ನೌಕಾಪಡೆಯಿಂದ ಆಫೀಸರ್ ಕೋರ್ಸ್
2018ರ ಜನವರಿಯಿಂದ ಕೋರ್ಸ್ ಆರಂಭ/ ಅವಿವಾಹಿತ ಪುರುಷರು ಮಾತ್ರ ಅರ್ಜಿ ಸಲ್ಲಿಸಲು ಅರ್ಹರು
ಭಾರತೀಯ ನೌಕಾಪಡೆಯು 2018ರ ಜನವರಿಯಿಂದ ಆರಂಭವಾಗಲಿರುವ ಆಫೀಸರ್ ಕೋರ್ಸ್ಗೆ ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಿದೆ. ಶಾರ್ಟ್ ಸವೀರ್ಸ್ ಕಮೀಷನ್ಡ್ ನಡಿಯಲ್ಲಿ ಆರಂಭವಾಗಲಿರುವ ಈ ಕೋರ್ಸ್ಗೆ ಅವಿವಾಹಿತ ಪುರುಷ ಅಭ್ಯರ್ಥಿಗಳು ಮಾತ್ರ ಅರ್ಜಿ ಸಲ್ಲಿಸಬಹುದಾಗಿದೆ. ಟೆಕ್ನಿಕಲ್ ಬ್ರಾಂಚ್
(ಜನರಲ್ ಸವೀರ್ಸ್) ಮತ್ತು ಎಗ್ಸಿಕ್ಯುಟಿವ್ ಬ್ರಾಂಚ್ಗೆ (ಜನರಲ್ ಸವೀರ್ಸ್/ಹೈಡ್ರೊ ಕೇಡ್ರೆ) ಆಫೀಸರ್ಗಳನ್ನು ಭರ್ತಿ ಮಾಡಲು ಈ ಕೋರ್ಸ್ ನಡೆಸಲಾಗುತ್ತದೆ.
ಅರ್ಹತೆಗಳೇನು?
ಎಗ್ಸಿಕ್ಯುಟಿವ್ (ಜನರಲ್ ಸವೀರ್ಸ್/ಹೈಡ್ರೋ ಕೇಡ್ರೆ): ಈ ವಿಭಾಗದಲ್ಲಿ ಆಫೀಸರ್ ಆಗಲು ಬಿಇ ಅಥವಾ ಬಿಟೆಕ್ನಲ್ಲಿ ಶೇ.60 ಅಂಕಗಳೊಂದಿಗೆ ತೇರ್ಗಡೆಯಾಗಿರಬೇಕು
ಟೆಕ್ನಿಕಲ್ ಬ್ರಾಂಚ್
ಎ) ಎಂಜಿನಿಯರಿಂಗ್ ಬ್ರಾಂಚ್ (ಜನರಲ್ ಸವೀರ್ಸ್): ಮೆಕ್ಯಾನಿಕಲ್/ಮರೈನ್/ಆಟೋಮೋಟಿವ್/ಮೆಕ್ಟ್ರಾನಿಕ್ಸ್/ಇಂಡಸ್ಟ್ರೀಯಲ್ ಆ್ಯಂಡ್ ಪ್ರಾಡಕ್ಷನ್/ಮೆಟಲರ್ಜಿ/ಏರೋನಾಟಿಕಲ್/ಏರೋಸ್ಪೇಸ್ ವಿಷಯದಲ್ಲಿ ಎಂಜಿನಿಯರಿಂಗ್ ಅಥವಾ ಮರೈನ್ ಎಂಜಿನಿಯರಿಂಗ್ನಲ್ಲಿ ಬಿಎಸ್ ವಿದ್ಯಾರ್ಹತೆ ಹೊಂದಿದ್ದ ಆಸಕ್ತರೂ ಅರ್ಜಿ ಸಲ್ಲಿಸಬಹುದು.
