ಮಂಗಳೂರಿನಲ್ಲಿದೆ ಸೀನಿಯರ್‌ ಅಸಿಸ್ಟೆಂಟ್‌ ಹುದ್ದೆ/ಅಂಚೆ ಮೂಲಕ ಅರ್ಜಿ ಸಲ್ಲಿಕೆ
ಏರ್‌ಇಂಡಿಯಾ ಚಾರ್ಟರ್ಸ್‌ನಲ್ಲಿ ನೇಮಕ
*ಖಾಲಿ ಇರುವ ಹುದ್ದೆಗಳು 49
-ಅಕ್ಟೊಬರ್‌ 15ರೊಳಗೆ ಅರ್ಜಿ ಕಳುಹಿಸಿ
-ಪ್ರತಿ ಹುದ್ದೆಗೂ ನಿಗದಿತ ಅನುಭವ ಕಡ್ಡಾಯ
-ಅರ್ಜಿ ಶುಲ್ಕ: 500 ರೂ.(ಎಸ್‌ಸಿ/ಎಸ್‌ಟಿ ಅಭ್ಯರ್ಥಿಗಳಿಗೆ ವಿನಾಯ್ತಿ)
-ವಿವರಗಳಿಗೆ: http://airindiaexpress.in
ಏರ್‌ ಇಂಡಿಯಾ ಚಾರ್ಟರ್ಸ್‌ ಲಿಮಿಟೆಡ್‌ ಸ್ಟೋರ್‌ ಕೀಪರ್‌, ಆಫೀಸರ್‌ ಸೇರಿದಂತೆ 49 ವಿವಿಧ ಹುದ್ದೆಗಳಿಗೆ ನೇಮಕಾತಿ ಮಾಡಿಕೊಳ್ಳಲಿದೆ. ಅರ್ಜಿ ಸಲ್ಲಿಸಲು ಅಕ್ಟೋಬರ್‌ 15 ಕೊನೆಯ ದಿನ.
ಹುದ್ದೆಗಳ ವಿವರ
ಎಂಬಿಎ ಪದವೀಧರರಾಗಿರುವ ಮತ್ತು ಕನಿಷ್ಠ ಐದು ವರ್ಷಗಳ ಸೇವಾನುಭವ ಇರುವ ಅಭ್ಯರ್ಥಿಗಳು ಮ್ಯಾನೇಜರ್‌ (ಶೆಡ್ಯೂಲಿಂಗ್‌ ಆಂಡ್‌ ನೆಟ್‌ವರ್ಕ್‌ ಪ್ಲಾನಿಂಗ್‌) ಹುದ್ದೆಗೆ ಅರ್ಜಿ ಸಲ್ಲಿಸಬಹುದು. ಸಿಎ/ಐಸಿಡಬ್ಲ್ಯೂಎ ಅರ್ಹತೆ ಇರುವವರು ಡೆಪ್ಯುಟಿ ಮ್ಯಾನೇಜರ್‌ ಅಥವಾ ಡೆಪ್ಯುಟಿ ಚೀಫ್‌ (ಫೈನಾನ್ಸ್‌) ಹುದ್ದೆಗೆ ಅರ್ಜಿ ಸಲ್ಲಿಸಬಹುದಾಗಿದೆ. ಆದರೆ ಡೆಪ್ಯುಟಿ ಮ್ಯಾನೇಜರ್‌ ಹುದ್ದೆಗೆ 1 ವರ್ಷ ಹಾಗೂ ಡೆಪ್ಯುಟಿ ಚೀಫ್‌ ಹುದ್ದೆಗೆ 10 ವರ್ಷಗಳ ಸೇವಾನುಭವ ಕಡ್ಡಾಯ.
ಇನ್ನು ಎರಡು ವರ್ಷದ ಸೇವಾನುಭವ ಹೊಂದಿರುವ ಎಂಬಿಎ ಪದವೀಧರರು ಆಫೀಸರ್‌ (ಫೈನಾನ್ಸ್‌) ಹುದ್ದೆಗೂ, ಪದವೀಧರರು (1 ವರ್ಷದ ಸೇವಾನುಭವ) ಸೀನಿಯರ್‌ ಅಸಿಸ್ಟೆಂಟ್‌ ಹುದ್ದೆಗೂ ಅರ್ಜಿ ಸಲ್ಲಿಸಲು ಅವಕಾಶವಿದೆ.
