಬಿಟೆಕ್ ಪೂರ್ಣಗೊಂಡ ನಂತರ ಇಸ್ರೊದ ವಿವಿಧ ಕೇಂದ್ರಗಳಲ್ಲಿ ಕೆಲಸ ಮಾಡುವ ಅವಕಾಶ ದೊರಕುತ್ತದೆ. ನಿಮ್ಮ ಮೆರಿಟ್ ಉತ್ತಮವಾಗಿದ್ದಾರೆ ಬೆಂಗಳೂರಿನಲ್ಲಿಯೂ ಕೆಲಸ ಪಡೆಯಬಹುದಾಗಿದೆ. ಹೆಚ್ಚಿನ ಮಾಹಿತಿಗೆ www.iist.ac.in
ಐಸಿಆರ್ಬಿ ಪರೀಕ್ಷೆ
ಐಐಎಸ್ಟಿಯಲ್ಲಿ ಕಲಿತರೆ ಮಾತ್ರ ಇಸ್ರೋದಲ್ಲಿ ಕೆಲಸ ಪಡೆಯಲು ಸಾಧ್ಯವಿರುವುದೇ? ಬೇರೆ ಯಾವ ಆಯ್ಕೆ ಇಲ್ಲವೇ ಎಂಬ ಪ್ರಶ್ನೆ ನಿಮ್ಮಲ್ಲಿ ಇರಬಹುದು. ಹಾಗೇನಿಲ್ಲ, ದೇಶದ ಯಾವುದೇ ಅಂಗೀಕೃತ ಶಿಕ್ಷಣ ಸಂಸ್ಥೆಯಲ್ಲಿ ನೀವು ಬಿಟೆಕ್/ಎಂಟೆಕ್/ಪಿಎಚ್.ಡಿ ಪಡೆದರೂ ಇಸ್ರೊದಲ್ಲಿ ಜಾಬ್ ಗಿಟ್ಟಿಸಿಕೊಳ್ಳಬಹುದು. ಅದಕ್ಕಾಗಿ ನೀವು ಐಸಿಆರ್ಬಿ ಪರೀಕ್ಷೆ ಬರೆಯಬೇಕು. ಇದು ಇಸ್ರೊದ ಸೆಂಟ್ರಲೈಸ್ಡ್ ರಿಕ್ರೂಟ್ಮೆಂಟ್ ಬೋರ್ಡ್. ಪ್ರತಿವರ್ಷ ಇದರ ಮೂಲಕ ಉದ್ಯೋಗಿಗಳನ್ನು ನೇಮಕ ಮಾಡಿಕೊಳ್ಳುತ್ತಿದೆ. ಇದು ಆಗಾಗ ವಿವಿಧ ಹುದ್ದೆಗಳಿಗೆ ಪರೀಕ್ಷೆ ನಡೆಸುತ್ತ ಇರುತ್ತದೆ. ಲಿಖಿತ ಪರೀಕ್ಷೆ ಮತ್ತು ಸಂದರ್ಶನವನ್ನು ಉತ್ತಮವಾಗಿ ಮಾಡಿದರೆ ಇಸ್ರೊದಲ್ಲಿ ಕೆಲಸ ಪಡೆಯಬಹುದು.
ಇಲ್ಲಿ ಓದಬಹುದು
* ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್, ಬೆಂಗಳೂರು
* ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸ್ಪೇಸ್ ಸೈನ್ಸ್ ಮತ್ತು ಟೆಕ್ನಾಲಜಿ (ಐಐಎಸ್ಟಿ), ತಿರುವನಂತಪುರ.
* ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ರಿಮೋಟ್ ಸೆನ್ಸಿಂಗ್(ಐಐಆರ್ಎಸ್) ದೆಹ್ರಡೂನ್.
* ಬಿರ್ಲಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಮೆಸ್ರಾ, ರಾಂಚಿ
* ದೇಶದ ವಿವಿಧ ಐಐಟಿಗಳಲ್ಲಿ ಪಡೆದ ಶಿಕ್ಷಣವೂ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಕೆಲಸ ಪಡೆಯಲು ನೆರವಾಗುತ್ತದೆ.
ಏನ್ ಕೆಲಸ ಇದೆ?:
ವಿಜ್ಞಾನಿ, ಗಗನಯಾನಿ, ಟೆಕ್ನಿಷಿಯನ್, ಅಸಿಸ್ಟೆಂಟ್, ಎಂಜಿನಿಯರ್, ಜೂನಿಯರ್ ಎಂಜಿನಿಯರ್ ಇತ್ಯಾದಿ.
ಸಂಪೂರ್ಣ ಉಚಿತ ಕೋರ್ಸ್:
ಪಿಯುಸಿಯಲ್ಲಿ ಒಳ್ಳೆ ಮಾರ್ಕ್ಸ್ ಪಡೆದು ಇಸ್ರೊದ ಐಐಎಸ್ಟಿ ಕೋರ್ಸ್ ಮಾಡಿ.
ಬೇರೆ ಆಯ್ಕೆ ಏನಿದೆ?:
ಬಿಟೆಕ್/ಎಂಟೆಕ್/ಪಿಎಚ್.ಡಿ ಮಾಡಿ ಐಇ್ಕಆ ಪರೀಕ್ಷೆ ಬರೆದು ಇಸ್ರೊಗೆ ಆಯ್ಕೆಯಾಗಿ.
ಇಲ್ಲಿಗೆ ಭೇಟಿ ನೀಡುತ್ತ ಇರಿ: www.isro.gov.in/careers