ರೈಲ್ವೆಯಲ್ಲಿ 35,277 ಹುದ್ದೆ: ಕರ್ನಾಟಕದಲ್ಲಿ 2,470 ಉದ್ಯೋಗಗಳಿಗೆ ನೇಮಕ

ಬೆಂಗಳೂರು: ಉದ್ಯೋಗಾಕಾಂಕ್ಷಿಗಳಿಗೆ ಇದು ಸಿಹಿ ಸುದ್ದಿ! ಭಾರತೀಯ ರೈಲ್ವೆಯು ಭಾರಿ ಸಂಖ್ಯೆಯಲ್ಲಿ ನೇಮಕಾತಿ ಪ್ರಕ್ರಿಯೆಗೆ ಚಾಲನೆ ನೀಡಿದೆ. ರಾಜ್ಯದಲ್ಲಿ 2,470 ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ.

ಇಲಾಖೆಯು 2019ರಲ್ಲಿ 1.3 ಲಕ್ಷಕ್ಕೂ ಹೆಚ್ಚು ಮಂದಿಗೆ ಉದ್ಯೋಗ ನೀಡುವುದಾಗಿ ಈಗಾಗಲೇ ಘೋಷಿಸಿದ್ದು, ಆರಂಭಿಕ ಹಂತದಲ್ಲಿ 35,277 ಹುದ್ದೆಗಳಿಗೆ ಅರ್ಜಿಗಳನ್ನು ಆಹ್ವಾನಿಸಿದೆ.

ರೈಲ್ವೆಯ ಎನ್‌ಟಿಪಿಸಿ ವಿಭಾಗದಲ್ಲಿ ಪದವೀಧರರು ಹಾಗೂ ಪದವಿಗಿಂತ ಕೆಳಗಿನ ವಿದ್ಯಾರ್ಹತೆ ಇರುವರು ಕೂಡ ಅರ್ಜಿ ಸಲ್ಲಿಸಬಹುದು. ರೈಲ್ವೆ ನೇಮಕ ಮಂಡಳಿ ಅಥವಾ ಆರ್‌ಆರ್‌ಬಿ ಈ ಪ್ರಕ್ರಿಯೆಗಳನ್ನು ನಡೆಸುತ್ತಿದೆ. ಬೆಂಗಳೂರು ಆರ್‌ಆರ್‌ಬಿ ಮೂಲಕ 2,470 ಹುದ್ದೆಗಳಿಗೆ ನೇಮಕ ನಡೆಯಲಿದೆ. ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಈಗಾಗಲೇ ಆರಂಭವಾಗಿದೆ. ಕನ್ನಡದಲ್ಲಿಯೇ ನೇಮಕಾತಿಯ ಪರೀಕ್ಷೆ ನಡೆಯಲಿದೆ. ಆಸಕ್ತ ಅಭ್ಯರ್ಥಿಗಳು ಆನ್‌ಲೈನ್‌ನಲ್ಲಿ ಮಾತ್ರ ಅರ್ಜಿ ಸಲ್ಲಿಸಬೇಕು.

ಹೆಚ್ಚಿನ ಮಾಹಿತಿಗಾಗಿ ಶನಿವಾರದ 'ವಿಜಯ ಕರ್ನಾಟಕ ಮಿನಿ' ಸಂಚಿಕೆ ನೋಡಿ...