ಲಾಜಿಕ್‌ ಮ್ಯಾಜಿಕ್‌: ತಪ್ಪೊಂದನ್ನು ಕಂಡು ಹಿಡಿಯಿರಿ.

1. ನಿಮಗೆ ವಿಜ್ಞಾನ ಚೆನ್ನಾಗಿ ಗೊತ್ತಿದ್ದರೆ ಈ ಕೆಳಗಿನ ಸಾಲುಗಳನ್ನು ಗಮನವಿಟ್ಟು ಓದಿ ಅದರಲ್ಲಿರುವ ತಪ್ಪೊಂದನ್ನು ಕಂಡು ಹಿಡಿಯಿರಿ.

ಅದು ನನ್ನ ಜೀವನದ ಅತ್ಯದ್ಭುತ ಕ್ಷಣವಾಗಿತ್ತು. ಬಾಹ್ಯಾಕಾಶ ನೌಕೆಯು ಚಂದ್ರನ ಮೇಲೆ ಬೆಳಗ್ಗೆ 11.30ಕ್ಕೆ ಇಳಿಯಿತು. ನಾನು ನೌಕೆಯಿಂದ ಹೊರಗೆ ಬರುವಾಗ ಸೂರ್ಯ ಪ್ರಕಾಶಿಸುತ್ತಿದ್ದ. ನಾನು ಕೆಲವು ಹೆಜ್ಜೆ ಮುಂದಿಟ್ಟು ನಂತರ ನನ್ನ ಮಂಡಿಯೂರಿದೆ. ಚಂದ್ರನ ಮೇಲಿದ್ದ ಹಿಡಿ ಮಣ್ಣನ್ನು ನನ್ನ ಕೈಯಲ್ಲಿಹಿಡಿದ ತಕ್ಷಣ ನನ್ನ ಕಣ್ಣುಗಳಿಂದ ಆನಂದಭಾಷ್ಪ ಹರಿಯಿತು. ಆಗ ನನಗೆ ಕಿವಿಗಡಚ್ಚಿಕ್ಕುವ ಸ್ಫೋಟದ ಶಬ್ದ ಕೇಳಿಸಿತು. ನಾನು ಹಿಂತಿರುಗಿ ನೋಡಿದರೆ ನಾನು ಬಂದಿದ್ದ ಬಾಹ್ಯಾಕಾಶ ನೌಕೆ ಸ್ಫೋಟಗೊಂಡ ಭಯಾನಕ ದೃಶ್ಯ ಕಾಣಿಸಿತು. ಚಂದ್ರನ ಮೇಲೆ ನಾನೊಬ್ಬನೇ ಇದ್ದೆ. ನಾನು ಯಾರ ಬಳಿ ಸಹಾಯ ಕೇಳಲಿ ಎಂದೇ ತಿಳಿಯದಾಯಿತು...

2. ಮೋನು ಎಂಬ ವ್ಯಕ್ತಿ ನೋನುಗೆ ಒಂದೇ ಗಾತ್ರದ ನಾಲ್ಕು ಸಣ್ಣ ಕಡ್ಡಿಗಳನ್ನು ಕೊಟ್ಟು ಆಯತಾಕಾರವೊಂದನ್ನು ರಚಿಸಲು ಹೇಳಿದ. ಈ ರೀತಿ ಮಾಡಿದರೆ ಒಂದು ಬಾಕ್ಸ್‌ ಚಾಕ್ಲೇಟ್‌ ಕೊಡುವ ಭರವಸೆ ನೀಡಿದ. ನೋನು ಆ ಕಡ್ಡಿಗಳಿಂದ ಒಂದು ಚೌಕೋನ ಮಾಡಿ ಚಾಕ್ಲೇಟ್‌ ಪಡೆದು ಹೋದ. ಇದು ಹೇಗೆ ಸಾಧ್ಯ?

ಉತ್ತರ: 1. ಗಗನಯಾತ್ರಿಗಳಿಗೆ ತಮ್ಮ ಸುತ್ತಮುತ್ತ ನಡೆಯುವ ಸ್ಫೋಟದ ಶಬ್ದ ಕೇಳಿಸುವುದಿಲ್ಲ. ಯಾಕೆಂದರೆ ಚಂದ್ರನಲ್ಲಿವಾತಾವರಣವಿಲ್ಲದ ಕಾರಣ ಶಬ್ದವು ಒಂದು ಬಿಂದುವಿನಿಂದ ಇನ್ನೊಂದೆಡೆದೆ ಚಲಿಸುವುದಿಲ್ಲ.

2.ಚೌಕೋನ ಎಂಬುದು ಆಯತಾಕಾರದ ಒಂದು ವಿಧ. ಆದರೆ ಎಲ್ಲಾಆಯತಾಕಾರಗಳು ಚೌಕೋನಗಳಲ್ಲ. ಇದು ಒಂದು ರೀತಿಯಲ್ಲಿಎಲ್ಲಾಲಾಲಿಪಪ್‌ಗಳು ಕ್ಯಾಂಡಿಗಳು ಆದರೆ ಎಲ್ಲಾಕ್ಯಾಂಡಿಗಳು ಲಾಲಿಪಪ್‌ಗಳಲ್ಲಎಂದು ಹೇಳಿದಂತೆ!