ಬಿ) ಎಲೆಕ್ಟ್ರಿಕಲ್ ಬ್ರಾಂಚ್ (ಜನರಲ್ ಸವೀರ್ಸ್):
ಎಲೆಕ್ಟ್ರಿಕಲ್/ಎಲೆಕ್ಟ್ರಾನಿಕ್ಸ್/ಟೆಲಿ ಕಮ್ಯುನಿಕೇಷನ್/ಇನ್ಸ್ಟ್ರುಮೆಂಟೇಶನ್/ ಇನ್ಸ್ಟ್ರುಮೆಂಟೇಶನ್ ಆ್ಯಂಡ್ ಕಂಟ್ರೋಲ್ ಎಂಜಿನಿಯರಿಂಗ್/ಎಲೆಕ್ಟ್ರಾನಿಕ್ಸ್ ಆ್ಯಂಡ್ ಇನ್ಸ್ಟ್ರುಮೆಂಟೇಶನ್/ ಎಲೆಕ್ಟ್ರಾನಿಕ್ಸ್ ಆ್ಯಂಡ್ ಕಮ್ಯುನಿಕೇಶನ್/ಪವರ್ /ಪವರ್ ಎಲೆಕ್ಟ್ರಾನಿಕ್ಸ್ ಅಥವಾ ಕಂಟ್ರೋಲ್ ಸಿಸ್ಟಂ ವಿಷಯದಲ್ಲಿ ಎಂಜಿನಿಯರಿಂಗ್ ಪದವಿ ಪಡೆದವರು ಈ ಬ್ರಾಂಚ್ನಲ್ಲಿ ಕೋರ್ಸ್ ಪಡೆದು ಆಫೀಸರ್ಗಳಾಗಬಹುದು.
ವಯೋಮಿತಿ: ಅಭ್ಯರ್ಥಿಗಳು 1993ರ ಜನವರಿ 2 ಮತ್ತು 1998ರ ಜುಲೈ 1ರ ನಡುವೆ ಜನಿಸಿದವರಾಗಿರಬೇಕು. ಎತ್ತರ: ಅಭ್ಯರ್ಥಿಗಳ ಎತ್ತರ 157 ಸೆಂ.ಮೀ. ಮತ್ತು ಎತ್ತರಕ್ಕೆ ತೂಕ.
ಹೇಗೆ ನೇಮಕ?
ಅರ್ಜಿ ಸಲ್ಲಿಸಿರುವ ಅಭ್ಯರ್ಥಿಗಳ ಪೈಕಿ ಆಯ್ದ ಅಭ್ಯರ್ಥಿಗಳಿಗೆ ಎಸ್ಎಸ್ಬಿ (ಸವೀರ್ಸ್ ಸೆಲೆಕ್ಷನ್ ಬೋರ್ಡ್) ಸಂದರ್ಶನಕ್ಕೆ ಆಹ್ವಾನಿಸುತ್ತದೆ. ಎಸ್ಎಸ್ಬಿ ನಡೆಸುವ ವಿವಿಧ ಹಂತಗಳ ಸಂದರ್ಶನದಲ್ಲಿ ತೇರ್ಗಡೆಯಾದವರು ಮಾತ್ರ 2018ರ ಜನವರಿಯಿಂದ ಕೇರಳದ ನೇವಲ್ ಅಕಾಡೆಮಿಯಲ್ಲಿ ಆರಂಭವಾಗಲಿರುವ ಕೋರ್ಸ್ಗಳಿಗೆ ಆಯ್ಕೆಯಾಗುತ್ತಾರೆ. ಕೋರ್ಸ್ ಮುಗಿದ ಬಳಿಕ ನೌಕಾಪಡೆಯ ವಿವಿಧ ವಿಭಾಗಗಳಿಗೆ ಆಫೀಸರ್ಗಳಾಗಿ ನೇಮಕ ಮಾಡಲಾಗುತ್ತದೆ.
ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಿದ ಬಳಿಕ ಎಲ್ಲಾ ದಾಖಲೆಗಳ ಸಹಿತ ಒಂದು ಅಪ್ಲಿಕೇಶನ್ ಫಾರಂನ್ನು ಆರ್ಡಿನರಿ ಅಂಚೆ ಮೂಲಕ ಈ ವಿಳಾಸಕ್ಕೆ ಕಳುಹಿಸಿ: ಪೋಸ್ಟ್ ಬಾಕ್ಸ್ ನಂ.04, ಚಾಂಕ್ಯಪುರಿ ಪೋಸ್ಟ್, ದೆಹಲಿ-110021.
ಕ್ವಿಕ್ ಲುಕ್
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 2017ರ ಫೆಬ್ರವರಿ 17
ಎಸ್ಎಸ್ಬಿ ಸಂದರ್ಶನ: 2017ರ ಮೇ ಮತ್ತು ಜುಲೈ
ರಾಜ್ಯದಲ್ಲಿ ಸಂದರ್ಶನ ನಡೆಯುವುದು: ಬೆಂಗಳೂರು
ಕೋರ್ಸ್ ನಡೆಯುವುದು: ಕೇರಳದ ಎಝಿಮಲಾ ನಾವಲ್ ಅಕಾಡೆಮಿಯಲ್ಲಿ
ಹೆಚ್ಚಿನ ಮಾಹಿತಿಗಳನ್ನು ಪಡೆಯಲು ವೆಬ್: joinindianarmy.nic.in
*******
UCIL ನಲ್ಲಿ ನೇಮಕ
-ಖಾಲಿ ಹುದ್ದೆಗಳು 17
-ಮಾರ್ಚ್ 24ರೊಳಗೆ ಅರ್ಜಿ ಸಲ್ಲಿಸಿ
-ಅರ್ಜಿ ಶುಲ್ಕ: 50 ರೂ. (ಒಬಿಸಿ ಮತ್ತು ಸಾಮಾನ್ಯ)
-ವಿವರಗಳಿಗೆ: www.uraniumcorp.in
ಯುರೇನಿಯಂ ಕಾರ್ಪೋರೇಷನ್ ಆಫ್ ಇಂಡಿಯಾ ಮ್ಯಾನೇಜರ್, ಅಸಿಸ್ಟೆಂಟ್ ಮ್ಯಾನೇಜರ್, ಮ್ಯಾನೇಜ್ಮೆಂಟ್ ಟ್ರೈನಿ ಸೇರಿದಂತೆ ಒಟ್ಟು 17 ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ. ಅರ್ಜಿ ಸಲ್ಲಿಸಲು ಮಾರ್ಚ್ 24 ಕೊನೆಯ ದಿನ.
ಹುದ್ದೆಗಳ ವಿವರ
ಚೀಫ್ ಮ್ಯಾನೇಜರ್, ಮ್ಯಾನೇಜರ್, ಅಸಿಸ್ಟೆಂಟ್ ಮ್ಯಾನೇಜರ್ (ಅಕೌಂಟ್ಸ್): ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಸಿಎ ವಿದ್ಯಾರ್ಹತೆ ಹೊಂದಿರಬೇಕು. ಅಂತೆಯೇ ಚೀಫ್ ಮ್ಯಾನೇಜರ್ ಆಗಲು ಅಕೌಂಟ್ಸ್ ವಿಭಾಗದಲ್ಲಿ ಕನಿಷ್ಠ 15 ವರ್ಷ ಮತ್ತು ಮ್ಯಾನೇಜರ್ ಆಗಲು 12 ವರ್ಷ ಕೆಲಸ ಮಾಡಿದ ಅನುಭವ ಹೊಂದಿರಬೇಕು. ಅಂತೆಯೇ ಅಸಿಸ್ಟೆಂಟ್ ಮ್ಯಾನೇಜರ್ ಹುದ್ದೆಗೆ ಎರಡು ವರ್ಷದ ಸೇವಾನುಭವ ಹೊಂದಿರಬೇಕು. ಅಂತೆಯೇ ಮೆಡಿಕಲ್ ವಿಭಾಗದಲ್ಲಿ ಖಾಲಿ ಇರುವ ಅಸಿಸ್ಟೆಂಟ್ ಮ್ಯಾನೇಜರ್ ಹುದ್ದೆಗೆ ಅರ್ಜಿ ಸಲ್ಲಿಸಬೇಕಾದರೆ ಎಂಬಿಬಿಎಸ್ ಓದಿರಬೇಕು.
