SBIನಲ್ಲಿ ಆಫೀಸರ್ಸ್‌ ನೇಮಕ

ವೆಲ್ತ್ ಮ್ಯಾನೇಜ್‌ಮೆಂಟ್ ವಿಭಾಗದಲ್ಲಿ ಸ್ಪೆಷಲಿಸ್ಟ್ ಆಫೀಸರ್ ಹುದ್ದೆ

*ಖಾಲಿ ಹುದ್ದೆಗಳ ಸಂಖ್ಯೆ : 103

ದೇಶದ ಪ್ರಮುಖ ಬ್ಯಾಂಕ್‌ಗಳಲ್ಲಿ ಒಂದಾದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ವೆಲ್ತ್ ಮ್ಯಾನೇಜ್‌ಮೆಂಟ್ ವಿಭಾಗದಲ್ಲಿ ಖಾಲಿ ಇರುವ ಸ್ಪೆಷಲಿಸ್ಟ್ ಆಫೀಸರ್‌ಗಳ ನೇಮಕ ಮಾಡಿಕೊಳ್ಳುತ್ತಿದೆ. ಬೆಂಗಳೂರು ಸೇರಿದಂತೆ ದೆಹಲಿ, ಮುಂಬೈ, ಪುಣೆ, ಚೆನ್ನೈ, ಹೈದರಾಬಾದ್, ಅಹಮದಾಬಾದ್, ಭೋಪಾಲ್, ಕೊಚ್ಚಿ ಮತ್ತು ತಿರುವನಂತಪುರದ ಎಸ್‌ಬಿಐ ಶಾಖೆಗಳಿಗೆ ಈ ನೇಮಕ ನಡೆಯಲಿದೆ. ಡಿಸೆಂಬರ್ 12ರೊಳಗೆ ಆಸಕ್ತ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದಾಗಿದೆ.

ಅಭ್ಯರ್ಥಿಗಳು ಅಂಗೀಕೃತ ವಿಶ್ವವಿದ್ಯಾಲಯದಿಂದ ಯಾವುದೇ ವಿಷಯದಲ್ಲಿ ಪದವಿ ಪಡೆದಿದ್ದರೂ ಅರ್ಜಿ ಸಲ್ಲಿಸಬಹುದು. ಒಟ್ಟು 103 ಹುದ್ದೆಗಳಿಗೆ ನೇಮಕ ನಡೆಯಲಿದೆ ಎಂದು ಎಸ್‌ಬಿಐನ ಉದ್ಯೋಗ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಅನುಭವಿಗಳಿಗೆ ಆದ್ಯತೆ: ಎಲ್ಲಾ ಹುದ್ದೆಗಳಿಗೆ ವೆಲ್ತ್ ಮ್ಯಾನೇಜ್‌ಮೆಂಟ್ ಕ್ಷೇತ್ರದಲ್ಲಿ ನಿಗದಿತ ಅವಧಿಯ ಸೇವಾನುಭವ ಕಡ್ಡಾಯ ಮಾಡಲಾಗಿದೆ. ಅವುಗಳ ವಿವರ ಇಂತಿದೆ; ಅಕ್ವಿಷಿಷನ್ ರಿಲೇಷನ್‌ಶಿಪ್ ಆಫೀಸರ್ 34 ಹುದ್ದೆಗಳು ಖಾಲಿ ಇವೆ. ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಕನಿಷ್ಠ ಎರಡು ವರ್ಷಗಳ ಸೇವಾನುಭವ ಹೊಂದಿರಬೇಕು. ಅಂತೆಯೇ ರಿಲೇಷನ್‌ಶಿಪ್ ಮ್ಯಾನೇಜರ್‌ನ 55 ಹುದ್ದೆಗಳು ಖಾಲಿ ಇವೆ. ಇವುಗಳಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳಿಗೆ ಮೂರು ವರ್ಷದ ಸೇವಾನುಭವ ಕಡ್ಡಾಯ.

