ಲಾಜಿಕ್‌ ಮ್ಯಾಜಿಕ್‌: ಹೊಸ ಪೆನ್‌ ಕದ್ದಿರುವುದು ಯಾರು?

ಎಂಟು ವರ್ಷದ ಬಾಲಕ ರಾಜು ತರಗತಿಯಲ್ಲಿಅಳು ಮುಖ ಮಾಡಿ ಕುಳಿತುಕೊಂಡಿದ್ದ. ಆತನ ಅಂಕಲ್‌ ಸಿಂಗಾಪುರದಿಂದ ಆತನಿಗೆ ತಂದುಕೊಟ್ಟಿದ್ದ ಹೊಸ ಬ್ರಾಂಡೆಡ್‌ ಕೆಂಪು ಬಣ್ಣದ ಪೆನ್‌ ನಾಪತ್ತೆಯಾಗಿತ್ತು. ಅದನ್ನು ಆತ ಬೆಳಗ್ಗೆ ಶಾಲೆಗೆ ಬರುವಾಗ ತಂದಿದ್ದ. ತನ್ನ ಬಳಿ ಹೊಸ ಪೆನ್‌ ಇದೆ. ಆಮೇಲೆ ಅದನ್ನು ನಿಮಗೆ ತೋರಿಸುವೆ ಎಂದು ಆತ ಹೇಳಿದ್ದ. ರಾಜು ತನ್ನ ಪೆನ್ಸಿಲ್‌ ಬಾಕ್ಸನ್ನು ಡೆಸ್ಕ್‌ನಲ್ಲಿಇಡುವಷ್ಟರಲ್ಲಿಟೀಚರ್‌ ಆತನನ್ನು ಕರೆದು ಬೋರ್ಡ್‌ನಲ್ಲಿಸಮೀಕರಣವೊಂದನ್ನು ಬಿಡಿಸುವಂತೆ ಹೇಳಿದರು. ಆತ ಅದನ್ನು ಬಿಡಿಸಿ ತನ್ನ ಜಾಗಕ್ಕೆ ಬರುವಷ್ಟರಲ್ಲಿಪೆನ್‌ ಕಾಣೆಯಾಗಿತ್ತು. ಆತ ತನ್ನ ಹಿಂದೆ ಮತ್ತು ಮುಂದೆ ಕುಳಿತ ವಿದ್ಯಾರ್ಥಿಗಳಲ್ಲಿಕೇಳಿದಾಗ ಅವರು ನಮಗೆ ಆ ಪೆನ್‌ ಬಗ್ಗೆ ಏನೂ ಗೊತ್ತಿಲ್ಲಎಂದು ಹೇಳುತ್ತಾರೆ. ರಾಜು ಪಕ್ಕ ಸದಾ ಕುಳಿತುಕೊಳ್ಳುವ ಜಿಗ್ನೇಶ್‌ ಆ ದಿನ ಗೈರುಹಾಜರಾಗಿದ್ದ ಕಾರಣ ಪೆನ್‌ ಬಗ್ಗೆ ಆತನನ್ನೂ ಕೇಳುವ ಹಾಗಿರಲಿಲ್ಲ. ನಿರ್ಮಲ್‌ ಬಂದು ಬೇಜಾರಾಯ್ತು. ಆದರೆ ನಿನ್ನ ಪೆನ್‌ ಖಂಡಿತಾ ಸಿಗುತ್ತದೆ ಎಂಬ ಭರವಸೆ ನನಗಿದೆ ಎಂದು ರಾಜುಗೆ ಹೇಳುತ್ತಾನೆ. ಮದನ್‌ ಬಂದು ಆ ರೆಡ್‌ ಪೆನ್‌ ಎಷ್ಟೊಂದು ಸುಂದರವಾಗಿತ್ತು! ನೀನು ಇಷ್ಟೊಂದು ಕೇರ್‌ಲೆಸ್‌ ಆಗಿರಲು ಹೇಗೆ ಸಾಧ್ಯ ಎಂದು ಗದರಿಸುತ್ತಾನೆ. ಶ್ರೀಕಾಂತ್‌ ಬಂದು ನಾನು ನಿನ್ನ ಪೆನ್‌ ತೆಗೆದುಕೊಂಡಿದ್ದು ರಾಜು. ಸಾರಿ ಎಂದು ಹೇಳುತ್ತಾನೆ. ಆಗ ರಾಜುಗೆ ತಕ್ಷಣ ಪೆನ್‌ ಯಾರು ಕದ್ದಿರುವುದು ಎಂದು ಹೊಳೆಯಿತು. ಆತ ತಕ್ಷಣ ಆ ವಿದ್ಯಾರ್ಥಿ ಬಳಿ ಹೋಗಿ ತನ್ನ ಪೆನ್‌ ಪಡೆದುಕೊಳ್ಳುತ್ತಾನೆ. ಆ ಹೊಸ ಪೆನ್‌ ಕದ್ದಿರುವುದು ಯಾರು ಎಂದು ನಿಮಗೆ ಗೊತ್ತಾಯಿತೇ?

ಉತ್ತರ: ಹೊಸ ಪೆನ್‌ ಮದನ್‌ ಕದ್ದಿರುತ್ತಾನೆ. ಆತ ರಾಜು ಬಳಿ ಮಾತನಾಡುವಾಗ ಸುಂದರವಾದ ಕೆಂಪು ಪೆನ್‌ ಎಂದು ಹೇಳಿರುತ್ತಾನೆ. ರಾಜು ಆ ಪೆನ್‌ ಯಾರಿಗೂ ತೋರಿಸಿರುವುದಿಲ್ಲ. ಹಾಗಿರುವಾಗ ಮದನ್‌ನಿಗೆ ಆ ಪೆನ್‌ನ ಬಣ್ಣ ಕೆಂಪು ಎಂದು ಆತ ಕದ್ದಿರದ ಹೊರತು ಹೇಗೆ ತಿಳಿಯಲು ಸಾಧ್ಯ?