ಇಂದ್‌ಬ್ಯಾಂಕ್‌, ಸೆಂಟ್ರಲ್‌ ಬ್ಯಾಂಕ್‌ ಮತ್ತು ಆಂಧ್ರಬ್ಯಾಂಕ್‌ಗಳಲ್ಲಿ ನೇಮಕಾತಿ
ಚೆನ್ನೈಯಲ್ಲಿ ಪ್ರಧಾನ ಕಚೇರಿ ಹೊಂದಿರುವ ಇಂದ್‌ಬ್ಯಾಂಕ್‌ ಸೆಕ್ರೇಟರಿಯಲ್‌ ಆಫೀಸರ್‌ ಮತ್ತು ಡೀಲರ್‌ ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ.
ಸಿಸ್ಟಂ ಮತ್ತು ನೆಟ್‌ವರ್ಕಿಂಗ್‌ ವಿಭಾಗದಲ್ಲಿ 1 ಸೆಕ್ರೇಟರಿಯಲ್‌ ಆಫೀಸರ್‌ ಮತ್ತು ಸ್ಟೋಕ್‌ ಬ್ರೋಕಿಂಗ್‌ ವಿಭಾಗದಲ್ಲಿ 11 ಡೀಲರ್‌ ಹುದ್ದೆಗಳು ಖಾಲಿ ಇವೆ.
ಕಂಪ್ಯೂಟರ್‌ ಸೈನ್ಸ್‌/ಕಂಪ್ಯೂಟರ್‌ ಅಪ್ಲಿಕೇಶನ್‌/ಇನ್‌ಫಾರ್ಮೇಶನ್‌ ಟೆಕ್ನಾಲಜಿ/ಎಲೆಕ್ಟ್ರಾನಿಕ್ಸ್‌ ಆ್ಯಂಡ್‌ ಕಮ್ಯುನಿಕೇಷನ್‌ ಅಥವಾ ಎಲೆಕ್ಟ್ರಾನಿಕ್ಸ್‌ ಆ್ಯಂಡ್‌ ಇನ್‌ಸ್ಟ್ರುಮೆಂಟೇಶನ್‌ ವಿಭಾಗದಲ್ಲಿ ಪದವಿ ಓದಿರುವವರು ಸೆಕ್ರೇಟರಿಯಲ್‌ ಆಫೀಸರ್‌ ಹುದ್ದೆಗೂ ಮತ್ತು ಇದೇ ವಿಷಯಗಳಲ್ಲಿ ಸ್ನಾತಕೋತ್ತರ ಪದವಿ ಓದಿದವರೂ ಅರ್ಜಿ ಸಲ್ಲಿಸುವ ಅವಕಾಶವಿದೆ.
ಸೆಕ್ರೇಟರಿಯಲ್‌ ಆಫೀಸರ್‌ ಆಕಾಂಕ್ಷಿಗಳು ಕನಿಷ್ಠ ಒಂದು ವರ್ಷ ಸಿಸ್ಟಂ ಆಪರೇಷನ್‌ಗೆ ಸಂಬಂಧಿಸಿದಂತೆ ಕೆಲಸ ಮಾಡಿದ ಅನುಭವ ಹೊಂದಿರಬೇಕು. ಡೀಲರ್‌ ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಪದವೀಧರರಾಗಿರಬೇಕು ಮತ್ತು ಕನಿಷ್ಠ ಒಂದು ವರ್ಷದ ಸೇವಾನುಭವ ಹೊಂದಿರಬೇಕು. ಅಭ್ಯರ್ಥಿಗಳ ವಯೋಮಿತಿ 21ರಿಂದ 30 ವರ್ಷ.
ಆಸಕ್ತ ಅಭ್ಯರ್ಥಿಗಳು ಮಾರ್ಚ್‌ 31ರೊಳಗೆ ಅರ್ಜಿಯನ್ನು ಇ-ಮೇಲ್‌ ಮಾಡಬೇಕಾದ ವಿಳಾಸ: ್ಟ recruitment@indbankonline.
com. ಹೆಚ್ಚಿನ ಮಾಹಿತಿಗೆ:http://corporate.indbankonline.com*ಸೆಂಟ್ರಲ್‌ ಬ್ಯಾಂಕ್‌ ಆಫ್‌ ಇಂಡಿಯಾದಲ್ಲಿ ಇನ್‌ಚಾರ್ಜ್‌ ಹುದ್ದೆ ಖಾಲಿ ಇದೆ. ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಲು ಮಾರ್ಚ್‌ 24 ಕೊನೆಯ ದಿನ. ಪದವಿ ಅಥವಾ ಸ್ನಾತಕೋತ್ತರ ವಿದ್ಯಾರ್ಹತೆ ಇರುವ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಅರ್ಜಿ ಸಲ್ಲಿಸುವವರು ಆಫೀಸರ್‌ ಕೇಡರ್‌ನಲ್ಲಿ ಕನಿಷ್ಠ 15 ವರ್ಷ ಕೆಲಸ ಮಾಡಿದ ಅನುಭವ ಹೊಂದಿರಬೇಕು. ವಿವರಗಳಿಗೆ: www.centralbankofindia.co.in
*ಕರ್ನಾಟಕ ಸೇರಿದಂತೆ ವಿವಿಧೆಡೆ ಶಾಖೆಗಳನ್ನು ಹೊಂದಿರುವ ಆಂಧ್ರಬ್ಯಾಂಕ್‌ ಸಬ್‌ ಸ್ಟಾಫ್‌ ಮತ್ತು ಪಾರ್ಟ್‌ಟೈಮ್‌ ಸ್ವೀಪರ್‌ಗಳನ್ನು ನೇಮಕ ಮಾಡಿಕೊಳ್ಳುತ್ತಿದೆ. 27 ಸಬ್‌ ಸ್ಟಾಫ್‌ ಹುದ್ದೆಗಳು ಮತ್ತು 12 ಪಾರ್ಟ್‌ ಟೈಮ್‌ ಸ್ವೀಪರ್‌ ಹುದ್ದೆಗಳು ಖಾಲಿ ಇದ್ದು, ಎಸ್‌ಎಸ್‌ಎಲ್‌ಸಿ ಓದಿರುವವರು ಅರ್ಜಿ ಸಲ್ಲಿಸಬಹುದು. ಮಾರ್ಚ್‌ 31 ಅರ್ಜಿ ಸಲ್ಲಿಸಲು ಕೊನೆಯ ದಿನ. ವಿವರಗಳಿಗೆ: www.andhrabank.in