ಸೈನ್ಸ್‌ ಕ್ವಿಜ್‌: ಯಾರಿವರು?

1. 1884ರಲ್ಲಿಜನಿಸಿದ ಇವರು ಖ್ಯಾತ ಸ್ವಿಸ್‌ ಬೆಲ್ಜಿಯನ್‌ ಭೌತಶಾಸ್ತ್ರಜ್ಞ, ಸಂಶೋಧಕ ಮತ್ತು ಅನ್ವೇಷಕ.

2. ಭೂಮಿಯ ವಾಯುಮಂಡಲದ ಮೇಲ್ಭಾಗದ ಪದರವನ್ನು ಅನ್ವೇಷಣೆ ಮಾಡಿದ ಹೆಗ್ಗಳಿಕೆ ಇವರದ್ದು. ವಾಯುಮಂಡಲಕ್ಕೆ ಸುರಕ್ಷಿತವಾಗಿ ಏರಿದ ಮೊದಲ ವ್ಯಕ್ತಿ ಇವರಾಗಿದ್ದಾರೆ. ಇವರು ಸ್ವತಃ ಅನ್ವೇಷಣೆ ಮಾಡಿದ ಬಲೂನ್‌ನಲ್ಲಿಯೇ ಈ ಸಾಧನೆ ಮಾಡಿದ್ದು ಇನ್ನೊಂದು ವಿಶೇಷ.

3. ಆಳ ಸಮುದ್ರದ ಡೈವಿಂಗ್‌ಗೆ ಇವರು ಬಾಥಿಸ್ಕೆಫೆ ಎಂಬ ಸ್ವಯಂಚಾಲಿತ ವಾಹನವೊಂದನ್ನು ವಿನ್ಯಾಸಗೊಳಿಸಿದ್ದಾರೆ. ಸಮುದ್ರದೊಳಗೆ ಸುಮಾರು 3,150 ಮೀಟರ್‌ಗಳಷ್ಟು ಚಲಿಸುವ ಟ್ರಿಸ್ಟೆ ಎಂಬ ವಾಹನವನ್ನು ಇವರು ಯಶಸ್ವಿಯಾಗಿ ವಿನ್ಯಾಸಗೊಳಿಸಿದ್ದಾರೆ.

4. ಬೆಲ್ಜಿಯನ್‌ ಕಾರ್ಟೂನಿಸ್ಟ್‌ ಹರ್ಗೆ ಎಂಬವರು ದಿ ಅಡ್ವೆಂಚರ್ಸ್ ಆಫ್‌ ಟಿಂಟಿನ್‌ ಎಂಬ ಕಾಮಿಕ್ಸ್‌ ಸೀರಿಸ್‌ನಲ್ಲಿಇವರನ್ನು ಆಧರಿಸಿ ಪ್ರೊಫೆಸರ್‌ ಕುತ್‌ಬರ್ಟ್‌ ಕ್ಯಾಲ್ಕುಲಸ್‌ ಎಂಬ ಪಾತ್ರ ರಚಿಸಿದ್ದಾರೆ.

ಉತ್ತರ: ಆಗಸ್ಟೆ ಪಿಕ್ಕಾರ್ಡ್‌