SBIನಲ್ಲಿ ಸ್ಪೆಷಲಿಸ್ಟ್‌ ಕೇಡರ್‌ ಹುದ್ದೆ, ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಲು ಅವಕಾಶ

ದೇಶದ ಅತ್ಯಂತ ದೊಡ್ಡ ಬ್ಯಾಂಕ್‌ ಎಂಬ ಹೆಗ್ಗಳಿಕೆ ಪಡೆದಿರುವ 'ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ'(ಎಸ್‌ಬಿಐ) ಸ್ಪೆಷಲಿಸ್ಟ್‌ ಕೇಡರ್‌ ಮತ್ತು ಸೀನಿಯರ್‌ ಎಕ್ಸಿಕ್ಯುಟಿವ್‌ ಹುದ್ದೆಗಳ ನೇಮಕಕ್ಕೆ ಅಧಿಸೂಚನೆ ಹೊರಡಿಸಿದೆ. ಅರ್ಹ ಅಭ್ಯರ್ಥಿಗಳು ಆನ್‌ಲೈನ್‌ ಮೂಲಕ ಫೆಬ್ರವರಿ 11ರೊಳಗೆ ಅರ್ಜಿ ಕಳುಹಿಸಬಹುದು.

ಒಟ್ಟು ಹುದ್ದೆಗಳು 42

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಫೆಬ್ರವರಿ 11, 2019

ಅರ್ಜಿ ಶುಲ್ಕ: 600 ರೂ. (ಎಸ್‌ಸಿ/ಎಸ್‌ಟಿ/ಅಂಗವಿಕಲರಿಗೆ 100 ರೂ.)

ಹೆಚ್ಚಿನ ವಿವರಗಳಿಗೆ: www.sbi.co.in

ಅರ್ಹತೆಗಳೇನು?

ಸೀನಿಯರ್‌ ಎಕ್ಸಿಕ್ಯುಟಿವ್‌: ಕ್ರೆಡಿಟ್‌ ರಿವ್ಯೂ ವಿಭಾಗದಲ್ಲಿ ಒಟ್ಟು 15 ಸೀನಿಯರ್‌ ಎಕ್ಸಿಕ್ಯುಟಿವ್‌ ಹುದ್ದೆಗಳು ಖಾಲಿ ಇವೆ. ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಸಿಎ/ ಎಂಬಿಎ(ಫೈನಾನ್ಸ್‌)/ ಸ್ನಾತಕೋತ್ತರ (ಫೈನಾನ್ಸ್‌ ಕಂಟ್ರೋಲ್‌/ಮ್ಯಾನೇಜ್‌ಮೆಂಟ್‌ ಸ್ಟಡೀಸ್‌) ಅಥವಾ ಪಿಜಿಡಿಎಂ (ಫೈನಾನ್ಸ್‌) ವಿದ್ಯಾರ್ಹತೆ ಹೊಂದಿರಬೇಕು.

ಈ ಅಭ್ಯರ್ಥಿಗಳು ಬ್ಯಾಂಕ್‌/ಹಣಕಾಸು/ಕಾರ್ಪೋರೇಟ್‌ ಸಂಸ್ಥೆಗಳಲ್ಲಿ ಹೈ ವ್ಯಾಲ್ಯೂ ಕ್ರೆಡಿಟ್‌ಗೆ ಸಂಬಂಧಪಟ್ಟಂತೆ ಎರಡು ವರ್ಷ ಕೆಲಸ ಮಾಡಿದ ಅನುಭವ ಹೊಂದಿರಬೇಕು.

ಸ್ಪೆಷಲಿಸ್ಟ್‌ ಆಫೀಸರ್‌ ಕೇಡರ್‌: ಎರಡು ಪ್ರತ್ಯೇಕ ಅಧಿಸೂಚನೆಗಳನ್ನು ಹೊರಡಿಸಿರುವ ಎಸ್‌ಬಿಐ ಒಟ್ಟು 27 ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲಿದೆ. ಇವುಗಳಲ್ಲಿ ಡೆಪ್ಯುಟಿ ಮ್ಯಾನೇಜರ್‌ (ಐಎಸ್‌ ಆಡಿಟ್‌) ಮತ್ತು ಸೀನಿಯರ್‌ ಎಕ್ಸಿಕ್ಯುಟಿವ್‌ (ಐಎಸ್‌ ಆಡಿಟ್‌) ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಬಿಇ/ಬಿಟೆಕ್‌ (ಇನ್‌ಫಾರ್ಮೇಶನ್‌ ಟೆಕ್ನಾಲಜಿ/ ಕಂಪ್ಯೂಟರ್‌ ಸೈನ್ಸ್‌/ ಕಂಪ್ಯೂಟರ್‌ ಅಪ್ಲಿಕೇಶನ್‌/ ಎಲೆಕ್ಟ್ರಾನಿಕ್ಸ್‌/ ಎಲೆಕ್ಟ್ರಾನಿಕ್ಸ್‌ ಆ್ಯಂಡ್‌ ಇನ್‌ಸ್ಟ್ರುಮೆಂಟೇಶನ್‌) ವ್ಯಾಸಂಗ ಪೂರ್ಣಗೊಳಿಸಿರಬೇಕು. ಐಎಸ್‌ ಆಡಿಟ್‌ಗೆ ಸಂಬಂಧಪಟ್ಟಂತೆ ಮೂರು ವರ್ಷ ಕೆಲಸ ಮಾಡಿರಬೇಕು. ಸೈಬರ್‌ ಸೆಕ್ಯೂರಿಟಿ ಮತ್ತು ಎಥ್ನಿಕಲ್‌ ಹ್ಯಾಕಿಂಗ್‌ಗೆ ಸಂಬಂಧಪಟ್ಟಂತೆ ಕೆಲಸ ಮಾಡಿದ ಅನುಭವ ಇದ್ದವರಿಗೆ ನೇಮಕದಲ್ಲಿ ಆದ್ಯತೆ.

