ಕಾರವಾರದ ಕಿಮ್ಸ್ನಲ್ಲಿ ನೇರ ಸಂದರ್ಶನ | ಸೇವಾನುಭವ ಹೊಂದಿದವರಿಗೆ ಆದ್ಯತೆ
* 96 ಮಂದಿಗೆ ಉದ್ಯೋಗಾಕವಾಶ
ಕಾರವಾರದ ವೈದ್ಯ ವಿಜ್ಞಾನಗಳ ಸಂಸ್ಥೆಯಲ್ಲಿ (ಕಿಮ್ಸ್) ವಿವಿಧ ವಿಭಾಗಗಳಿಗೆ ಬೋಧಕರನ್ನು ನೇಮಕ ಮಾಡಲು ನೇರ ಸಂದರ್ಶನ ಏರ್ಪಡಿಸಲಾಗಿದೆ. ಇದೇ ಆಗಸ್ಟ್ 31ರಂದು ಸಂದರ್ಶನ ನಡೆಯಲಿದ್ದು, ಆಸಕ್ತ ಅಭ್ಯರ್ಥಿಗಳು ಅಗತ್ಯ ದಾಖಲೆಗಳ ಜತೆಗೆ ಸಂದರ್ಶನದಲ್ಲಿ ಭಾಗವಹಿಸುವಂತೆ ಸೂಚಿಸಲಾಗಿದೆ.
ಯಾವ ವಿಭಾಗದಲ್ಲಿ ನೇಮಕ?
ಫಿಸಿಯಾಲಜಿ, ಫಾರ್ಮಕಾಲಜಿ, ಪೆಥಾಲಜಿ, ಮೈಕ್ರೋಬಯಾಲಜಿ, ಮೈಕ್ರೋಬಯಾಲಜಿ, ಫೋರೆನ್ಸಿಕ್ ಮೆಡಿಸಿನ್, ಕಮ್ಯುನಿಟಿ ಮೆಡಿಸಿನ್, ಎಪಿಡೆಮಿಯಲಾಜಿಸ್ಟ್, /ಸ್ಟಟಿಸ್ಟಿಷಿಯನ್, ಜನರಲ್ ಮೆಡಿಸಿನ್, ಪೀಡಿಯಾಟ್ರಿಕ್ಸ್, ಟಿಬಿ ಮತ್ತು ಚೆಸ್ಟ್ ಮೆಡಿಸಿನ್, ಡರ್ಮಟಾಲಜಿ, ಸೈಕ್ಯಾಟ್ರಿ, ಜನರಲ್ ಸರ್ಜರಿ, ಆರ್ಥೋಪೆಡಿಕ್ಸ್, ಇಎನ್ಟಿ, ಅಪ್ತಮೋಲಜಿ, ಒಬಿಜಿ, ಅನಸ್ತೇಷಿಯಾಲಜಿ, ರೇಡಿಯಾಲಜಿ ಮತ್ತು ಕ್ಯಾಶ್ಯುವಲಿಟಿ ಮೆಡಿಕಲ್ ಆಫೀಸರ್ ಸೇರಿ ಒಟ್ಟು ಹುದ್ದೆಗಳು ಖಾಲಿ ಇವೆ.
ಅರ್ಹತೆಗಳೇನು?
ಪ್ರೊಫೆಸರ್: ಯಾವುದೇ ವಿಭಾಗದಲ್ಲಿ ಪ್ರೊಫೆಸರ್ಗಳಾಗಬೇಕಾದರೆ ಅಭ್ಯರ್ಥಿಗಳು ಎಂಬಿಬಿಎಸ್ ವಿದ್ಯಾರ್ಹತೆ ಜೊತೆಗೆ ಎಂಡಿ/ಎಂಎಸ್ ಪದವಿ ಪಡೆದಿರಬೇಕು. ಜೊತೆಗೆ ಕನಿಷ್ಠ ಮೂರು ವರ್ಷ ಅಸೋಸಿಯೇಟ್ ಪ್ರೊಫೆಸರ್ಗಳಾಗಿ ಕೆಲಸ ಮಾಡಿದ ಅನುಭವ ಹೊಂದಿರಬೇಕು.
