ಸರಳ ವಿಜ್ಞಾನ: ಕಂಪ್ಯೂಟರ್‌ ಚಿಪ್‌

ಈಗೆಲ್ಲಾ ಜನರು ಚಿಪ್‌ವೊಂದರ ಬಗ್ಗೆ ಮಾತನಾಡುತ್ತಾರೆ. ಅದು ಆಲೂಗಡ್ಡೆ ಚಿಪ್‌ ಅಲ್ಲ, ಬದಲಾಗಿ ಕಂಪ್ಯೂಟರ್‌ ಚಿಪ್‌. ಹಾಗಂದರೆ ಏನು?

ಮೈಕ್ರೊಚಿಪ್‌ ಎಂದೂ ಕರೆಯಲ್ಪಡುವ ಕಂಪ್ಯೂಟರ್‌ ಚಿಪ್‌ ಸಿಲಿಕಾನ್‌ನಿಂದ ಮಾಡಿದ ಸಣ್ಣ ಮತ್ತು ತೆಳುವಾಗಿರುವ ಉಗುರಿನ ಗಾತ್ರದ ರಚನೆಯಾಗಿದೆ. ಪ್ರತಿ ಸಿಲಿಕಾನ್‌ ಚಿಪ್‌ಗೆ ಹಲವಾರು ಎಲೆಕ್ಟ್ರಾನ್‌ ಸಕ್ರ್ಯೂಟ್‌ಗಳನ್ನ ಅಳವಡಿಸಲಾಗಿರುತ್ತದೆ. ಇವು ಕಂಪ್ಯೂಟರ್‌ ಕೆಲಸ ಮಾಡುವಂತೆ ಮಾಡುತ್ತವೆ.Ü

ಈ ಮೊದಲು ಕಂಪ್ಯೂಟರ್‌ಗಳು ಹಲವಾರು ಟನ್‌ಗಳಷ್ಟು ಭಾರವಿದ್ದವು. ಅದರೊಳಗಿದ್ದ ಹಲವಾರು ಜಾಗಗಳು ವಾಲ್ವ್ಸ್‌ ಎಂದು ಕರೆಯಲ್ಪಡುವ ದಪ್ಪನೆಯ ನಿರ್ವಾತ ನಳಿಕೆಗಳಿಂದ ಮಾಡಲ್ಪಟ್ಟಿದ್ದ ಕಾರಣ ಅವುಗಳಿಗೆ ಅಪಾರ ಪ್ರಮಾಣದ ಶಕ್ತಿ ವ್ಯಯವಾಗುತ್ತಿತ್ತು. ಟ್ರಾನ್ಸಿಸ್ಟರ್ಸ್‌ ಮತ್ತು ಮೈಕ್ರೊಚಿಪ್‌ನ ಅನ್ವೇಷಣೆ ನಂತರ ಇವೆಲ್ಲಾ ಬದಲಾದವು. ಈಗಿನ ಸಣ್ಣ ಕಂಪ್ಯೂಟರ್‌ಗಳು ಮೆಕ್ರೊಚಿಪ್‌ಗಳಿಂದ ನಡೆಯುತ್ತವೆ. ಪ್ರತಿಯೊಂದರಲ್ಲೂ ಸಾವಿರಾರು ಟ್ರಾನ್ಸಿಸ್ಟರ್‌ಗಳಿರುತ್ತವೆ ಮತ್ತು ಅದರ ಸಕ್ರ್ಯೂಟ್‌ಗಳು ಅದಕ್ಕೆ ಅಳವಡಿಕೆಯಾಗಿರುತ್ತವೆ.