ಇನ್ನು ಡೆಪ್ಯುಟಿ ಚೀಫ್‌ ಆಫ್‌ ಎಚ್‌ಆರ್‌ ಹುದ್ದೆಗೆ ಅರ್ಜಿ ಸಲ್ಲಿಸಲು ಸ್ನಾತಕೋತ್ತರ (ಎಚ್‌ಆರ್‌) ಮತ್ತು 15 ವರ್ಷಗಳ ಸೇವಾನುಭವ ಹೊಂದಿರಬೇಕು. ಅಸಿಸ್ಟೆಂಟ್‌ (ಎಚ್‌ಆರ್‌) ಹುದ್ದೆಗೆ ಪದವೀಧರರಾಗಿದ್ದು, ಒಂದು ವರ್ಷ ಕೆಲಸ ಮಾಡಿದ ಅನುಭವ ಹೊಂದಿರಬೇಕು.
ಅಸಿಸ್ಟೆಂಟ್‌ ಜನರಲ್‌ ಮತ್ತು ಮ್ಯಾನೇಜರ್‌ (ಏರ್‌ವರ್ಥಿನೆಸ್‌ ರಿವ್ಯೂ) ಹುದ್ದೆಗೆ ಅರ್ಜಿ ಸಲ್ಲಿಸಲು ಏರೋನಾಟಿಕಲ್‌/ಮೆಕ್ಯಾನಿಕಲ್‌/ಎಲೆಕ್ಟ್ರಿಕಲ್‌ ಅಥವಾ ಎಲೆಕ್ಟ್ರಾನಿಕ್ಸ್‌ ಎಂಜಿನಿಯರಿಂಗ್‌ನಲ್ಲಿ ಪದವಿ ತೇರ್ಗಡೆಯಾಗಿರಬೇಕು. ಆದರೆ, ಅಸಿಸ್ಟೆಂಟ್‌ ಜನರಲ್‌ ಹುದ್ದೆಗೆ 12 ವರ್ಷ ಮತ್ತು ಮ್ಯಾನೇಜರ್‌ ಹುದ್ದೆಗೆ ಅರ್ಜಿ ಸಲ್ಲಿಸಲು 10 ವರ್ಷಗಳ ಸೇವಾನುಭವ ಪಡೆದಿರಬೇಕು.
ಇನ್ನು ಪಿಯುಸಿ ಓದಿರುವವರು ಸ್ಟೋರ್‌ ಇನ್ಸ್‌ಪೆಕ್ಟರ್‌ ಹುದ್ದೆಗೆ ಮತ್ತು ಪದವೀಧರರು ಸ್ಟೋರ್‌ ಕೀಪರ್‌ ಹುದ್ದೆಗೂ ಅರ್ಜಿ ಸಲ್ಲಿಸಬಹುದಾಗಿದೆ. ಈ ಎರಡೂ ಹುದ್ದೆಗಳಿಗೆ ತಲಾ ಒಂದು ವರ್ಷದ ಸೇವಾನುಭವ ಹೊಂದಿರಬೇಕು.
ಮಂಗಳೂರಿನಲ್ಲಿ ಸೀನಿಯರ್‌ ಅಸಿಸ್ಟೆಂಟ್‌ ಮತ್ತು ಅಸಿಸ್ಟೆಂಟ್‌ (ಎಚ್‌ಆರ್‌) ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ. ಲಿಖಿತ ಪರೀಕ್ಷೆ, ಸಂದರ್ಶನ ಮತ್ತು ವೈದ್ಯಕೀಯ ಪರೀಕ್ಷೆಗಳ ಮೂಲಕ ಅಭ್ಯರ್ಥಿಗಳ ಆಯ್ಕೆ ನಡೆಯಲಿದೆ.
ಅರ್ಜಿ ಕಳುಹಿಸಬೇಕಾದ ವಿಳಾಸ: The
Chief of HR Air India Express
Limited Airlines House, Durbar
Hall Road, Near Gandhi Square,
Kochi- 682016