ಟೆಕ್‌ ಟಿಪ್ಸ್‌ : ಬ್ಲಾಗ್‌ಗಳ ಬಳಕೆ

ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಿದ್ಧತೆ ನಡೆಸುವವರು ಬ್ಲಾಗ್‌ಗಳನ್ನು ಹೇಗೆಲ್ಲಾ ಬಳಸಿಕೊಳ್ಳಬಹುದು ಎಂಬ ಕುರಿತ ಮಾಹಿತಿ ಇಲ್ಲಿದೆ.

* ಬ್ಯಾಂಕ್‌, ಯುಪಿಎಸ್‌ಸಿ ಮತ್ತು ಎಸ್‌ಎಸ್‌ಸಿ ನಡೆಸುವ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಿದ್ಧತೆ ನಡೆಸಲು ಉಪಯುಕ್ತವಾದ ಅಧ್ಯಯನ ಸಾಮಗ್ರಿಗಳನ್ನು ಒದಗಿಸುವ ಹಲವಾರು ಬ್ಲಾಗ್‌ಗಳಿದ್ದು, ಅವುಗಳನ್ನು ಹುಡುಕಿಕೊಂಡು ಬುಕ್‌ ಮಾರ್ಕ್‌ ಮಾಡಿಕೊಳ್ಳಿ.

* ಬ್ಲಾಗ್‌ನಲ್ಲಿನ ಅಧ್ಯಯನ ಸಾಮಗ್ರಿಗಳನ್ನು ಓದುವ ಮೊದಲು ಇದನ್ನು ಪೋಸ್ಟ್‌ ಮಾಡಿದವರು ಯಾರು, ಮಾಹಿತಿ ಸರಿಯಾಗಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

* ನಿರ್ಧಿಷ್ಟ ಪರೀಕ್ಷೆಗೆ ಸಂಬಂಧಿಸಿದ ಹತ್ತಾರು ಬ್ಲಾಗ್‌ಗಳಿರುತ್ತವೆ. ಇದರಲ್ಲಿನ ಮಾದರಿ ಪ್ರಶ್ನೆ ಪತ್ರಿಕೆ, ನೆನಪಿನಲ್ಲಿಟ್ಟುಕೊಳ್ಳಬೇಕಾದ ವಿಷಯಗಳ ಪಟ್ಟಿಯನ್ನು ಅಧ್ಯಯನ ಮಾಡಿ, ಇದರಿಂದ ವಿಷಯ ಹುಡುಕಲು ಸಮಯ ವ್ಯರ್ಥಮಾಡುವುದು ತಪ್ಪುತ್ತದೆ.

*ಕೆಲ ಬ್ಲಾಗ್‌ಗಳು ಅಧ್ಯಯನಕ್ಕೆ ಸಂಬಂಧಿಸಿದ ಸಾಮಗ್ರಿ ಒದಗಿಸುವುದರ ಜತೆಗೆ ಗೊಂದಲಗಳನ್ನು ಬಗೆಹರಿಸುವ ವೇದಿಕೆಯೂ ಆಗಿ ಕಾರ್ಯನಿರ್ವಹಿಸುತ್ತವೆ. ನೀವು ಇಲ್ಲಿ ತಜ್ಞರೊಂದಿಗೆ ಚರ್ಚೆ ಕೂಡ ನಡೆಸಬಹುದು.

* ಪರೀಕ್ಷೆಯ ಮಾಹಿತಿ ನೀಡುವ ನೆಪದಲ್ಲಿ ಪರೀಕ್ಷಾರ್ಥಿಗಳನ್ನು, ಉದ್ಯೋಗಾಕಾಂಕ್ಷಿಗಳನ್ನು ವಂಚಿಸುವ ಬ್ಲಾಗ್‌ಗಳು ಕೂಡ ಇವೆ. ಈ ಬಗ್ಗೆ ಎಚ್ಚರವಿರಲಿದೆ. ಯಾವುದೇ ಬ್ಲಾಗ್‌ನಲ್ಲಿ ನಿಮ್ಮ ವೈಯುಕ್ತಿಕ ಮಾಹಿತಿಯನ್ನು ಹಂಚಿಕೊಳ್ಳಬೇಡಿ.

*ಪರೀಕ್ಷೆಗೆ ನೀವು ನಡೆಸುತ್ತಿರುವ ಸಿದ್ಧತೆಯ ಪ್ರಯೋಜನವನ್ನು ಬೇರೆಯವರೂ ಪಡೆದುಕೊಳ್ಳಲಿ ಎಂಬ ಮನಸ್ಸಿದ್ದರೆ, ಬಿಡುವಿದ್ದರೆ ನೀವೂ ಒಂದು ಬ್ಲಾಗ್‌ ಆರಂಭಿಸಬಹುದು. ನೀವು ಓದಿ ಟಿಪ್ಪಣಿ ಮಾಡಿಕೊಂಡ ವಿಷಯಗಳನ್ನು ಇಲ್ಲಿ ಹಂಚಿಕೊಳ್ಳಬಹುದು. ಇದು ಬೇರೆಯವರಿಗೂ ಉಪಯೋಗಕ್ಕೆ ಬರುತ್ತದೆ.