ಸರಳ ವಿಜ್ಞಾನ: ರುಚಿರಹಿತ ನೀರು

ನಾನು ಈ ಮೊದಲು ನೀರನ್ನು ಕುದಿಸದೆ ಕುಡಿಯುತ್ತಿದ್ದೆ. ಆದರೆ ಈಗ ನೀರನ್ನು ಕುದಿಸಿ ಕುಡಿಯಲು ಆರಂಭಿಸಿದ್ದೇನೆ. ಇದರಿಂದ ನನ್ನ ಆರೋಗ್ಯ ಸುಧಾರಿಸಿದೆ. ಆದರೆ ಕುದಿಸಿದ ನೀರಿಗೆ ರುಚಿಯೇ ಇರುವುದಿಲ್ಲ. ಇದಕ್ಕೆ ಕಾರಣವೇನು?

ನೀರಿನಲ್ಲಿ ಅನೇಕ ಅನಿಲಗಳು ಮತ್ತು ಖನಿಜಗಳು ಕರಗಿರುತ್ತವೆ. ನೀರನ್ನು ಕುದಿಸಿದಾಗ ಈ ಅನಿಲಗಳು ಬಿಡುಗಡೆಯಾಗುತ್ತವೆ. ಕರಗುವ ಬೈಕಾರ್ಬೊನೇಟ್‌ಗಳು ಕರಗದ ಕಾರ್ಬೊನೇಟ್‌ಗಳಾಗಿ ಪ್ರತ್ಯೇಕಗೊಂಡು ಆ ನೀರಿನ ಪಾತ್ರೆಯ ಬದಿಗಳಲ್ಲಿ ಅಥವಾ ತಳ ಭಾಗದಲ್ಲಿ ಕಲ್ಮಷವಾಗಿ ಶೇಖರಣೆಯಾಗುತ್ತವೆ. ನೀರು ತನ್ನಲ್ಲಿರುವ ಅನಿಲ ಮತ್ತು ಖನಿಜಗಳನ್ನು ಕಳೆದುಕೊಂಡಾಗ ಸಪ್ಪೆಯಾಗುತ್ತದೆ.