ಸರಳ ವಿಜ್ಞಾನ: ನಕ್ಷ ತ್ರಗಳ ಬಣ್ಣ

ನಾವು ಬರಿಗಣ್ಣಿನಲ್ಲಿ ಆಕಾಶವನ್ನು ನೋಡಿದರೆ ಬಹುತೇಕ ಎಲ್ಲಾ ನಕ್ಷ ತ್ರಗಳು ಹಳದಿಯಾಗಿ ಕಾಣುತ್ತವೆ. ಆದರೆ ಬೈನಾಕ್ಯೂಲರ್‌ ಅಥವಾ ಟೆಲಿಸ್ಕೋಪ್‌ನಿಂದ ನೋಡಿದರೆ ನಕ್ಷ ತ್ರಗಳು ಬೇರೆ ಬೇರೆ ಬಣ್ಣಗಳಲ್ಲಿ ಗೋಚರಿಸುತ್ತವೆ. ನಕ್ಷ ತ್ರಗಳ ಬಣ್ಣ ನಿರ್ಧರಿಸುವ ಅಂಶಗಳು ಯಾವವು?

ಸಿರಿಯಸ್‌ನಂತಹ ಹೊಳೆಯುವ ನಕ್ಷ ತ್ರ ಕ್ಷಿತಿಜಕ್ಕೆ ಹತ್ತಿರವಾದಾಗ ಹಲವಾರು ಬಣ್ಣಗಳನ್ನು ಹೊರಸೂಸುತ್ತದೆ. ನಮ್ಮ ವಾತಾವರಣದಲ್ಲಾಗುವ ಕೆಲವು ಪ್ರಕ್ಷ ುಬ್ಧತೆಗಳಿಂದ ಆ ನಕ್ಷ ತ್ರದಲ್ಲಿ ಇವೆಲ್ಲಾ ಬಣ್ಣಗಳಿವೆ ಎಂದು ನಮಗೆ ಅನಿಸುತ್ತದೆ. ಆದರೆ ಸಿರಿಯಸ್‌ ನಕ್ಷ ತ್ರದ ನಿಜವಾದ ಬಣ್ಣ ನೀಲಿ ಮಿಶ್ರಿತ ಬಿಳಿ.

ನಕ್ಷ ತ್ರಗಳ ನಿಜವಾದ ಬಣ್ಣ ಅದರ ಮೇಲ್ಮೈಯ ಉಷ್ಣತೆಯನ್ನು ಅವಲಂಬಿಸಿರುತ್ತದೆ. ಅತ್ಯಂತ ತಂಪಾಗಿರುವ ನಕ್ಷ ತ್ರ ಕೆಂಪಾಗಿರುತ್ತದೆ. ಬಿಸಿಯಾಗಿರುವ ನಕ್ಷ ತ್ರ ಅದರ ಶಾಖದ ಪ್ರಮಾಣಕ್ಕೆ ಅನುಗುಣವಾಗಿ ಹಳದಿ ಅಥವಾ ಬಿಳಿಯಾಗಿರುತ್ತದೆ. ಅತ್ಯಂತ ತೀವ್ರ ಬಿಸಿಯಾಗಿರುವ ನಕ್ಷ ತ್ರಗಳು ನೀಲಿ ಮಿಶ್ರಿತ ಬಿಳಿ ಬಣ್ಣದಲ್ಲಿ ಹೊಳೆಯುತ್ತವೆ.

ನಮ್ಮ ಕಣ್ಣಿಗೆ ಕಾಣುವ ನಕ್ಷ ತ್ರ ಸೂರ್ಯನ ಮೇಲ್ಮೈ ಉಷ್ಣತೆ ಸುಮಾರು 5000 ಡಿಗ್ರಿ ಸೆಲ್ಸಿಯಸ್‌. ಈ ಮೇಲ್ಮೈ ಉಷ್ಣತೆಯಿರುವ ನಕ್ಷ ತ್ರಗಳು ಹಳದಿ ಬಣ್ಣದಲ್ಲಿರುತ್ತವೆ. ವಿಜ್ಞಾನಿಗಳಿಗೆ ನಕ್ಷ ತ್ರಗಳ ಬಣ್ಣದಿಂದ ಅದರ ಮೇಲ್ಮೈ ಉಷ್ಣತೆ ಅಂದಾಜಿಸಲು ಸಾಧ್ಯವಾಗುತ್ತದೆ.