ಚೀಫ್ ಸೂಪರಿಂಟೆಂಡೆಂಟ್, ಅಡಿಷನಲ್ ಕಂಟ್ರೋಲರ್ ಆಫ್ ಸ್ಟೋರ್ಸ್ ಮತ್ತು ಡೆಪ್ಯುಟಿ ಕಂಟ್ರೋಲರ್ ಆಫ್ ಸ್ಟೋರ್ಸ್: ಎಲೆಕ್ಟ್ರಿಕಲ್ ವಿಷಯದಲ್ಲಿ ಎಂಜಿನಿಯರಿಂಗ್ ಪದವಿ ಓದಿದವರು ಚೀಫ್ ಸೂಪರಿಂಟೆಂಡೆಂಟ್ ಹುದ್ದೆಗೆ ಅರ್ಜಿ ಸಲ್ಲಿಸಬಹುದು. ಅಂತೆಯೇ ಇನ್ನುಳಿದ ಎರಡು ಹುದ್ದೆಗಳಿಗಾದರೆ ಎಂಜಿನಿಯರಿಂಗ್ ಪದವಿ ಜೊತೆಗೆ ಮೆಟೀರಿಯಲ್ ಮ್ಯಾನೇಜ್ಮೆಂಟ್ನಲ್ಲಿ ಡಿಪ್ಲೊಮಾ ಕೋರ್ಸ್ ಪೂರ್ಣಗೊಳಿಸಿರಬೇಕು.
ಅಸಿಸ್ಟೆಂಟ್ ಸೆಕ್ಯೂರಿಟಿ ಆಫೀಸರ್, ಮ್ಯಾನೇಜ್ಮೆಂಟ್ ಟ್ರೈನಿ (ಪರ್ಸನಲ್/ಅಕೌಂಟ್/ಎನ್ವಿರಾನ್ಮೆಂಟಲ್ ಎಂಜಿನಿಯರಿಂಗ್/ಕಂಟ್ರೋಲ್ ರಿಸರ್ಚ್ ಆ್ಯಂಡ್ ಡೆವಲಪ್ಮೆಂಟ್): ಪದವೀಧರರು ಅಸಿಸ್ಟೆಂಟ್ ಸೆಕ್ಯೂರಿಟಿಗಳಾಗಬಹುದು. ಮ್ಯಾನೇಜ್ಮೆಂಟ್ ಟ್ರೈನಿ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವವರು ಎಂಎಸ್ಸಿ. ಸಿಎ ಅಥವಾ ಎಂಜಿನಿಯರಿಂಗ್ ಪದವಿ ಓದಿರಬೇಕು.
ಫೈರ್ ಆಫೀಸರ್: ಫೈರ್ ಸೇಫ್ಟಿಯಲ್ಲಿ ಡಿಪ್ಲೊಮಾ ಮತ್ತು ಎರಡು ವರ್ಷದ ಸೇವಾನುಭವ ಇರುವ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು.
ಅರ್ಜಿ ತಲುಪಿಸಬೇಕಾದ ವಿಳಾಸ: Manager (Personnel)
Uranium Corporation of IndiaLimited, (A Government
of India Enterprise)
P.O. Jaduguda Mines,
Distt.- Singhbhum East,
JHARKHAND-832102.