ಅಂತೆಯೇ ಡೆಬಿಟ್‌ ಕಾರ್ಡ್‌ ಆಪರೇಷನ್ಸ್‌ , ಗವರ್ನ್‌ಮೆಂಟ್‌ ಇ ಮಾರ್ಕೆಟಿಂಗ್‌, ಡೆಬಿಟ್‌ ಕಾರ್ಡ್‌ ಮಾರ್ಕೆಟಿಂಗ್‌ , ಸ್ಮಾರ್ಟ್‌ ಸಿಟಿ ಪ್ರಾಜೆಕ್ಟ್, ಟ್ರಾನ್ಸಿಟ್‌ /ಸ್ಟೇಟ್‌ ರೋಡ್‌ ಟ್ರಾನ್ಸ್‌ಪೋರ್ಟ್‌ ಕಾರ್ಪೋರೇಷನ್‌ ಮತ್ತು ಯುಪಿಐ ಆ್ಯಂಡ್‌ ಅಗ್ರಿಗೇಟರ್‌ ವಿಭಾಗದಲ್ಲಿ ಡೆಪ್ಯುಟಿ ಮ್ಯಾನೇಜರ್‌ (ಎಂಎಂಜಿ ಸ್ಕೇಲ್‌-ಐಐ) ವಿಭಾಗದಲ್ಲಿಯೂ ಡೆಪ್ಯುಟಿ ಮ್ಯಾನೇಜರ್‌ಗಳ ನೇಮಕ ನಡೆಯಲಿದೆ. ಇವುಗಳಿಗೆ ಆಯಾ ವಿಭಾಗಕ್ಕೆ ಸಂಬಂಧಪಟ್ಟ ವಿಷಯಗಳಲ್ಲಿ ಎಂಬಿಎ/ಪಿಜಿಡಿಎಂ/ಪಿಜಿಡಿಬಿಎಂ ವಿದ್ಯಾರ್ಹತೆಯುಳ್ಳವರು ಅರ್ಜಿ ಸಲ್ಲಿಸಲು ಅರ್ಹರು. ಅಭ್ಯರ್ಥಿಗಳು ಕನಿಷ್ಠ ಐದು ವರ್ಷಗಳ ಸೇವಾನುಭವ ಹೊಂದಿರಬೇಕು.

ವಯೋಮಿತಿ: ಸೀನಿಯರ್‌ ಎಕ್ಸಿಕ್ಯುಟಿವ್‌ (ಕ್ರೆಡಿಟ್‌ ರಿವ್ಯೂ) ಹುದ್ದೆಗೆ 25ರಿಂದ 35 ವರ್ಷದೊಳಗಿನವರು ಅರ್ಜಿ ಸಲ್ಲಿಸಬಹುದು. ಐಎಸ್‌ ಆಡಿಟ್‌ ವಿಭಾಗದಲ್ಲಿನ ಡೆಪ್ಯುಟಿ ಮ್ಯಾನೇಜರ್‌ ಮತ್ತು ಸೀನಿಯರ್‌ ಎಕ್ಸಿಕ್ಯುಟಿವ್‌ ಹುದ್ದೆಗೆ 21ರಿಂದ 35 ವರ್ಷದೊಳಗಿನ ಅಭ್ಯರ್ಥಿಗಳಿಗೆ ಅವಕಾಶ. ಇನ್ನುಳಿದಂತೆ ಉಳಿದ ವಿವಿಧ ವಿಭಾಗಗಳಲ್ಲಿನ ಡೆ.ಮ್ಯಾನೇಜರ್‌ ಹುದ್ದೆಗೆ ಆಯಾ ವಿಭಾಗಕ್ಕನುಸಾರ ವಯೋಮಿತಿ ನಿಗದಿಪಡಿಸಲಾಗಿದೆ. ಸಂಪೂರ್ಣ ವಿವರಗಳನ್ನು ವೆಬ್‌ನಿಂದ ಪಡೆದುಕೊಳ್ಳಬಹುದು.