ಸರಳ ವಿಜ್ಞಾನ: ಬೆಳಕು ಮತ್ತು ನೆರಳು

ನಾನು ನಡು ಮಧ್ಯಾಹ್ನ ನಡೆದುಕೊಂಡು ಹೋಗುತ್ತಿದ್ದಾಗ ನನ್ನ ಸಣ್ಣ ನೆರಳು ನನ್ನನ್ನು ಹಿಂಬಾಲಿಸುವುದನ್ನು ನೋಡಿದೆ. ಆಗ ವಿಮಾನವೊಂದು ಆಕಾಶದಲ್ಲಿ ಹಾರಾಡುತ್ತಿತ್ತು. ಆದರೆ ಅದರ ನೆರಳು ನೆಲದ ಮೇಲೆ ಇರಲಿಲ್ಲ. ಇದಕ್ಕೆ ಕಾರಣವೇನು?

ಬೆಳಕಿನ ಮೂಲ ಮತ್ತು ಪರದೆಯ ಮಧ್ಯೆ ವಸ್ತುವೊಂದಿದ್ದರೆ ನೆರಳು ಪರದೆಯ ಮೇಲೆ ಬೀಳುತ್ತದೆ. ಆ ವಸ್ತು ಬೆಳಕಿನ ಮೂಲಕ್ಕಿಂತ ಸಣ್ಣದಿದ್ದರೆ ಅದರ ನೆರಳಿನಲ್ಲಿ ಅಂಬ್ರಾ (ಪೂರ್ಣಛಾಯೆ) ಎಂಬ ಸಣ್ಣ ಕಪ್ಪು ಕೇಂದ್ರವೊಂದಿರುತ್ತದೆÜ ಮತ್ತು ಅದನ್ನು ಸುತ್ತುವರಿದಿರುವ ದೊಡ್ಡ ಮತ್ತು ಹಗುರವಾದ ನೆರಳನ್ನು ಪೆನಂಬ್ರಾ(ಅರೆ ನೆರಳು) ಎಂದು ಕರೆಯಲಾಗುತ್ತದೆ.

ನೀವು ಪರದೆಯಿಂದ ಬೆಳಕಿನ ಮೂಲದತ್ತ ಸಾಗಿದಾಗ ಪೂರ್ಣಛಾಯೆ ಸಣ್ಣದಾಗಿರುತ್ತದೆ. ನೀವು ಪರದೆಯಿಂದ ತುಂಬಾ ದೂರವಾದಾಗ ಪೂರ್ಣಛಾಯೆ ಮರೆಯಾಗುತ್ತದೆ. ಆಕಾಶದಲ್ಲಿ ಹಾರಾಡುವ ವಿಮಾನವು ಬೆಳಕಿನ ಮೂಲ (ಸೂರ್ಯ) ಮತ್ತು ಪರದೆಯ (ನೆಲ) ನಡುವೆ ಇರುವ ವಸ್ತು. ಇದು ಪರದೆಗಿಂತ ತುಂಬಾ ದೂರವಿರುವುದರಿಂದ ಪೂರ್ಣಛಾಯೆ ಇರುವುದಿಲ್ಲ ಹಾಗೂ ಅರೆ ನೆರಳು ಎಷ್ಟು ಮಸುಕಾಗಿರುತ್ತದೆ ಎಂದರೆ ನಮಗೆ ಅದು ಕಾಣಿಸುವುದೇ ಇಲ್ಲ.