***
ಐಒಸಿಎಲ್ನಲ್ಲಿ ಅಪ್ರೆಂಟಿಸ್ಶಿಪ್
ಟ್ರೇಡ್ ಮತ್ತು ಟೆಕ್ನಿಷಿಯನ್ ವಿಭಾಗದಲ್ಲಿ ಉದ್ಯೋಗ ತರಬೇತಿ
*ಖಾಲಿ ಹುದ್ದೆಗಳು 84
-ಅರ್ಜಿ ಸಲ್ಲಸಲು ಫೆ.26 ಕೊನೆಯ ದಿನ
-ಡಿಪ್ಲೊಮಾ, ಬಿಎಸ್ಸಿ ಓದಿದವರಿಗೆ ಅವಕಾಶ
-ಮಾರ್ಚ್ 19ರಂದು ಲಿಖಿತ ಪರೀಕ್ಷೆ
-ವಿವರಗಳಿಗೆ ವೆಬ್: www.iocl.com
ಇಂಡಿಯನ್ ಆಯಿಲ್ ಕಾರ್ಪೋರೇಷನ್ ಲಿಮಿಟೆಡ್ (ಐಒಸಿಎಲ್) ಟ್ರೇಡ್ ಮತ್ತು ಟೆಕ್ನಿಷಿಯನ್ ಅಪ್ರೆಂಟಿಸ್ಶಿಪ್ ನೀಡಲು ಮುಂದಾಗಿದೆ. ಐಒಸಿಎಲ್ನ ಪಾಣಿಪತ್ ಘಟಕದಲ್ಲಿ ಅಪ್ರೆಂಟಿಸ್ಶಿಪ್ ನೀಡಲಾಗುತ್ತದೆ. ಒಟ್ಟು 84 ಅಭ್ಯರ್ಥಿಗಳು ಅವಕಾಶ ನೀಡಲಾಗುತ್ತದೆ. ಫೆಬ್ರವರಿ 26 ಅರ್ಜಿ ಸಲ್ಲಿಸಲು ಕೊನೆಯ ದಿನವಾಗಿದೆ. ಅರ್ಹ ಅಭ್ಯರ್ಥಿಗಳಿಗೆ ಮಾರ್ಚ್ 19ರಂದು ಲಿಖಿತ ಪರೀಕ್ಷೆ ನಡೆಯಲಿದೆ.
ವಿವರ
ಟ್ರೇಡ್: ಕೆಮಿಕಲ್ ವಿಭಾಗದಲ್ಲಿ ಟ್ರೇಡ್ ಅಪ್ರೆಂಟಿಸ್ಶಿಪ್ ಪಡೆಯಲು ಇಚ್ಛಿಸುವ ಅಭ್ಯರ್ಥಿಗಳು ಬಿಎಸ್ಸಿ ವಿದ್ಯಾರ್ಹತೆ ಹೊಂದಿರಬೇಕು. ಮೆಕ್ಯಾನಿಕಲ್ ವಿಭಾಗದಲ್ಲಿ ಅವಕಾಶ ಪಡೆಯಲಿಚ್ಚಿಸುವ ಅಭ್ಯರ್ಥಿಗಳು ಎಸ್ಎಸ್ಎಲ್ಸಿ ನಂತರ ಫಿಟ್ಟರ್ ವಿಭಾಗದಲ್ಲಿ ಎರಡು ವರ್ಷದ ಐಟಿಐ ಕೋರ್ಸ್ ಪೂರ್ಣಗೊಳಿಸಿರಬೇಕು.
