ರೈಲ್ವೆ ಇಲಾಖೆಯಲ್ಲಿ ಶೀಘ್ರದಲ್ಲೇ 2 ಲಕ್ಷ ಉದ್ಯೋಗ

ಹೊಸದಿಲ್ಲಿ: ರೈಲ್ವೆ ಅಪಾಘಾತ, ರೈಲ್ವೆ ಭದ್ರತೆ ಬಗ್ಗೆ ಹೆಚ್ಚುತ್ತಿರುವ ಆತಂಕದ ಹಿನ್ನೆಲೆಯಲ್ಲಿ ರೈಲ್ವೆ ಇಲಾಖೆಯಲ್ಲಿ ಭಾರಿ ಉದ್ಯೋಗವಕಾಶ ಸೃಷ್ಟಿಸಲು ರೈಲ್ವೆ ಸಚಿವಾಲಯ ದೃಷ್ಟಿಹರಿಸಿದೆ. ಮುಂಬರುವ ವರ್ಷಗಳಲ್ಲಿ ದೊಡ್ಡ ಮಟ್ಟದಲ್ಲಿ ಉದ್ಯೋಗ ನೇಮಕಾತಿಗೆ ಯೋಜನೆ ರೂಪಿಸುತ್ತಿದೆ. ಭದ್ರತೆಗೆ ಸಂಬಂಧಿಸಿದ ಉದ್ಯೋಗಗಳು ಶೇ.16ರಷ್ಟು ಖಾಲಿ ಇರುವ ಕಾರಣ ರೈಲ್ವೆ ಹಳಿಗಳ ನಿರ್ವಹಣೆ, ಪೆಟ್ರೋಲಿಂಗ್ ಕಷ್ಟಕರವಾಗಿರುವ ಹಿನ್ನೆಲೆಯಲ್ಲಿ ಸರಕಾರ ಈ ನಿರ್ಧಾರಕ್ಕೆ ಬಂದಿದೆ.

ಜಗತ್ತಿನಲ್ಲೇ ನಾಲ್ಕನೆಯ ಅತಿದೊಡ್ಡ ರೈಲ್ವೆ ನೆಟ್‌ವರ್ಕ್ ಎನ್ನಿಸಿಕೊಂಡಿರುವ ಭಾರತೀಯ ರೈಲ್ವೆ ಇತ್ತೀಚಿಗೆ ಅಪಘಾತಗಳನ್ನು ಗಂಭೀರವಾಗಿ ಪರಿಗಣಿಸಿದೆ. ಈ ಹಿನ್ನೆಲೆಯಲ್ಲಿ ಭದ್ರತೆಯನ್ನು ಹೆಚ್ಚಿಸಲು ನಿರ್ಧರಿಸಿದೆ. ಮುಂಬರುವ ವರ್ಷಗಳಲ್ಲಿ ಸುಮಾರು 2 ಲಕ್ಷ ಮಂದಿಯನ್ನು ನೇಮಿಸಿಕೊಳ್ಳಲಿದೆ. ಈ ಮೂಲಕ ರೈಲ್ವೆಯಲ್ಲಿ ಉದ್ಯೋಗಿಗಳ ಸಂಖ್ಯೆ ಸುಮಾರು ಶೇ.15ರಷ್ಟು ಹೆಚ್ಚಳವಾಗಿ 1.5 ದಶಲಕ್ಷಕ್ಕೆ ತಲುಪಲಿದೆ.

ಇದರ ಜತೆಗೆ ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ರೈಲ್ವೆ ಇಲಾಖೆ ರೂ.15 ಸಾವಿರ ಕೋಟಿ ಬಂಡವಾಳ ಹೂಡುತ್ತಿದೆ. 2016 ಡಿಸೆಂಬರ್ ಅಂಕಿಸಂಖ್ಯೆಗಳ ಪ್ರಕಾರ ರೈಲ್ವೆ ಉದ್ಯೋಗಿಗಳ ಸಂಖ್ಯೆ 1.3 ದಶಲಕ್ಷದಷ್ಟಿದ್ದು, ಗ್ರೂಪ್ ಸಿ, ಗ್ರೂಪ್ ಡಿ ವಿಭಾಗಗಳಲ್ಲಿ 225,823 ಖಾಲಿ ಇವೆ.

ಕಳೆದ ಮೂರು ವರ್ಷಗಳಲ್ಲಿ ಪ್ರತಿ ವರ್ಷ ಸರಾಸರಿ 114 ರೈಲು ಅವಘಡಗಳು ಸಂಭವಿಸಿದ್ದು 650 ಮಂದಿ ಮೃತಪಟ್ಟಿದ್ದಾರೆ. ಈ ಅಪಘಾತಗಳು ಹೆಚ್ಚಾಗಿ ಮಂದಿ ಮಾನವರಹಿತ ರೈಲ್ವೆ ಕ್ರಾಸಿಂಗ್‌ಗಳಲ್ಲೇ ಆಗಿರುವುದು ಗಮನಾರ್ಹ.

Railways to hire 2 lakh workers to put safety back on track

Indian Railways will hire close to 200,000 workers over the next few years in a recruitment drive aimed at strengthening its safety and ground patrolling divisions.