ಸರಳ ವಿಜ್ಞಾನ: ಸ್ಟೋರ್‌ ರೂಮ್‌ ವಾಸನೆ

ಮಳೆಗಾಲ ಕಳೆದ ಬೆನ್ನಲ್ಲೇ ನಾನು ನಮ್ಮ ಮನೆಯ ಸಣ್ಣ ಸ್ಟೋರ್‌ ರೂಮ್‌ ಬಾಗಿಲು ತೆರೆದಾಗ ಒಂದು ರೀತಿಯ ಹಳಸಲು ವಾಸನೆ ಬಂತು. ಈ ರೂಮ್‌ ಯಾವಾಗಲೂ ಮುಚ್ಚಿಯೇ ಇರುತ್ತಿತ್ತು. ಈ ವಾಸನೆಗೆ ಕಾರಣವೇನು?

ಗಾಳಿ, ನೀರು ಮತ್ತು ಮಣ್ಣಿನಲ್ಲಿ ಎಲ್ಲಾ ಕಡೆಗಳಲ್ಲೂ ಶಿಲೀಂಧ್ರದ ಕಣಗಳಿರುತ್ತವೆ. ಗಾತ್ರದಲ್ಲಿ ತುಂಬಾ ಸಣ್ಣದಾಗಿರುವ ಇವು ವ್ಯಾಕ್ಯೂಮ್‌ ಕ್ಲೀನರ್‌ನ ಫಿಲ್ಟರ್‌ನಿಂದಲೂ ತಪ್ಪಿಸಿಕೊಳ್ಳುತ್ತವೆ. ತೇವ ಪ್ರದೇಶದಲ್ಲಿ ಅಂಟಿಕೊಂಡು ಅಲ್ಲಿಯೇ ಬೆಳೆಯುತ್ತವೆ. ಮನೆ ನಿರ್ಮಾಣಕ್ಕೆ ಬಳಸಿದ ವಸ್ತುಗಳಲ್ಲಿಯೂ ಇವು ಆಶ್ರಯ ಪಡೆಯುತ್ತವೆ. ಕೆಲವೊಮ್ಮೆ ಈ ಶಿಲಿಂಧ್ರ ತಾವು ಬಳಸದ ವಸ್ತುಗಳನ್ನು ಹೀರಿಕೊಳ್ಳುತ್ತದೆ. ಈ ವಸ್ತುಗಳು ಅನಿಲ ರೂಪದಲ್ಲಿ ಗಾಳಿಗೆ ಸೇರಿಕೊಳ್ಳುತ್ತವೆ. ಈ ಅನಿಲಗಳೇ ತುಂಬಾ ಸಮಯದಿಂದ ಬಳಸದ ಮತ್ತು ವೆಂಟಿಲೇಷನ್‌ ಸಮರ್ಪಕವಾಗಿರದ ಕೋಣೆಗಳು ಹಳಸಲು ವಾಸನೆ ಬೀರಲು ಕಾರಣವಾಗುತ್ತದೆ.