ಟೆಕ್ನಿಷಿಯನ್: ಮೆಕ್ಯಾನಿಕಲ್, ಎಲೆಕ್ಟ್ರಿಕಲ್ ಮತ್ತು ಇನ್ಸ್ಟ್ರುಮೆಂಟೇಶನ್ ವಿಭಾಗದಲ್ಲಿ ಟೆಕ್ನಿಷಿಯನ್ ಅಪ್ರೆಂಟಿಸ್ಶಿಪ್ ಪಡೆಯಬಹುದಾಗಿದೆ. ಆಯಾ ವಿಭಾಗಗಳಿಗೆ ಸಂಬಂಧಪಟ್ಟಂತೆ ಡಿಪ್ಲೊಮಾ ಕೋರ್ಸ್ ಪೂರ್ಣಗೊಳಿಸಿದವರು ಟೆಕ್ನಿಷಿಯನ್ ಅಪ್ರೆಂಟಿಸ್ಶಿಪ್ ಪಡೆಯಲು ಅರ್ಹರಾಗಿರುತ್ತಾರೆ.
***
ಡಿಫೆನ್ಸ್ ಅಕಾಡೆಮಿಯಲ್ಲಿ ಕೆಲಸ
ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿ (ಎನ್ಡಿಎ) ಗ್ರೂಪ್ ಸಿ ಹುದ್ದೆಗಳನ್ನು ಭರ್ತಿ ಮಾಡಲು ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಿದೆ.
ಅರ್ಹತೆಗಳೇನು?
ದ್ವಿತೀಯ ಪಿಯುಸಿ ಜೊತೆಗೆ ಟೈಪಿಂಗ್ ಜ್ಞಾನ ಇದ್ದವರು ಎಲ್ಡಿಸಿ ಹುದ್ದೆಗೆ ಅರ್ಜಿ ಸಲ್ಲಿಸಬಹುದು. ಅಂತೆಯೇ ಪಿಯುಸಿ ಜೊತೆಗೆ ಐಟಿಐ ಕೋರ್ಸ್ ಪೂರ್ಣಗೊಳಿಸಿರುವ ಅಭ್ಯರ್ಥಿಗಳನ್ನು ಕುಕ್, ಪೇಂಟರ್, ಟೆಕ್ನಿಕಲ್ ಅಟೆಂಡೆಂಟ್ಗಳನ್ನಾಗಿ ನೇಮಕ ಮಾಡಿಕೊಳ್ಳಲಾಗುತ್ತದೆ. ಮಲ್ಟಿ ಟಾಸ್ಕಿಂಗ್ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವವರು ಎಸ್ಎಸ್ಎಲ್ಸಿ ತೇರ್ಗಡೆಯಾಗಿರಬೇಕು.
ಇನ್ನು ಸ್ಟಟಿಸ್ಟಿಕಲ್ ಅಸಿಸ್ಟೆಂಟ್ಗಳಾಗಲು ಬಿಇ/ಬಿಎಸ್ಸಿ (ಮ್ಯಾಥಮೆಟಿಕ್ಸ್ ಮತ್ತು ಸ್ಟಟಿಸ್ಟಿಕ್ಸ್) ವಿದ್ಯಾರ್ಹತೆ ಹೊಂದಿರಬೇಕು. ಗ್ರೌಂಡ್ ಸೂಪರಿಂಟೆಂಡೆಂಟ್ಗಳಾಗಲು ಕೃಷಿಯಲ್ಲಿ ಬಿಎಸ್ಸಿ ಪದವೀಧರರಾಗಿರಬೇಕು. ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳ ವಯೋಮಿತಿ 18ರಿಂದ 25 ವರ್ಷ.
ಲಿಖಿತ ಪರೀಕ್ಷೆ ಮತ್ತು ಕೌಶಲ ಪರೀಕ್ಷೆಯ ಮೂಲಕ ಅಭ್ಯರ್ಥಿಗಳ ಆಯ್ಕೆ ನಡೆಯಲಿದ್ದು, ಫೆಬ್ರವರಿ 24ರ ತನಕ ಅರ್ಜಿ ಸಲ್ಲಿಸಲು ಕಾಲಾವಕಾಶವಿದೆ. ಹೆಚ್ಚಿನ ವಿವರಗಳಿಗೆ: http://ndacivrect.gov.in