ಜಲಾಭಿವೃದ್ಧಿ ಸಂಸ್ಥೆಯಲ್ಲಿ ಉದ್ಯೋಗ

ಕೇಂದ್ರ ಜಲ ಸಂಪನ್ಮೂಲಗಳ ಅಧೀನದಲ್ಲಿರುವ 'ರಾಷ್ಟ್ರೀಯ ಜಲ ಅಭಿವೃದ್ಧಿ ಸಂಸ್ಥೆ (ಎನ್‌ಡಬ್ಲ್ಯೂಡಿಎ) ಜೂನಿಯರ್‌ ಎಂಜಿನಿಯರ್‌, ಜೂನಿಯರ್‌ ಅಕೌಂಟೆಂಟ್‌, ಸ್ಟೆನೋಗ್ರಾಫರ್‌ ಮತ್ತು ಕ್ಲರ್ಕ್‌ ಹುದ್ದೆಗಳ ನೇಮಕಕ್ಕೆ ಅಧಿಸೂಚನೆ ಹೊರಡಿಸಿದೆ. ಒಟ್ಟು 73 ಹುದ್ದೆಗಳು ಖಾಲಿ ಇವೆ. ಆಸಕ್ತರು ಫೆಬ್ರವರಿ 22ರೊಳಗೆ ಅರ್ಜಿ ಸಲ್ಲಿಸುವಂತೆ ಸೂಚಿಸಲಾಗಿದೆ.

ನೇಮಕ ವಿಧಾನ: ಆನ್‌ಲೈನ್‌ ಎಗ್ಸಾಮಿನೇಷನ್‌ ಮೂಲಕ

ರಾಜ್ಯದಲ್ಲಿ ಪರೀಕ್ಷಾ ಕೇಂದ್ರ: ಬೆಂಗಳೂರು

ಅರ್ಹತೆಗಳೇನು?

ಜೂನಿಯರ್‌ ಎಂಜಿನಿಯರ್‌(25 ಹುದ್ದೆಗಳು): ಸಿವಿಲ್‌ ಎಂಜಿನಿಯರಿಂಗ್‌ನಲ್ಲಿ ಡಿಪ್ಲೊಮಾ ಮಾಡಿರುವ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಲು ಅರ್ಹರು. ಸಿವಿಲ್‌ ಎಂಜಿನಿಯರಿಂಗ್‌ ಪದವೀಧರರೂ ಅರ್ಜಿ ಸಲ್ಲಿಸಬಹುದಾಗಿದೆ.

ಜೂನಿಯರ್‌ ಅಕೌಂಟೆಂಟ್‌(07 ಹುದ್ದೆಗಳು): ಬಿಕಾಂ ಪದವೀಧರರು ಅರ್ಜಿ ಸಲ್ಲಿಸಲು ಅರ್ಹರು. ಕಮರ್ಷಿಯಲ್‌ ಅಕೌಂಟ್ಸ್‌ನಲ್ಲಿ ಮೂರು ವರ್ಷಗಳ ಸೇವಾನುಭವ ಮತ್ತು ಸರಕಾರದ ಫೈನಾನ್ಸ್‌/ಆಡಿಟ್‌ಗೆ ಸಂಬಂಧಿಸಿದ ಇಲಾಖೆಗಳಲ್ಲಿ ಕಾರ್ಯನಿರ್ವಹಿಸಿದ ಅನುಭವ ಇರುವವರಿಗೆ ನೇಮಕದಲ್ಲಿ ಆದ್ಯತೆ.

ಸ್ಟೆನೋಗ್ರಾಫರ್‌ ಗ್ರೇಡ್‌-ಐಐ(08): ದ್ವಿತೀಯ ಪಿಯುಸಿ ವ್ಯಾಸಂಗ ಪೂರ್ಣಗೊಳಿಸಿರುವ ಮತ್ತು ನಿಗದಿತ ಟೈಪಿಂಗ್‌ ಸ್ಪೀಡ್‌ ಹೊಂದಿರುವ ಅಭ್ಯರ್ಥಿಗಳು ಮಾತ್ರ ಅರ್ಜಿ ಸಲ್ಲಿಸಲು ತಿಳಿಸಲಾಗಿದೆ.

ಲೋವರ್‌ ಡಿವಿಷನ್‌ ಕ್ಲರ್ಕ್‌(33 ಹುದ್ದೆಗಳು): ಎಸ್‌ಎಸ್‌ಎಲ್‌ಸಿ ತೇರ್ಗಡೆಯಾಗಿರುವ ಮತ್ತು ನಿಗದಿತ ಟೈಪಿಂಗ್‌ ಸ್ಪೀಡ್‌ ಹೊಂದಿರುವ ಅಭ್ಯರ್ಥಿಗಳು ಈ ಹುದ್ದೆಗಳಿಗೆ ಪ್ರಯತ್ನಿಸಬಹುದು. ಅಭ್ಯರ್ಥಿಗಳಿಗೆ ಕಂಪ್ಯೂಟರ್‌ ಜ್ಞಾನ ಕಡ್ಡಾಯ.

ವಯೋಮಿತಿ: ಅಭ್ಯರ್ಥಿಗಳ ಕನಿಷ್ಠ ವಯಸ್ಸು 18 ವರ್ಷ ಹಾಗೂ ಗರಿಷ್ಠ ವಯೋಮಿತಿ 27 ವರ್ಷ. ಎಸ್‌ಸಿ/ಎಸ್‌ಟಿ ಅಭ್ಯರ್ಥಿಗಳಿಗೆ ಐದು ವರ್ಷ ಹಾಗೂ ಒಬಿಸಿ ವರ್ಗದವರಿಗೆ ಮೂರು ವರ್ಷಗಳ ವಯೋಮಿತಿ ಸಡಿಲಿಕೆ ನೀಡಲಾಗುತ್ತದೆ.

ಅರ್ಜಿ ಶುಲ್ಕ: ಎಸ್‌ಸಿ/ಎಸ್‌ಟಿ/ಅಂಗವಿಕಲರು/ಮಹಿಳೆಯರು ಮತ್ತು ಎಕ್ಸ್‌ ಸವೀರ್‍ಸ್‌ಮನ್‌ ಅಭ್ಯರ್ಥಿಗಳಿಗೆ 450 ರೂ. ಹಾಗೂ ಸಾಮಾನ್ಯ ಮತ್ತು ಇತರೆ ಹಿಂದುಳಿದ ವರ್ಗದ ಅಭ್ಯರ್ಥಿಗಳಿಗೆ 650 ರೂ. ಶುಲ್ಕ ನಿಗದಿಪಡಿಸಲಾಗಿದೆ.