ಸರಳ ವಿಜ್ಞಾನ: ರೇಡಿಯೊ ಅಲೆಗಳು

ನನ್ನ ಟ್ರಾನ್ಸಿಸ್ಟರ್‌ ರೇಡಿಯೊದಲ್ಲಿ ಮೀಡಿಯಂ ವೇವ್‌ (ಎಂಡಬ್ಲ್ಯೂ) ಮತ್ತು ಶಾರ್ಟ್‌ ವೇವ್‌ (ಎಸ್‌ಡಬ್ಲ್ಯೂ) ಇವೆ. ಕೆಲವು ರೇಡಿಯೊ ಸ್ಟೇಷನ್‌ಗಳು ಮೀಡಿಯಂ ವೇವ್‌ ಮತ್ತು ಕೆಲವು ರೇಡಿಯೊ ಸ್ಟೇಷನ್‌ಗಳು ಶಾರ್ಟ್‌ ವೇವ್‌ ಆವರ್ತನಗಳಲ್ಲಿ ಯಾಕೆ ಕಾರ್ಯಕ್ರಮ ಪ್ರಸಾರ ಮಾಡುತ್ತವೆ?

ರೇಡಿಯೊ ಸ್ಟೇಷನ್‌ಗಳಿಂದ ದೂರವಿರುವ ಕೇಳುಗರಿಗೆ ಶಾರ್ಟ್‌ ವೇವ್‌ ಆವರ್ತನಗಳಿಂದ ಕಾರ್ಯಕ್ರಮ ಪ್ರಸಾರ ಮಾಡಲಾಗುತ್ತದೆ. ಶಾರ್ಟ್‌ ವೇವ್‌ ರೇಡಿಯೊ ಅಲೆಗಳು ಭೂಮಿ ಮತ್ತು ವಾತಾವರಣದ ನಡುವೆ ಹಲವಾರು ಸಲ ಪುಟಿಯುವ ಕಾರಣ ಅವು ದೂರದ ಸ್ಥಳಗಳಿಗೆ ತಲುಪುತ್ತವೆ.

ಮೀಡಿಯಂ ವೇವ್‌ ರೇಡಿಯೊ ಸಂಕೇತಗಳು ನೆಲಕ್ಕೆ ಸಮೀಪವಾಗಿ ಚಲಿಸುತ್ತವೆ ಮತ್ತು ದೂರ ಪ್ರದೇಶಕ್ಕೆ ಹೋಗುವ ಮುನ್ನವೇ ತನ್ನ ಶಕ್ತಿ ಕಳೆದುಕೊಂಡಿರುತ್ತವೆ. ಜಾಗತಿಕ ಪ್ರೇಕ್ಷ ಕರಿಗೆ ಸಾಮಾನ್ಯವಾಗಿ ಶಾರ್ಟ್‌ ವೇವ್‌ ಆವರ್ತನಗಳಲ್ಲಿ ಕಾರ್ಯಕ್ರಮ ಪ್ರಸಾರ ಮಾಡಲಾಗುತ್ತದೆ. ಸ್ಥಳೀಯ ಪ್ರೇಕ್ಷ ಕರಿಗೆ ಮೀಡಿಯಂ ವೇವ್‌ ಆವರ್ತನಗಳಲ್ಲಿ ಕಾರ್ಯಕ್ರಮ ಪ್ರಸಾರ ಮಾಡಲಾಗುತ್ತದೆ.