ಸೈನ್ಸ್‌ ಕ್ವಿಜ್‌: ಯಾರಿವರು?

1. 1544ರಲ್ಲಿಜನಿಸಿದ ಇವರು ಬ್ರಿಟನ್‌ನ ಖ್ಯಾತ ವೈದ್ಯ ಮತ್ತು ವಿಜ್ಞಾನಿಯಾಗಿದ್ದರು.

2. ಹಲವು ವರ್ಷಗಳ ಕಾಲ ಸಂಶೋಧನೆ ಮಾಡಿದ ಬಳಿಕ ಇವರು ಸ್ವತಃ ಭೂಮಿಯೇ ಒಂದು ಅಯಸ್ಕಾಂತ ಎಂಬ ಫಲಿತಾಂಶಕ್ಕೆ ಬಂದರು. ಇದೇ ಕಾರಣಕ್ಕೆ ದಿಕ್ಸೂಚಿಗಳು ಉತ್ತರದತ್ತ ಮುಖ ಮಾಡಿರುತ್ತವೆ ಎಂಬ ವಿಷಯ ಬೆಳಕಿಗೆ ಬಂತು.

3. ವಿದ್ಯುತ್‌ ಆಕರ್ಷಣೆ, ವಿದ್ಯುತ್‌ ಶಕ್ತಿ ಮತ್ತು ಕಾಂತೀಯ ಧ್ರುವ ಎಂಬ ಶಬ್ದಗಳನ್ನು ಪರಿಚಯಿಸಿದವರಲ್ಲಿಇವರೇ ಮೊದಲಿಗರು. ಇವರನ್ನು ಸಾಮಾನ್ಯವಾಗಿ ವಿದ್ಯುತ್‌ ಮತ್ತು ಅಯಸ್ಕಾಂತೀಯತೆಯ ಪಿತಾಮಹ ಎಂದೇ ಪರಿಗಣಿಸಲಾಗುತ್ತದೆ.

4. 1600ರಲ್ಲಿಇವರು ರಚಿಸಿದ ಆನ್‌ ದಿ ಲೋಡ್‌ಸ್ಟೋನ್‌ ಅಂಡ್‌ ಮ್ಯಾಗ್ನೆಟಿಕ್‌ ಬಾಡೀಸ್‌ ಮತ್ತು ಆನ್‌ ದಿ ಗ್ರೇಟ್‌ ಮ್ಯಾಗ್ನೆಟ್‌ ದಿ ಅತ್‌ರ್‍ ಎಂಬ ಪ್ರಮುಖ ಕೃತಿಗಳಲ್ಲಿಅಯಸ್ಕಾಂತೀಯ ವಸ್ತುಗಳು ಮತ್ತು ವಿದ್ಯುತ್‌ ಆಕರ್ಷಣೆಗಳ ಬಗ್ಗೆ ಇವರು ಮಾಡಿದ ಸಂಶೋಧನೆಗಳ ಸಂಪೂರ್ಣ ವಿವರಗಳಿವೆ.

5. ಬ್ರಿಟನ್‌ನ ಮಹಾರಾಣಿ ಒಂದನೇ ಎಲಿಝಬೆತ್‌ ಅವರ ವೈದ್ಯರಾಗಿಯೂ ಇವರು ಸೇವೆ ಸಲ್ಲಿಸಿದ್ದಾರೆ. ಮಹಾರಾಣಿಯ ನಿಧನದ ನಂತರ ಇವರು ರಾಜ ಒಂದನೇ ಜೇಮ್ಸ್‌ಗೆ ವೈದ್ಯರಾಗಿ ನಿಯೋಜಿತರಾದರು.

ಉತ್ತರ: ವಿಲಿಯಂ ಗಿಲ್ಬರ್ಟ್‌