ಇನ್ನು ಟೀಮ್ ಹೆಡ್ ವಿಭಾಗದಲ್ಲಿ ಒಂದು ರಿಲೇಷನ್‌ಶಿಪ್ ಮ್ಯಾನೇಜರ್ ಹುದ್ದೆ ಖಾಲಿ ಇದೆ. ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವವರಿಗೆ ನಾಲ್ಕು ವರ್ಷದ ಸೇವಾನುಭವ ನಿಗದಿಮಾಡಲಾಗಿದೆ. ಝೋನಲ್ ಹೆಡ್ /ಸೀನಿಯರ್ ರಿಲೇಷನ್‌ಶಿಪ್ ಮ್ಯಾನೇಜರ್ (ಸೇಲ್ಸ್-ಕಾರ್ಪೋರೇಟ್/ರಿಟೇಲ್) ಮೂರು ಹುದ್ದೆಗಳು ಖಾಲಿ ಇವೆ. ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ವೆಲ್ತ್ ಮ್ಯಾನೇಜ್‌ಮೆಂಟ್‌ನ ಮ್ಯಾನೇಜಿಂಗ್ ಸೇಲ್ಸ್ ವಿಭಾಗದಲ್ಲಿ ಕನಿಷ್ಠ 10 ವರ್ಷ ಕೆಲಸ ಮಾಡಿದ ಅನುಭವ ಹೊಂದಿರಬೇಕು. ಇನ್ನುಳಿದಂತೆ ಒಂದು ಕಂಪ್ಲೈಯನ್ಸ್ ಆಫೀಸರ್ ಮತ್ತು ಇನ್‌ವೆಸ್ಟ್‌ಮೆಂಟ್ ಕೌನ್ಸೆಲರ್ 9 ಹುದ್ದೆಗಳಿಗೆ ನೇಮಕ ನಡೆಯಲಿದೆ. ಕಂಪ್ಲೈಯನ್ಸ್ ಆಫೀಸರ್ ಆಗಲು ಐದು ವರ್ಷದ ಸೇವಾನುಭವ ಇರಬೇಕು. ಇನ್‌ವೆಸ್ಟ್‌ಮೆಂಟ್ ಕೌನ್ಸೆಲರ್ ಆಗಬೇಕಾದವರು ಇನ್‌ವೆಸ್ಟ್‌ಮೆಂಟ್ ಅಡ್ವೈಸರ್/ಕೌನ್ಸೆಲರ್ ಆಗಿ ಮೂರು ವರ್ಷ ಕೆಲಸ ಮಾಡಿರಬೇಕು. ಜೊತೆಗೆ ಮಾರ್ಕೆಟಿಂಗ್‌ಗೆ ಸಂಬಂಧಿಸಿದ ಪರಿಣತರಾಗಿರಬೇಕು.

ಅರ್ಜಿ ಶುಲ್ಕ: ಸಾಮಾನ್ಯ ಮತ್ತು ಇತರೆ ಹಿಂದುಳಿದ ವರ್ಗದ ಅಭ್ಯರ್ಥಿಗಳಿಗೆ 600 ರೂಪಾಯಿ ಮತ್ತು ಎಸ್‌ಸಿ/ಎಸ್‌ಟಿ/ಅಂಗವಿಕಲ ಅಭ್ಯರ್ಥಿಗಳಿಗೆ 100 ರೂ. ಶುಲ್ಕ ನಿಗದಿಪಡಿಸಲಾಗಿದೆ.

ಕ್ವಿಕ್ ಲುಕ್

-ಅರ್ಜಿ ಸಲ್ಲಿಸಲು ಕೊನೆ ದಿನ: ಡಿಸೆಂಬರ್ 12, 2016

-ಅರ್ಜಿಯ ಮುದ್ರಿತ ಪ್ರತಿ ಕಳುಹಿಸಲು ಕೊನೆ ದಿನ: ಡಿಸೆಂಬರ್ 16, 2016

-ಸಂದರ್ಶನದ ಮೂಲಕ ನೇಮಕ

-ವಿವರಗಳಿಗೆ: www.sbi.co.in