KTET Hall Ticket 2018: ಕರ್ನಾಟಕ ಟಿಇಟಿ, ವೆಬ್‌ಸೈಟ್‌ನಲ್ಲಿ ಪ್ರವೇಶಪತ್ರ ಪ್ರಕಟ

ಹೊಸದಿಲ್ಲಿ: ರಾಜ್ಯ ಸಾರ್ವಜನಿಕ ಶಿಕ್ಷಣ ಇಲಾಖೆಯು ನಿಗದಿಯಂತೆ 'ಕರ್ನಾಟಕ ಶಿಕ್ಷಕರ ಅರ್ಹತಾ ಪರೀಕ್ಷೆ'ಯ (ಟಿಇಟಿ) ಪ್ರವೇಶಪತ್ರವನ್ನು ವೆಬ್‌ನಲ್ಲಿ ಪ್ರಕಟಿಸಲಾಗಿದೆ.

ಅರ್ಜಿ ಸಲ್ಲಿಸಿರುವ ಅಭ್ಯರ್ಥಿಗಳು ಇಲಾಖೆಯ ವೆಬ್‌ನಲ್ಲಿ ತಮ್ಮ ಅಪ್ಲಿಕೇಶನ್‌ ನಂಬರ್‌ನೊಂದಿಗೆ ಲಾಗಿನ್‌ ಆಗಿ ಪ್ರವೇಶಪತ್ರವನ್ನು ಡೌನ್‌ಲೋಡ್‌ ಮಾಡಿಕೊಳ್ಳಬಹುದಾಗಿದೆ.

ಇಲ್ಲಿ ಕ್ಲಿಕ್ಕಿಸಿ

ಕರ್ನಾಟಕ ಶಿಕ್ಷಕರ ಅರ್ಹತಾ ಪರೀಕ್ಷೆ ಮುಂದಿನ ತಿಂಗಳು ಅಂದರೆ, ಫೆ.3 ರಂದು (ಭಾನುವಾರ) ನಡೆಯಲಿದೆ. ಪೇಪರ್-1, ಬೆಳಿಗ್ಗೆ 9.30 ರಿಂದ 12 ಮತ್ತು ಪೇಪರ್ 2, ಮಧ್ಯಾಹ್ನ 2 ರಿಂದ 4.30ರವರೆಗೆ ನಡೆಯಲಿದೆ.

ಜನವರಿ 24, 2019 ರಿಂದ KARTET-2018 ಪ್ರವೇಶ ಕಾರ್ಡ್ www.schooleducation.kar.nic.in ನಲ್ಲಿ ಲಭ್ಯವಿರುತ್ತದೆ.

ಒಂದು ವೇಳೆ ಅಭ್ಯರ್ಥಿಯ ವಿವರ, ಭಾವಚಿತ್ರ ಅಥವಾ ಸಹಿಯಲ್ಲಿ ತಪ್ಪುಗಳು ಕಂಡುಬಂದರೆ ಕೂಡಲೇ ಕೇಂದ್ರೀಕೃತ ಪ್ರವೇಶ ಸೆಲ್ (ಸಿಎಸಿ) ಸಂಪರ್ಕಿಸಬೇಕು.

ಪರೀಕ್ಷೆ ಹೇಗೆ?

ಟಿಇಟಿಯಲ್ಲಿ ಎರಡು ಪ್ರಶ್ನೆಪತ್ರಿಕೆಗಳಿರುತ್ತವೆ. ಒಂದರಿಂದ ಐದನೇ ತರಗತಿಯವರೆಗೆ ಶಿಕ್ಷ ಕರಾಗಲು ಇಚ್ಛಿಸುವವರು ಪ್ರಶ್ನೆ ಪತ್ರಿಕೆ -1ನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಆರರಿಂದ ಎಂಟನೇ ತರಗತಿಯವರೆಗೆ ಶಿಕ್ಷ ಕರಾಗಲು ಇಚ್ಛಿಸುವವರು ಪ್ರಶ್ನೆ ಪತ್ರಿಕೆ -2 ನ್ನು ತೆಗೆದುಕೊಳ್ಳಬೇಕಾಗುತ್ತದೆ.

ಒಂದರಿಂದ ಎಂಟನೇ ತರಗತಿಯವರೆಗೆ ಯಾವುದಕ್ಕಾದರೂ ಶಿಕ್ಷ ಕರಾಗಲು ಇಚ್ಛಿಸುವವರು ಪ್ರಶ್ನೆ ಪತ್ರಿಕೆ -1 ಮತ್ತು ಪ್ರಶ್ನೆ ಪತ್ರಿಕೆ -2 ಎರಡಕ್ಕೂ ಹಾಜರಾಗಿ ತೇರ್ಗಡೆಯಾಗಬೇಕು. ಅಂದರೆ ಕನಿಷ್ಠ ಅಂಕ ಗಳಿಸಿರಬೇಕು.

ಪ್ರತಿ ಪ್ರಶ್ನೆಪತ್ರಿಕೆಯು ಐದು ವಿಷಯಗಳನ್ನೊಳಗೊಂಡಿರುತ್ತದೆ. ಪ್ರತಿ ವಿಷಯದಲ್ಲಿ ಒಂದು ಅಂಕದ 30 ಪ್ರಶ್ನೆಗಳಿದ್ದು, ಐದು ವಿಷಯಗಳಿಗೆ ಒಟ್ಟು 150 ಅಂಕಗಳನ್ನು ನಿಗದಿಪಡಿಸಲಾಗಿದೆ.

ಎಲ್ಲ ಪ್ರಶ್ನೆಗಳು ವಸ್ತುನಿಷ್ಠ ಮಾದರಿಯ ಬಹು ಆಯ್ಕೆಯ ಪ್ರಶ್ನೆಗಳಾಗಿರುತ್ತವೆ. ಪರೀಕ್ಷೆಯ ಅವಧಿ ಒಂದೂವರೆ ಗಂಟೆ.