ಅಸೋಸಿಯೇಟ್ ಪ್ರೊಫೆಸರ್: ಎಂಬಿಬಿಎಸ್ ವಿದ್ಯಾರ್ಹತೆ ಮತ್ತು ಎಂಡಿ/ಎಂಎಸ್ ಪದವಿ ಪಡೆದಿರಬೇಕು ಹಾಗೂ ಅಸಿಸ್ಟೆಂಟ್ ಪ್ರೊಫೆಸರ್ಗಳಾಗಿ ಕನಿಷ್ಠ ನಾಲ್ಕು ವರ್ಷ ಯಾವುದಾದರೂ ಒಂದು ವೈದ್ಯಕೀಯ ಕಾಲೇಜಿನಲ್ಲಿ ಕೆಲಸ ಮಾಡಿರಬೇಕು.
ಅಸಿಸ್ಟೆಂಟ್ ಪ್ರೊಫೆಸರ್: ಸಂಬಂಧಪಟ್ಟ ವಿಷಯಗಳಲ್ಲಿ ಸ್ನಾತಕೋತ್ತರ ಪದವಿ ಜೊತೆಗೆ ರೆಸಿಡೆಂಟ್, ರಿಜಿಸ್ಟ್ರಾರ್, ಡೆಮಾಸ್ಪ್ರೇಟರ್ ಅಥವಾ ಟ್ಯೂಟರ್ ಆಗಿ ಮೂರು ವರ್ಷದ ಸೇವಾನುಭವ ಹೊಂದಿರಬೇಕು.
ಸೀನಿಯರ್ ರೆಸಿಡೆಂಟ್/ಜೂನಿಯರ್ ರೆಸಿಡೆಂಟ್: ಎರಡೂ ಹುದ್ದೆಗಳಿಗೂ ಎಂಬಿಬಿಎಸ್ ವಿದ್ಯಾರ್ಹತೆ ಕಡ್ಡಾಯ.ಆದರೆ ಸೀನಿಯರ್ ರೆಸಿಡೆಂಟ್ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಮೂರು ವರ್ಷದ ಸೇವಾನುಭವ ಪಡೆದಿರಬೇಕು.
ಚೀಫ್ ಮೆಡಿಕಲ್ ಆಫೀಸರ್ ಮತ್ತು ಟ್ಯೂಟರ್ಸ್: ಎಂಬಿಬಿಎಸ್ ವ್ಯಾಸಂಗ ಪೂರ್ಣಗೊಳಿಸಿದ ಅಭ್ಯರ್ಥಿಗಳನ್ನು ಟ್ಯೂಟರ್/ಚೀಫ್ ಮೆಡಿಕಲ್ ಆಫೀಸರ್ಗಳಾಗಿ ನೇಮಕ ಮಾಡಿಕೊಳ್ಳಲಾಗುತ್ತದೆ.
ಎಷ್ಟೆಷ್ಟು ಹುದ್ದೆಗಳು?: 5 ಪ್ರೊಫೆಸರ್, 15 ಅಸೋಸಿಯೇಟ್ ಪ್ರೊಫೆಸರ್, 18 ಅಸಿಸ್ಟೆಂಟ್ ಪ್ರೊಫೆಸರ್, 17 ಸೀನಿಯರ್ ರೆಸಿಡೆಂಟ್, 26 ಜೂನಿಯರ್ ರೆಸಿಡೆಂಟ್ ಹುದ್ದೆಗಳು, 11 ಟ್ಯೂಟರ್ ಹುದ್ದೆಗಳು ಮತ್ತು 4 ಚೀಫ್ ಮೆಡಿಕಲ್ ಆಫೀಸರ್ ಹುದ್ದೆಗಳಿಗೆ ಸಂದರ್ಶನ ನಡೆಯಲಿದೆ.
ಗಮನಿಸಿ: ನಿಗದಿತ ದಿನದಂದು ಸಂದರ್ಶನಕ್ಕೆ ಹಾಜರಾಗುವ ಅಭ್ಯರ್ಥಿಗಳು ಶುಲ್ಕವಾಗಿ 500 ರೂಪಾಯಿಯನ್ನು ಸಂಸ್ಥೆಯ ಹೆಸರಿನಲ್ಲಿ ಡಿಡಿ ಪಡೆದು ಪಾವತಿಸಬೇಕು.
ಕ್ವಿಕ್ ಲುಕ್
ಸಂದರ್ಶನ ನಡೆಯುವ ದಿನ: ಆಗಸ್ಟ್ 31, 2016
ಸಮಯ: ಬೆಳಗ್ಗೆ 9 ಗಂಟೆಯಿಂದ
ಸ್ಥಳ: ಕಿಮ್ಸ್, ಎಂ.ಜಿ.ರಸ್ತೆ, ಕಾರವಾರ
ವಿವರಗಳಿಗೆ: www.kimskarwar.kar.nic.in